Shyǵys Qazaqstan oblysynda jazasyn ótep júrgen sottalǵan azamat túzetý mekemesine qaityp oralmai, basqa óńirde ustaldy, dep habarlaidy ult.kz.
ShQO boiynsha Qylmystyq-atqarý júiesi departamentiniń málimetinshe, alaiaqtyq jasaǵany úshin jazasyn ótep júrgen er adamǵa mekeme aýmaǵynan tys jerde jumys isteýge ruqsat berilgen. Alaida tańerteń jumysqa ketken ol belgilengen ýaqytta túzetý mekemesine qaityp oralmaǵan.
Sottalǵan azamattyń №24 eń tómengi qaýipsizdik mekemesinen qashqany anyqtalǵannan keiin QAJ departamentiniń qyzmetkerleri dereý izdestirý jumystaryn bastady. Bes saǵat ishinde onyń qozǵalys baǵyty anyqtalyp, Jetisý oblysy Politsiia departamentiniń Uiymdasqan qylmysqa qarsy kúres basqarmasy qyzmetkerlerimen birlesip, basqa óńirde ustaldy.
Qazirgi ýaqytta jazasyn óteýden jaltarý deregi boiynsha tiisti is-sharalar júrgizilip jatyr.
