سۋ باسۋ قاۋپٸ تٶنٸپ تۇرعان رەسپۋبليكالىق ماڭىزعا يە جولداردىڭ 400-دەن استام ۋچاسكەسٸ ەرەكشە باقىلاۋعا الىندى. بۇل تۋرالى "ۇلت اقپارات" يندۋسترييا جەنە ينفراقۇرىلىمدىق دامۋ مينيسترلٸگٸنە سٸلتەمە جاساپ حابارلايدى.
«سۋ باسۋ قاۋپٸن ۋاقىتىلى الدىن الۋ جەنە جويۋ ماقساتىندا قر ييدم اۆتوموبيل جولدارىن كٶكتەمگٸ سۋ تاسقىنى كەزەڭٸنە دايىنداۋ شارالارىن جٷرگٸزٸپ جاتىر. قازٸرگٸ تاڭدا اۆتوموبيل جولدارى كوميتەتٸنٸڭ باقىلاۋىنا سۋ باسۋ قاۋپٸ تٶنٸپ تۇرعان 464 جول ۋچاسكەسٸ, 66 كٶپٸر مەن 852 سۋ ٶتكٸزگٸش قۇبىر الىنعان», - دەلٸنگەن حابارلامادا.
وسى ورايدا جول قىزمەتتەرٸ تەۋلٸك بويى كەزەكشٸلٸك ۇيىمداستىرىپ, اۆتوجولدار مەن جول قۇرىلىستارىنا كٷن سايىن پاترۋلدەۋ جٷرگٸزەدٸ. سۋ تاسقىنى كەزەڭٸندە جۇمىستاردى ۋاقىتىلى ۇيىمداستىرۋ ٷشٸن جانار-جاعار مايدىڭ 644 تونناسى, قۇمنىڭ 8,1 مىڭ, تاستىڭ 6,8 مىڭ, قيىرشىق تاستىڭ 17,2 مىڭ تەكشە مەترٸ, 45,5 مىڭ دانا قاپ, 25 دانا تەمٸر-بەتوندى قۇبىر دايىندالدى. جالپى دايىندىق 90 پايىزدى قۇرادى. سۋ ٶتكٸزگٸش قۇبىرلاردى جەنە كٶپٸر ارنالارىن قاردان تازالاۋ جۇمىستارى باستالىپ كەتتٸ. سۋ باسۋ قاۋپٸ تٶنٸپ تۇرعان نىسانداردا جول-پايدالانۋ تەحنيكاسىنىڭ 883 بٸرلٸگٸ بەكٸتٸلگەن.
ەسكە سالايىق, ٶتكەن جىلعى سۋ تاسقىنى كەزەڭٸندە رەسپۋبليكالىق ماڭىزى بار اۆتوموبيل جولدارىنىڭ قوزعالىس بٶلٸگٸ سۋ استىندا قالۋىنىڭ 38 وقيعاسى تٸركەلگەن بولاتىن. مۇنداي وقيعالاردىڭ سانى بويىنشا قاراعاندى وبلىسى كٶش باستادى. ٶڭٸردەگٸ جولداردىڭ سۋ استىندا قالۋى بويىنشا 26 وقيعا تٸركەلگەن ەدٸ. اقمولا وبلىسىندا جول ۋچاسكەلەرٸن سۋ باسۋدىڭ 7, شىعىس قازاقستان مەن پاۆلودار وبلىستارىندا – 2, سولتٷستٸك قازاقستان وبلىسىندا – 1 وقيعاسى ورىن العان. وسىنىڭ سالدارىنان جول جيەكتەرٸ, جاساندى قۇرىلىستار شامالى بۇزىلعان بولاتىن. كەلتٸرٸلگەن زالالدىڭ جالپى سوماسى 90,3 ملن تەڭگەنٸ قۇرادى. سۋ تاسقىنى سالدارىنان بولعان ولقىلىقتاردى جول قىزمەتتەرٸ دەر كەزٸندە جويدى.
