ٶسكەمەندە «Oskemen Open 2026» حالىقارالىق شاحمات فەستيۆالٸنٸڭ اشىلۋ سالتاناتى ٶتتٸ. جارىسقا قاتىسۋ ٷشٸن قازاقستاننىڭ شىعىسىنا 16 ەلدەن 200-گە جۋىق شاحماتشى كەلدٸ, دەپ حابارلايدى ult.kz.
باعدارلاما ەكٸ تۋرنيردەن تۇرادى: FIDE Circuit 2026-2027 جارىستار سەريياسىنا ەنگٸزٸلگەن Masters (رەيتينگٸ كەمٸندە 2400 شاحماتشىلار ٷشٸن) جەنە Open (رەيتينگٸ 2400-گە دەيٸنگٸ شاحماتشىلار ٷشٸن).
Masters تۋرنيرٸنە قاتىسۋعا 16 ەلدەن 77 شاحماتشى ٶتٸنٸم بەرگەن, ولاردىڭ اراسىندا 22 حالىقارالىق گروسسمەيستەر (GM), ەيەلدەر اراسىنداعى 1 حالىقارالىق گروسسمەيستەر (WGM) جەنە 29 حالىقارالىق شەبەر (IM) بار.
تٸزٸمدٸ 2026 جىلعى 1 شٸلدەدەگٸ جاعداي بويىنشا رەيتينگٸ «2600» مەجەسٸنەن اساتىن بەس گروسسمەيستەر باستاپ تۇر. ولار: ەلەمدٸك شاحمات تەجٸنە ٷمٸتكەرلەر تۋرنيرٸنٸڭ قاتىسۋشىسى اندرەي ەسيپەنكو (2678, FIDE), كٶپتەگەن حالىقارالىق تۋرنيرلەردٸڭ جەڭٸمپازدارى مەن جٷلدەگەرلەرٸ ماكسيم چيگاەۆ (2648, يسپانييا) پەن شانت سارگسيان (2646, ارمەنييا), «Aktobe Open 2024» كٷمٸس جٷلدەگەرٸ الەكساندر پرەدكە (2603, سەربييا) جەنە «Almaty Region Open. Qonaev Cup 2025» جەڭٸمپازى اديتيا ميتتال (2602, ٷندٸستان).
ٶڭٸر نامىسىن گروسسمەيستەرلەر دەنيس ماحنيوۆ (2562), الدييار انسات (2500), قازىبەك نٶگەربەك (2494), رامازان جالماحانوۆ (2478), ەلٸشەر سٷلەيمەنوۆ (2476) جەنە ەدگار مامەدوۆ (2459), سونداي-اق حالىقارالىق شەبەرلەر ارىستانبەك ورازاەۆ (2493) مەن دانييال ساپەنوۆ (2490) قورعايدى.
ەيەلدەر اراسىندا تەجٸريبەلٸ پولينا شۋۆالوۆا (2483, FIDE) مەن 16 جاستاعى شۋبي گۋپتاعا (2383, ٷندٸستان) لييا قۇرمانعاليەۆا (2361), ەسٸل سەرٸكباي (2219), ايارۋ التىنبەك (2114) جەنە اياۋلىم قالداروۆا (2029) لايىقتى بەسەكەلەس بولادى دەپ كٷتٸلۋدە.
اشىلۋ سالتاناتىندا شقو ەكٸمٸ نۇرىمبەت ساقتاعانوۆ ٶڭٸردە بۇقارالىق سپورت پەن جوعارى جەتٸستٸكتەر سپورتىن قولداۋ بويىنشا جٷيەلٸ جۇمىستار جٷرگٸزٸلٸپ جاتقانىن اتاپ ٶتتٸ.
«شىعىس قازاقستان وبلىسىندا دەنە شىنىقتىرۋ جەنە سپورتپەن شۇعىلدانۋعا ارنالعان 1 628 سپورت نىسانى جۇمىس ٸستەيدٸ. دەنە شىنىقتىرۋمەن جەنە سپورتپەن تۇراقتى تٷردە 313 961 ادام اينالىسادى, بۇل وبلىس حالقىنىڭ 45%-ىن قۇرايدى. شاحماتپەن 85 باپكەردٸڭ جەتەكشٸلٸگٸمەن 10 مىڭعا جۋىق سپورتشى شۇعىلدانادى», – دەدٸ نۇرىمبەت ساقتاعانوۆ.
قازاقستان شاحمات فەدەراتسيياسىنىڭ ۆيتسە-پرەزيدەنتٸ مارات ەسەنوۆ تۋرنيردٸڭ سيمۆولدىق مەنٸن تٸلگە تيەك ەتتٸ. كەشە عانا بٷكٸل ەلەم حالىقارالىق شاحمات كٷنٸن اتاپ ٶتسە, بٷگٸن ٶسكەمەندە اتاقتى شەتەلدٸك سپورتشىلاردىڭ قاتىسۋىمەن اۋقىمدى تۋرنير جالاۋىن كٶتەرٸپ وتىر.
«جالپى, قازاقستاندا شاحمات ٶتە قارقىندى دامىپ كەلەدٸ. تۇراقتى ەرٸ كەشەندٸ جۇمىستىڭ نەتيجەسٸندە جاقسى كٶرسەتكٸشتەرگە قول جەتكٸزٸپ جاتىرمىز. مەملەكەت باسشىسى قاسىم-جومارت كەمەلۇلى توقاەۆ ينتەللەكتۋالدى ۇلت قالىپتاستىرۋ قاجەتتٸگٸن باسا ايتقان بولاتىن, بۇل ورايدا شاحماتتىڭ قوسار ٷلەسٸ زور. شاحماتتى دامىتۋدىڭ 2027 جىلعا دەيٸنگٸ ٷكٸمەت قاۋلىسىندا ناقتى كٶرسەتكٸشتەر بەكٸتٸلٸپ, ولار جوعارى دەڭگەيدە ورىندالۋدا. بٷگٸندە ەلٸمٸز بويىنشا 1500 مەكتەپتە شاحمات ساباعى جٷرگٸزٸلەدٸ. الدييار انسات ەسٸمدٸ سپورتشىمىز گروسسمەيستەر نورماسىن ورىنداعان 22-شٸ شاحماتشى اتاندى. باسقاسىن ايتپاعاندا, ول شىعىس قازاقستان وبلىسىنىڭ نامىسىن قورعايدى», – دەدٸ قازاقستان شاحمات فەدەراتسيياسىنىڭ ۆيتسە-پرەزيدەنتٸ مارات ەسەنوۆ.
Masters تۋرنيرٸنٸڭ قاتىسۋشىسى, گروسسمەيستەر الدييار انسات جارىستىڭ ماڭىزدىلىعى مەن قارسىلاستاردىڭ دەڭگەيٸ جوعارى ەكەنٸن اتاپ ٶتتٸ.
«قارسىلاستار ٶتە مىقتى, قۇرام سالماقتى. رەيتينگٸ 2 700-دەن اساتىن گروسسمەيستەرلەر بار. ٶزٸمە ارتىق ٷمٸت ارتپاي, تەك لايىقتى ەرٸ جاقسى ويىن كٶرسەتٸپ, رەيتينگتٸ كٶتەرگٸم كەلەدٸ. الداعى باستى ماقسات – وسى جىلدىڭ قىركٷيەك ايىندا ٶتەتٸن شاحمات وليمپياداسىندا ٶنەر كٶرسەتۋ, سونداي-اق 2550, كەيٸن 2600 مەجەلەرٸنەن ٶتٸپ, بۇدان دا جوعارى كٶرسەتكٸشتەرگە جەتۋ», –دەيدٸ الدييار انسات.
Open تۋرنيرٸنە 122 سپورتشى تٸركەلدٸ. Masters تۋرنيرٸنٸڭ كەپٸلدەندٸرٸلگەن جٷلدە قورى 45 ملن تەڭگە, Open تۋرنيرٸنٸڭ جٷلدە قورى 5 ملن تەڭگە. ەكٸ تۋرنير دە كلاسسيكالىق ۋاقىت باقىلاۋىمەن 90+30 فورماتىندا (بٸرٸنشٸ جٷرٸستەن باستاپ ەر جٷرٸسكە 30 سەكۋند قوسىلا وتىرىپ, پارتيياعا 90 مينۋت) شۆەيتسارييالىق جٷيە بويىنشا 9 تۋردان ٶتكٸزٸلەدٸ.
«Oskemen Open 2026» ەرلەر مەن ەيەلدەر اراسىنداعى كلاسسيكالىق شاحماتتان 2026 جىلعى قازاقستان كۋبوگىنىڭ ەكٸنشٸ كەزەڭٸ. اقشالاي جٷلدەلەردەن بٶلەك, العاشقى 20 ورىندى يەلەنگەن قاتىسۋشىلار كۋبوك ەسەبٸنە ۇپاي جينايدى. ٷشٸنشٸ, قورىتىندى كەزەڭ 12-20 قازان ارالىعىندا اتىراۋدا ٶتەدٸ. ال فينال جەلتوقسان ايىندا استانادا ۇيىمداستىرىلادى.
جالپى كەپٸلدەندٸرٸلگەن جٷلدە قورى – 50 ملن تەڭگە (45 ملن – Masters, 5 ملن – Open). ٶسكەمەندەگٸ بۇل فەستيۆال وسىمەن ٷشٸنشٸ جىل قاتارىنان ٶتٸپ جاتىر. تۋرنيردٸ قازاقستان شاحمات فەدەراتسيياسى قر تۋريزم جەنە سپورت مينيسترلٸگٸنٸڭ, شقو ەكٸمدٸگٸنٸڭ, شقو دەنە شىنىقتىرۋ جەنە سپورت باسقارماسىنىڭ, ٷستەل تەننيسٸ ورتالىعىنىڭ, Freedom Holding Corp, Grand Games جەنە Grand Mobile, Kazzinc, Qyzyq, «ەميل» جەنە «Arzu» كومپانييالارىنىڭ, سونداي-اق اقپاراتتىق سەرٸكتەستەردٸڭ: ەۋرازييا بٸرٸنشٸ ارناسى, DK News, Ult.kz, Sportinform.kz, Sport+, Qazsport, NewTimes, Bes.media, كۋرسيۆ قولداۋىمەن ۇيىمداستىرىلدى.
