شىعىس قازاقستان وبلىسىندا جازاسىن ٶتەپ جٷرگەن سوتتالعان ازامات تٷزەتۋ مەكەمەسٸنە قايتىپ ورالماي, باسقا ٶڭٸردە ۇستالدى, دەپ حابارلايدى ult.kz.
شقو بويىنشا قىلمىستىق-اتقارۋ جٷيەسٸ دەپارتامەنتٸنٸڭ مەلٸمەتٸنشە, الاياقتىق جاساعانى ٷشٸن جازاسىن ٶتەپ جٷرگەن ەر ادامعا مەكەمە اۋماعىنان تىس جەردە جۇمىس ٸستەۋگە رۇقسات بەرٸلگەن. الايدا تاڭەرتەڭ جۇمىسقا كەتكەن ول بەلگٸلەنگەن ۋاقىتتا تٷزەتۋ مەكەمەسٸنە قايتىپ ورالماعان.
سوتتالعان ازاماتتىڭ №24 ەڭ تٶمەنگٸ قاۋٸپسٸزدٸك مەكەمەسٸنەن قاشقانى انىقتالعاننان كەيٸن قاج دەپارتامەنتٸنٸڭ قىزمەتكەرلەرٸ دەرەۋ ٸزدەستٸرۋ جۇمىستارىن باستادى. بەس ساعات ٸشٸندە ونىڭ قوزعالىس باعىتى انىقتالىپ, جەتٸسۋ وبلىسى پوليتسييا دەپارتامەنتٸنٸڭ ۇيىمداسقان قىلمىسقا قارسى كٷرەس باسقارماسى قىزمەتكەرلەرٸمەن بٸرلەسٸپ, باسقا ٶڭٸردە ۇستالدى.
قازٸرگٸ ۋاقىتتا جازاسىن ٶتەۋدەن جالتارۋ دەرەگٸ بويىنشا تيٸستٸ ٸس-شارالار جٷرگٸزٸلٸپ جاتىر.
