فوتو: Gov.kz
الماتى وبلىسىنىڭ بالقاش اۋدانىندا كەڭ اۋقىمدى دالالىق ەكسپەديتسييا ٶتتٸ. ونى سۋ رەسۋرستارى جەنە يرريگاتسييا مينيسترلٸگٸ مەن فرانتسۋز عىلىمي كونسورتسيۋمى, ەلٸمٸزدٸڭ عىلىمي ۇيىمدارى جەنە جەرگٸلٸكتٸ اتقارۋشى ورگاندارمەن بٸرلەسٸپ ۇيىمداستىردى, دەپ حابارلايدى Ult.kz.
ەكسپەديتسييانىڭ ماقساتى – بالقاش كٶلٸ باسسەينٸندەگٸ سۋ رەسۋرستارىنىڭ جاي-كٷيٸن كەشەندٸ زەرتتەۋ, ونىڭ ٸشٸندە جەرٷستٸ جەنە جەراستى سۋلارىنىڭ مونيتورينگٸ, سۋارمالى اۋىل شارۋاشىلىعى القاپتارىن تالداۋ, ٶڭٸردٸڭ سۋ بالانسىن مودەلدەۋ ٷشٸن دالالىق دەرەكتەردٸ جيناۋ جەنە تەكسەرۋ.
ەكسپەديتسييا قۇرامىنا فرانتسۋز عىلىمي كونسورتسيۋمىنىڭ ساراپشىلارى, سۋ رەسۋرستارى جەنە يرريگاتسييا مينيسترلٸگٸ, بالقاش-الاكٶل باسسەيندٸك ينسپەكتسيياسى, «قازگيدروگەولوگييا» ۇلتتىق گيدروگەولوگييا قىزمەتٸ, ۋ.م. احمەدسافين اتىنداعى گيدروگەولوگييا جەنە گەوەكولوگييا ينستيتۋتى جەنە «قازاقمىس كورپوراتسيياسى» جشس ٶكٸلدەرٸ ەندٸ.
ماماندار بوياۋلى, بەرەكە, باقاناس, باقباقتى جەنە بٸرلٸك اۋىلدىق وكرۋگتەرٸندەگٸ سۋارۋ جٷيەلەرٸن ارالاپ كٶردٸ. تەكسەرۋ بارىسىندا اۋىل شارۋاشىلىعى القاپتارىن سۋمەن قامتۋ, كانالداردىڭ تەحنيكالىق جاي-كٷيٸ, ينفراقۇرىلىمدى جاڭارتۋ قاجەتتٸلٸگٸ جەنە سۋ ٷنەمدەۋ تەحنولوگييالارىن ەنگٸزۋ مەسەلەلەرٸ تالقىلاندى.
سونداي-اق سۋدى قايتا پايدالانۋ, مەليوراتسييالىق جٷيەلەردٸڭ جاي-كٷيٸ جەنە جەراستى سۋلارىنىڭ دەڭگەيٸ تۋرالى دا ايتىلدى.
ەكسپەديتسييا قاتىسۋشىلارى الماتى وبلىسىنىڭ نەگٸزگٸ سۋ ايدىندارىن, ونىڭ ٸشٸندە قاپشاعاي سۋ قويماسىن, ٸلە ٶزەنٸنٸڭ ساعاسىن, مەليوراتسييالىق جەنە ارتەزيان ۇڭعىمالارىن جەنە سوربۇلاق كٶلٸن ارالادى. سونداي-اق الماتىداعى جەتەكشٸ عىلىمي-زەرتتەۋ ينستيتۋتتارىندا كەزدەسۋلەر ۇيىمداستىرىلدى.
«زەرتتەۋ قورىتىندىسى بويىنشا مەملەكەتتٸك ورگاندار مەن مٷددەلٸ تاراپتارعا ۇسىنىستار قامتىلعان تالدامالىق ەسەپ دايىندالادى. فرانتسۋز ساراپشىلارىمەن بٸرلەسٸپ ٸسكە اسىرىلىپ جاتقان بۇل جوبا 2040 جىلعا دەيٸنگٸ بولجاممەن بالقاش كٶلٸن ساقتاۋ بويىنشا ماستەر-جوسپار ەزٸرلەۋگە باعىتتالعان. جٷرگٸزٸلٸپ جاتقان زەرتتەۋلەر قازاقستان مەن فرانتسييا اراسىنداعى ەكولوگييا, سۋ پايدالانۋ جەنە عىلىمي الماسۋ سالاسىنداعى ستراتەگييالىق ەرٸپتەستٸكتٸ نىعايتۋعا باعىتتالعان ماڭىزدى قادام», – دەدٸ قر سۋ رەسۋرستارى جەنە يرريگاتسييا مينيسترلٸگٸنٸڭ سۋ ساياساتى دەپارتامەنتٸ ديرەكتورىنىڭ ورىنباسارى مارات يماناليەۆ.
ەسكە سالساق, بىلتىر جەلتوقسان ايىندا سۋ رەسۋرستارى جەنە يرريگاتسييا مينيسترلٸگٸ, فرانتسييانىڭ دامۋ اگەنتتٸگٸ (AFD) جەنە فرانتسييانىڭ گەولوگييالىق جەنە تاۋ-كەن زەرتتەۋ بيۋروسى (BRGM) اراسىندا بالقاش كٶلٸ باسسەينٸن بٸرلەسٸپ زەرتتەۋ جەنە كٶلدٸ ساقتاۋ بويىنشا ماستەر-جوسپار ەزٸرلەۋگە گرانت بٶلۋ قاراستىرىلعان ٷشجاقتى كەلٸسٸمگە قول قويىلعان بولاتىن.
