شىعىس قازاقستان وبلىسىنىڭ ريددەر قالاسىنىڭ تۇرعىنى ٶزەن جاعاسىنان XIX عاسىرعا تيەسٸلٸ سيرەك كەزدەسەتٸن رەۆولۆەر تاۋىپ, ونى پوليتسيياعا ٶز ەركٸمەن تاپسىردى, دەپ حابارلايدى ult.kz.
Polisia.kz مەلٸمەتٸنشە, 43 جاستاعى ەر ادام گروموتۋحا ٶزەنٸنٸڭ ماڭىندا سەرۋەندەپ جٷرگەن كەزدە ەسكٸ اتىس قارۋىن بايقاپ قالعان. ول ولجاسىن جاسىرماي, بٸردەن ريددەر قالالىق پوليتسييا بٶلٸمٸنە حابارلاپ, قارۋدى تەرتٸپ ساقشىلارىنا ٶتكٸزگەن.
شقو پوليتسييا دەپارتامەنتٸنٸڭ جەدەل-كريميناليستيكالىق باسقارماسى جٷرگٸزگەن ساراپتاما نەتيجەسٸندە تابىلعان زاتتىڭ XIX عاسىردىڭ سوڭىندا كەڭ قولدانىلعان, كاليبرٸ 8 ميلليمەتر بولاتىن لەفوشە جٷيەسٸندەگٸ رەۆولۆەر ەكەنٸ انىقتالدى.
مامانداردىڭ ايتۋىنشا, شتاتتىق وق-دەرٸلەردٸڭ بولماۋىنا بايلانىستى قارۋدىڭ اتىسقا جارامدىلىعىن تەكسەرۋ مٷمكٸن بولماعان. دەگەنمەن ساراپتاما ونىڭ زاۋىتتا جاسالعانىن جەنە تاريحي قۇندىلىعى بار سيرەك جەدٸگەر ەكەنٸن راستاعان.
قازٸرگٸ ۋاقىتتا تاريحي قارۋ تيٸستٸ ەسەپكە الىنىپ, ساقتاۋعا تاپسىرىلدى.
