قاراعاندىدا بٸرازدان ايتىلىپ كەلە جاتقان بيزنەس-ينكۋباتورلار قۇرۋ مەسەلەسٸ اقىرى وڭ شەشٸمٸن تاباتىن سەكٸلدٸ. تەحنيكالىق جەنە كەسٸبي بٸلٸم مەسەلەلەرٸ جٶنٸندەگٸ ايماقتىق كەڭەستە جارييا بولعان بۇل باستامانى سول كەزدە وبلىس ەكٸمٸ نۇرمۇحامبەت ەبدٸبەكوۆ تە قولداپ, بٸلٸم بەرۋ, كەسٸپكەرلٸك جەنە جاستار ساياساتى باسقارمالارىنا وسى جوبانى قولعا الۋدى تاپسىردى.
الايدا, جاستاردى تاپسىرما جٷكتەلگەن جاۋاپتى ورىنداردان بۇرىن بيزنەسمەندەر قولداۋعا نيەت بٸلدٸرٸپ, ولار جاقىندا كوللەدج باسشىلارىمەن جەنە بٸلٸم بەرۋدٸ دامىتۋدىڭ وقۋ-ەدٸستەمەلٸك ورتالىعى ٶكٸلدەرٸمەن كەزدەسۋ ٶتكٸزدٸ.
– كەسٸپكەر بولعىسى كەلەتٸن جاستار از ەمەس, بٸراق سوعان جەتۋدٸڭ جولىن بٸلمەيدٸ, – دەيدٸ وقۋ-ەدٸستەمەلٸك ورتالىعى ديرەكتورىنىڭ ورىنباسارى دانا اساقاەۆا. – سوندىقتان, ولارعا مۇنداي جاعدايدا بيزنەس-ينكۋباتور كٶمەكتەسە الادى. بۇل جوبا قازٸرگٸ باستى پروبلەمالاردىڭ بٸرٸ – جۇمىسسىزدىق مەسەلەسٸن شەشە الار ەدٸ. ستۋدەنتتەر اراسىندا كەسٸپكەرلٸكتٸ دامىتۋ جاڭا جۇمىس ورىندارىن اشۋمەن قاتار, بيزنەس ەلەمٸنٸڭ جاڭا كٶرنەكتٸ ٶكٸلدەرٸن ٶمٸرگە ەكەلەدٸ دەگەن ٷمٸتٸمٸز بار.
كەزدەسۋگە قاراعاندى وبلىسى كەسٸپكەرلەر قاۋىمداستىعىنىڭ پرەزيدەنتٸ ەرمەك ەبٸلدين, سونىمەن قاتار, تٶلەگەن ەشٸموۆ, ستەپان ۆاديۋنين, قابدوللا بٸسمٸلدين سيياقتى جەرگٸلٸكتٸ تانىمال كەسٸپكەرلەر قاتىستى. ٸسكەر جاندار دا وقۋ ورىندارىنان بيزنەس سالاسىندا لايىقتى ٸزباسارلار شىعاتىنىنا سەنٸمدٸ. ولار ستۋدەنت جاستاردى كەسٸپكەرلٸك جولىنا ٷيرەتٸپ, بٸلگەن اقىل-كەڭەستەرٸمەن بٶلٸسۋگە دايىن.
جۇمىسشى ماماندىقتارىنا وقىتاتىن تەحنيكالىق-قۇرىلىس كوللەدجٸنٸڭ عيماراتىندا ٶتكەن سەمينارعا قاتىسقانداردىڭ دەنٸ – بۇرىنعى كەسٸپتٸك-تەحنيكالىق ۋچيليششەلەردٸڭ باسشىلارى. كەسٸپكەر, قاراعاندى وبلىستىق مەسليحاتىنىڭ دەپۋتاتى تٶلەگەن ەشٸموۆ ايتقانداي, قوعامداعى نەگٸزگٸ قوزعاۋشى كٷش تە بٷگٸنگٸ جۇمىسشى جەنە ورتا تاپ. ونىڭ ٷستٸنە, كٶپ نەرسە كەسٸپورىن ينجەنەرلەرٸ مەن ديرەكتورلارىنا ەمەس, جۇمىسكەرلەرمەن قويان-قولتىق ەڭبەك ەتەتٸن بريگاديرلەرگە بايلانىستى. ٶيتكەنٸ, ٶز كەسٸبٸنٸڭ قىر-سىرىن مەيلٸنشە جەتٸك بٸلەتٸن سولار.
– بٸز بٸرٸنشٸ كەزەكتە قازٸر قازاقستاننىڭ ٸرٸ كەسٸپورىندارىندا جەمٸستٸ جۇمىس اتقارىپ جٷرگەن بۇرىنعى تٷلەكتەرٸمٸزبەن بايلانىس ورناتۋىمىز كەرەك. ستۋدەنتتٸ تەجٸريبەگە, ساليقالى ٸسكە تارتۋعا بولاتىن-بولمايتىنىن سولار انىقتاي الادى, – دەيدٸ تٶلەگەن ەشٸموۆ.
يە, ٶمٸر كٶرگەن, ٶمٸردٸڭ تەزٸن كٶرگەن ۇستازدان تەلٸم العان شەكٸرتتەر ەرتەڭ-اق ٶز جولىن تابارى انىق. سونى وسى جيىندا كەسٸپكەرلەر قاۋىمداستىعىنىڭ پرەزيدەنتٸ ەرمەك ەبٸلدين دە ايتتى.
– ستۋدەنتتەر بيزنەسٸن دامىتۋ جۇمىسپەن قامتۋ مەسەلەلەرٸن دە شەشەر ەدٸ, – دەيدٸ ول. – ونىڭ ٷستٸنە, مەملەكەت بٸزگە بيزنەسپەن جەنە جۇمىسپەن قامتۋدىڭ جول كارتالارى تٷرٸندەگٸ بارلىق مٷمكٸندٸكتٸ جاساپ وتىرعانىن ەستەن شىعارماعانىمىز ابزال…
ەرمەك تٶلەۋۇلى بۇل جوبانىڭ قالاي جۇمىس ٸستەۋٸ قاجەتتٸگٸن دە تەپتٸشتەپ ٶتتٸ. كوللەدج باسشىلارىنان كەرەگٸ – ساباق ٶتكٸزۋ ورىندارى, پەداگوگتار مەن ستۋدەنتتەر. ال جەكەلەگەن كومپانييا ٶكٸلدەرٸ ولارعا ٶز اقىل-كەڭەستەرٸن, جٶن-جوبالارى مەن ۇسىنىستارىن ايتا كەلەدٸ. ولار جاستارعا بيزنەس-جوسپار جاساۋ امالدارىن, الىم-سالىقتىڭ نە ەكەنٸن ٷيرەتٸپ, ەڭ باستىسى, جۇمىس بەرۋشٸگە تەۋەلدٸ بولماۋ جولدارىن تٷسٸندٸرەر ەدٸ.
وسى سەميناردىڭ تەحنيكالىق-قۇرىلىس كوللەدجٸندە ٶتكٸزٸلۋٸ بەكەردەن ەمەس. دەل وسى وقۋ ورنىندا ەدەتتەگٸ جاسٶسپٸرٸمدەرمەن قاتار مٷمكٸندٸگٸ شەكتەۋلٸ جاس ٶسكٸندەر دە بٸلٸم الۋدا. كوللەدجدٸڭ ەلۋ شاقتى ستۋدەنتٸ كەمباعال: بٸرٸنٸڭ قۇلاعى ەستٸمەسە, ەندٸ بٸرٸنٸڭ كٶرۋ قابٸلەتٸ تٶمەن جەنە باسقاداي. ەيتسە دە, كوللەدج ديرەكتورى سۆەتلانا بالابەكوۆانىڭ ايتۋىنشا, ولاردىڭ قاي-قايسىسى دا ٶز بولاشاعىنىڭ جارقىن بولارىنا سەنەدٸ. كوللەدجدە بيزنەس-ينكۋباتور قۇرۋدى بۇل كٸسٸ دە قولداپ وتىر. ٶيتكەنٸ, ەرتەڭ-اق ٶتە شىعاتىن وقۋ مەرزٸمٸنەن سوڭ, ون ەكٸ مٷشەسٸ دٸن امان تٷلەكتەردٸڭ ٶزٸ قايدا بارارىن بٸلمەي توسىلادى.
ۇزىن سٶزدٸڭ قىسقاسى, بيزنەس-ينكۋباتور جاساۋدىڭ قاناتقاقتى جوباسى وسى تەحنيكالىق-قۇرىلىس كوللەدجٸندە ٸسكە قوسىلاتىن بولدى. مۇندا وعان كەرەك جاعدايدىڭ بەرٸ دە بار. ەندٸ تەك كەسٸپكەرلەردٸڭ جان-جاقتى قولداۋى عانا قاجەت. سەتٸن سالسا, قازاقستاندىق بيزنەستە ۇرپاقتار ساباقتاستىعى دەگەن ۇعىم قالىپقا اينالاتىن كٷن دە تۋاتىن سيياقتى. بۇل, ەرينە, قوعام يگٸلٸگٸنە قىزمەت ەتەر ٷردٸس بولار ەدٸ.
قايرات ەبٸلدينوۆ,
«ەگەمەن قازاقستان»
قاراعاندى
.jpeg)