Qostanai oblysynyń Amankeldi aýdanyndaǵy 12 aýylǵa jol joq. Tek tikushaqpen ǵana qatynaýǵa bolady, dep habarlaidy «Ult aqparat» 24 arnaǵa silteme jasap.
Keiingi úsh-tórt kúnde ol jaqqa azyq-túlik, turmystyq zattar áýe arqyly jetkizilip jatyr. Amankeldi aýdany ortalyǵynyń stadiony sońǵy úsh-tórt kúnde ushaq alańyna ainaldy. Sý qorshaýynda qalǵan aýyldarǵa azyq-túlik tek osy jerden jetkiziledi.
Sý qursaýynda qalǵan aýyldarǵa tikushaqpen kezekti kómek apara jatyr. Bul joly Alakól, Qabyrǵa jáne Jańatas aýyldaryna un, t.b. azyq-túlikter, basqa da qajettilikteri, gýmanitarlyq kómek jetkizildi. Al qaitarda ol qaýipti aimaqtardan 16 adam evakýatsiialandy.
Qabyrǵa aýylynda maldaryn qarailap onshaqty er adam qalǵan. Tasqyn sý qorshaýynda qalǵan eldi mekenderdiń biri – Jańatai aýyly. Munda onshaqty úi bar. Osy aýyldan on adam evakýatsiialandy. Negizinen áielder men balalar.
Qazir Amankeldi aýdanynda sý tasqyny báseńdegeni baiqalady. Al óńirdiń ortalyq, soltústik bóliginde endi qarqyn alady degen boljam bar.
«Qazirgi kezde Qarasý, Áýliekól, Naýyrzym, Qamysty, Sarykól, Meńdiqara, Uzynkól aýdandarynda sý tasý qaýpi bar. Sondai-aq Reseiden mol sý kelýi múmkin. Mamandardyń aitýynsha kórshi elden keletin mol sý birinshi kezekte Jitiqara aýdanyna kúrdeli jaǵdai týdyrýy ábden yqtimal», - deidi Qostanai oblystyq TJD mamany Vladislav Kovaliov.
