سۋرەت: Rstomat4.medgis.ru
سۋ رەسۋرستارى جەنە يرريگاتسييا مينيسترٸ نۇرجان نۇرجٸگٸتوۆ مەملەكەت باسشىسىنىڭ تاپسىرماسىن ورىنداۋ اياسىندا سۋ رەسۋرستارىن تيٸمدٸ پايدالانۋ جەنە زاڭسىز سۋ تۇتىنۋمەن كٷرەس بويىنشا شارالاردى كٷشەيتۋ تۋرالى مەلٸمدەدٸ, دەپ حابارلايدى Ult.kz.
مينيسترلٸك باس پروكۋراتۋرا جەنە ٸشكٸ ٸستەر مينيسترلٸگٸمەن بٸرلەسٸپ, رەسپۋبليكالىق دەڭگەيدە جەدەل-اناليتيكالىق جۇمىستار مەن رەيدتٸك ٸس-شارالار ۇيىمداستىراتىن ارنايى جۇمىس توبىن قۇرۋعا كەلٸستٸ. بۇل توپ زاڭسىز سۋ پايدالانۋشىلاردى, سونداي-اق سۋ شارۋاشىلىعى سالاسىنداعى ادال ەمەس قىزمەتكەرلەردٸ انىقتايتىن بولادى.
مينيستر زاڭسىز سۋ الۋدىڭ بٸرقاتار ماماننىڭ ٶز مٸندەتتەرٸن ورىنداماۋىنان تۋىنداعانىن اتاپ ٶتٸپ, سۋ شارۋاشىلىعى ماماندارىنا بارلىق قاجەتتٸ جاعدايدىڭ جاسالعانىن, ماتەريالدىق-تەحنيكالىق بازانىڭ نىعايتىلعانىن جەنە جالاقىنىڭ كٶتەرٸلگەنٸن ەسكە سالدى.
جاڭا زاڭنامالىق تٷزەتۋلەر جەنە تسيفرلاندىرۋ
«كٶلەڭكەلٸ» سۋ نارىعىمەن كٷرەس اياسىندا سۋارۋ سۋىن پايدالانۋ ەرەجەلەرٸنە, ەكٸمشٸلٸك جەنە سۋ كودەكستەرٸنە قوسىمشا تٷزەتۋلەر ەزٸرلەنٸپ جاتىر. بۇل كانالداردان زاڭسىز سۋ الۋدىڭ الدىن الۋعا باعىتتالعان. سونىمەن قاتار, ۇلتتىق سۋ رەسۋرستارى اقپاراتتىق جٷيەسٸ بازاسىندا سۋارۋ پروتسەسٸن تسيفرلىق مونيتورينگتەۋ جٷيەسٸ جاسالۋدا.
مەملەكەت باسشىسىنىڭ تاپسىرماسى بويىنشا, ٶزەندەر مەن كٶلدەردٸ تٷگەندەۋ قايتا باستالادى. بۇل مەملەكەتتٸك سۋ كاداسترىن قالىپتاستىرىپ, كليماتتىق تەۋەكەلدەر جاعدايىندا شەشٸم قابىلداۋعا نەگٸز بولاتىن بەرٸك اناليتيكالىق بازا قۇرۋعا مٷمكٸندٸك بەرەدٸ. ورتالىق ازييا ٶڭٸرلٸك گلياتسيولوگييالىق ورتالىعىمەن بٸرلەسٸپ مۇزدىقتار كاتالوگىن جاساۋ جوباسى پىسىقتالۋدا.
سۋ رەسۋرستارىن ەسەپكە الۋ جٷيەسٸن جەتٸلدٸرۋ
سۋ رەسۋرستارىن ەسەپكە الۋ جٷيەسٸن ۇيىمداستىرۋ ماقساتىندا «قازسۋشار» رمك-نىڭ «سۋ-مەترولوگييا» فيليالى قايتا قۇرىلۋدا. جاڭا قۇرىلىم سۋ پايدالانۋ ەسەبٸنٸڭ ستاندارتتارى مەن تالاپتارىن ەزٸرلەۋمەن, ەسەپكە الۋ جٷيەلەرٸن جوبالاۋ, ورناتۋ جەنە تەكسەرۋمەن اينالىسادى.
مينيستر بارلىق ۆيتسە-مينيسترگە جٷزەگە اسىرىلىپ جاتقان جوبالار بويىنشا كەشەندٸ جۇمىس پەن مونيتورينگ ۇيىمداستىرۋدى تاپسىردى. گيدروتەحنيكالىق قۇرىلىسجايلاردى جٶندەۋ جەنە كانالداردى تازالاۋ ٷشٸن سۋ شارۋاشىلىعى نىساندارىن پايدالاناتىن ۇيىمداردىڭ ماتەريالدىق-تەحنيكالىق بازاسىن كٷشەيتۋ قاجەتتٸلٸگٸن اتاپ ٶتتٸ. سونىمەن قاتار, سولتٷستٸك ارال تەڭٸزٸنٸڭ كٶلەمٸن ۇلعايتۋ جوباسى بويىنشا تەحنيكالىق-ەكونوميكالىق قۇجاتتامانى اياقتاۋ جەنە يسلام دامۋ بانكٸنٸڭ نەسيەسٸنە مەملەكەتتٸك كەپٸلدٸك الۋ مەسەلەسٸن جەدەلدەتۋ قاجەت.
