فوتو: egemen.kz
سۋ رەسۋرستارى جەنە يرريگاتسييا مينيسترلٸگٸ قازاقستاننىڭ سۋ قويمالارى مەن ٶزەندەرٸ كٶكتەمگٸ سۋ تاسقىنىنا دايىن با دەگەن سۇراققا جاۋاپ بەردٸ, دەپ حابارلايدى Kazinform اگەنتتٸگٸ.
«2023 جىلى وڭتٷستٸك ايماقتاردا ۆەگەتاتسييا ٶتە قۇرعاق بولدى. سۋ تاپشىلىعى بايقالدى. ەلٸمٸزدٸڭ وڭتٷستٸگٸندەگٸ بارلىق دەرلٸك سۋ قويماسى پايداسىز كٶلەمگە دەيٸن جۇمىس ٸستەدٸ. قازگيدرومەتتٸڭ كٷزگٸ-قىسقى بولجامى بويىنشا بارلىق سۋ قويمامىز تولتىرۋ رەجيمٸندە جۇمىس ٸستەپ جاتىر. قازٸرگٸ ۋاقىتتا ولار 60-70%-عا تولدى. بٸزدٸڭ سۋ قويمالارىمىز اعىندى رەتتەۋ ٷشٸن سۋ كٶلەمٸن قابىلداۋعا دايىن», - دەدٸ مينيسترلٸكتٸڭ سۋ شارۋاشىلىعى كوميتەتٸ تٶراعاسىنىڭ ورىنباسارى گٷلميرا يماشەۆا Sputnik قازاقستان مۋلتيمەدييالىق باسپاسٶز ورتالىعىندا ٶتكەن دٶڭگەلەك ٷستەلدە.
مىسال رەتٸندە سپيكەر ترانزيتتٸك رەجيمدە جۇمىس ٸستەيتٸن تاسٶتكەل سۋ قويماسىن ايتتى. ونىڭ قازٸرگٸ كٶلەمٸ – 301 ميلليون تەكشە مەتر.
«كەلٸپ جاتقان بارلىق سۋ تٶمەنگٸ اعىسقا تٶگٸلەدٸ. وسىلايشا, بٸز تاسقىن سۋدى قابىلداۋعا دايىندالىپ جاتىرمىز», - دەدٸ سپيكەر.
ەڭ ٸرٸ سۋ قويمالارىنىڭ بٸرٸ شارداراداعى سۋ كٶلەمٸ بٷگٸندە 2,5 تەكشە شاقىرىمدى قۇرايدى. ٶتكەن جىلدىڭ دەل وسى كٷنٸ كٶلەم 4,1 تەكشە شاقىرىم بولعان ەدٸ.
«سۋ تاسقىنى – تابيعي پروتسەسس. مۇنىڭ بەرٸ اۋا رايىنىڭ قانداي بولاتىنىنا بايلانىستى. بٸراق مينيسترلٸك پەن اۋماقتىق بٶلٸمشەلەر تاراپىنان كٷندەلٸكتٸ مونيتورينگ جٷرگٸزٸلەدٸ. بٸز سۋدىڭ كٶلەمٸ مەن اعىنىن باقىلاپ وتىرمىز. بارلىق ٸرٸ سۋ قويماسىندا ۆەگەتاتسييالىق كەزەڭگە ارنالعان جۇمىس كەستەسٸ ەزٸرلەندٸ, وندا بٸز 1 سەۋٸرگە, ۆەگەتاتسييالىق كەزەڭنٸڭ باستالۋىنا قاراي قاجەتتٸ كٶلەمدٸ جينايتىنىمىز جازىلعان», - دەپ تولىقتىردى گٷلميرا يماشەۆا.
