سولتٷستٸك قازاقستان وبلىسىندا ليتسەنزيياسىز كەسٸپكەرلٸك جەنە ميكروقارجىلىق قىزمەتپەن اينالىسقان تۇرعىن سوتتالدى. تەرگەۋ بارىسىندا ونىڭ ازاماتتارعا زاڭسىز قارىز بەرۋدٸڭ 78 ەپيزودىنا قاتىسى بارى انىقتالعان. قىلمىستىق جولمەن الىنعان تابىسقا ساتىپ الىنعان 774 ملن تەڭگەنٸڭ اكتيۆتەرٸ مەملەكەت كٸرٸسٸنە تەركٸلەندٸ, دەپ حابارلايدى ult.kz.
قارجىلىق مونيتورينگ اگەنتتٸگٸنٸڭ مەلٸمەتٸنشە, قما-نىڭ سولتٷستٸك قازاقستان وبلىسى بويىنشا دەپارتامەنتٸ تەرگەۋ كەزٸندە زاڭسىز قارىز بەرۋدٸڭ 78 دەرەگٸن انىقتاعان. قارىز الۋشىلاردىڭ باسىم بٶلٸگٸ قارجىعا مۇقتاج ەرٸ بانكتەن نەسيە رەسٸمدەي الماعان ازاماتتار بولعان.
كٷدٸكتٸ قارىز بەرۋدٸڭ ەكٸ تٷرلٸ تەسٸلٸن قولدانعان.
بٸرٸنشٸ جاعدايدا قارىز شارتى نوتاريۋس ارقىلى رەسٸمدەلگەنٸمەن, مەمٸلەنٸڭ ناقتى تالاپتارى قۇجاتتا كٶرسەتٸلمەگەن. شارتتاعى سوماعا قارىز الۋشىعا بەرٸلگەن اقشا مەن قارىزدى پايدالانعان بارلىق كەزەڭ ٷشٸن ەسەپتەلگەن پايىز قوسىلعان. قارىزدىڭ قايتارىلۋىن قامتاماسىز ەتۋ ٷشٸن ازاماتتاردىڭ مٷلكٸ كەپٸلگە قويىلعان.
ەكٸنشٸ جاعدايدا قارىز بەرۋ فاكتٸسٸ ساتىپ الۋ-ساتۋ شارتى رەتٸندە جاسىرىلعان. مٷلٸك ٷشٸن اقشا ٸس جٷزٸندە بەرٸلمەگەن, ال مٷلٸك قارىزدىڭ كەپٸلٸ رەتٸندە پايدالانىلعان. قاراجات قايتارىلعاننان كەيٸن شارت بۇزىلىپ, مٷلٸك يەسٸنە قايتارىلعان.
وسىلايشا, سىرتتاي ازاماتتىق-قۇقىقتىق مەمٸلە بولىپ كٶرٸنگەن كەلٸسٸمدەردٸڭ ارتىندا مٷلٸكتٸ كەپٸلگە الىپ, پايىزبەن جٷيەلٸ تٷردە قارىز بەرۋ قىزمەتٸ تۇرعان.
تەرگەۋ نەتيجەسٸندە زاڭسىز قىزمەتتەن 774 ملن تەڭگە كٶلەمٸندە قىلمىستىق تابىس الىنعانى انىقتالدى. بۇل قاراجاتقا قىمبات اكتيۆتەر ساتىپ الىنعان.
سوت ٷكٸمٸمەن مەملەكەت كٸرٸسٸنە التى پەتەر, Toyota RAV4 اۆتوكٶلٸگٸ, Kawasaki KLX250 موتوتسيكلٸ جەنە جالپى قۇنى 280 ملن تەڭگە بولاتىن باعالى قاعازدار تەركٸلەندٸ.
روستوۆششيكوۆ ە.ۆ. 2 جىلعا باس بوستاندىعىن شەكتەۋ جازاسىنا كەسٸلدٸ.
سوت ٷكٸمٸ ەزٸرگە زاڭدى كٷشٸنە ەنگەن جوق.
