Shyǵys Qazaqstan oblysynyń Ridder qalasynyń turǵyny ózen jaǵasynan XIX ǵasyrǵa tiesili sirek kezdesetin revolver taýyp, ony politsiiaǵa óz erkimen tapsyrdy, dep habarlaidy ult.kz.
Polisia.kz málimetinshe, 43 jastaǵy er adam Gromotýha ózeniniń mańynda serýendep júrgen kezde eski atys qarýyn baiqap qalǵan. Ol oljasyn jasyrmai, birden Ridder qalalyq politsiia bólimine habarlap, qarýdy tártip saqshylaryna ótkizgen.
ShQO Politsiia departamentiniń jedel-kriminalistikalyq basqarmasy júrgizgen saraptama nátijesinde tabylǵan zattyń XIX ǵasyrdyń sońynda keń qoldanylǵan, kalibri 8 millimetr bolatyn Lefoshe júiesindegi revolver ekeni anyqtaldy.
Mamandardyń aitýynsha, shtattyq oq-dárilerdiń bolmaýyna bailanysty qarýdyń atysqa jaramdylyǵyn tekserý múmkin bolmaǵan. Degenmen saraptama onyń zaýytta jasalǵanyn jáne tarihi qundylyǵy bar sirek jádiger ekenin rastaǵan.
Qazirgi ýaqytta tarihi qarý tiisti esepke alynyp, saqtaýǵa tapsyryldy.
