ستامبۋلداعى "دولماباحچە" سارايىندا ۋكراينا مەن رەسەي اراسىنداعى كەلٸسسٶزدٸڭ جاڭا راۋندتى باستالدى. بۇل تۋرالى تٷركييانىڭ "انادولى" اگەنتتٸگٸ حابارلادى. ەكٸ ەلدٸڭ دەلەگاتسيياسى ستامبۋلعا كەشە, 28 ناۋرىزدا كەلگەن, دەپ حابارلايدى ازاتتىق راديوسى.
كەلٸسسٶز الدىندا تٷركييا پرەزيدەنتٸ رەجەپ تايىپ ەردوعان سٶز سٶيلەپ, "ەدٸلەتتٸ بەيبٸتشٸلٸك - ەكٸ تاراپ ٷشٸن دە جەڭٸس, قاقتىعىستى جالعاستىرۋ ەكٸ تاراپقا دا پايدا ەكەلمەيدٸ. حالىقارالىق قاۋىمداستىق ستامبۋلداعى كەزدەسۋدەن جاقسى شەشٸم كٷتەدٸ" دەدٸ.
اقپارات اگەنتتٸكتەرٸنٸڭ حابارلاۋىنشا, ەردوعان كەلٸسسٶز الدىندا رەسەيلٸك وليگارح رومان ابراموۆيچپەن سٶيلەسكەن. بۇعان دەيٸن كەيبٸر دەرەككٶزدەر ابراموۆيچتٸڭ كەلٸسسٶزگە قاتىساتىنىن ايتقان ەدٸ.
ۋكراينا سىرتقى ٸستەر مينيسترٸ دميتريي كۋلەبانىڭ سٶزٸنشە, كيەۆتٸڭ ماقساتى كەمٸ "گۋمانيتارلىق مەسەلەنٸ شەشۋ", ماكسيمۋم - اتىستى توقتاتۋعا كەلٸسۋ.
بريتاندىق Financial Times باسىلىمىنىڭ جازۋىنشا, ەگەر ۋكراينا ٶزٸن بەيتاراپ ەل دەپ جارييالايتىن بولسا, وندا كرەمل ۋكرايناعا دەناتسيفيكاتسييا جايلى تالاپ قويۋدان باس تارتۋعا جەنە ۋكراينانىڭ ەۋروپا وداعى قۇرامىنا ەنۋٸنە كەلٸسٸم بەرۋگە ەزٸر.
ەكٸ تاراپ ناۋرىزدىڭ باسىندا بەلارۋستە كەلٸسسٶز ٶتكٸزگەن, كەيٸن بۇل پروتسەسس ۆيدەوبايلانىس ارقىلى جالعاسقان ەدٸ. ستامبۋلداعى كەلٸسسٶز ەكٸ كٷن ٶتەدٸ جەنە جۋرناليستەر قاتىسپايدى.
