سولتٷستٸك قازاقستان وبلىسىندا جابايى جانۋارلاردىڭ جولعا شىعۋىنا بايلانىستى بٸرنەشە جول-كٶلٸك وقيعاسى تٸركەلدٸ. پوليتسييا جٷرگٸزۋشٸلەردٸ ەسٸرەسە تٷنگٸ ۋاقىتتا ساق بولۋعا شاقىردى, دەپ حابارلايدى ult.kz.
ٶڭٸردە مۇنداي بٸرنەشە جول-كٶلٸك وقيعاسى تٸركەلٸپ ٷلگەرگەن. چەليابٸ – نوۆوسٸبٸر تاسجولىنىڭ 562-شاقىرىمىندا Toyota Alphard كٶلٸگٸ بۇلانمەن سوقتىعىسقان. 57 جاستاعى جٷرگٸزۋشٸ زارداپ شەككەن جوق, الايدا جانۋار ٶلگەن. كٶلٸك مەحانيكالىق زاقىمدالىپ, ونى ەۆاكۋاتورمەن الىپ كەتكەن.
«كٷز مەزگٸلٸندە جابايى جانۋارلار جولدى جيٸ كەسٸپ ٶتەدٸ. پەتروپاۆل – قوستاناي, پەتروپاۆل – جەزقازعان جەنە چەليابٸ – نوۆوسٸبٸر باعىتتارىنداعى تاسجولداردا جانۋارلارمەن سوقتىعىسۋ قاۋپٸ جوعارى. تامىز ايىنىڭ سوڭىندا وسىنداي بٸرنەشە جول-كٶلٸك وقيعاسى تٸركەلدٸ. ولاردىڭ بارلىعى قاراڭعى ۋاقىتتا, ورمان القاپتارىنا جاقىن جەردە بولعان. اققايىڭ اۋدانىندا Hyundai Tucson كٶلٸگٸ قاباندى قاعىپ, جانۋار ٶلگەن. ال ەسٸل اۋدانىندا Hyundai Staria كٶلٸگٸنٸڭ الدىنان كەنەتتەن شىققان ەلٸك كٶلٸك استىندا قالعان», – دەلٸنگەن حابارلامادا.
پوليتسييا جٷرگٸزۋشٸلەردٸ جىلدامدىق رەجيمٸن ساقتاۋعا, قارسى باعىتتاعى كٶلٸكتەردٸڭ جٷرگٸزۋشٸلەرٸن الىستان تٷسٸرەتٸن جارىقپەن شاعىلىستىرماۋعا جەنە قاۋٸپسٸزدٸك بەلدٸگٸن تاعۋعا شاقىردى.
قۇقىق قورعاۋ ورگاندارى ەسٸرەسە تٷنگٸ ۋاقىتتا, ورمانعا جاقىن ۋچاسكەلەردە جەنە بۇرىلىستاردا بارىنشا ساق بولۋدى ەسكەرتەدٸ.
