بٸر دوزاسى 9,4 دوللار بولاتىن QazVac ۆاكتسيناسى تۇرعاندا 26 دوللارلىق «سپۋتنيك V»-دەن نەگە باس تارتپايمىز? دەنساۋلىق ساقتاۋ مينيسترٸ الەكسەي تسوي وتاندىق Youtube ارناعا بەرگەن سۇحباتىندا وسى جايتتىڭ مەنٸن تٷسٸندٸردٸ, دەپ حابارلايدى قازاقپارات.
«ۋەجٸڭٸزبەن كەلٸسەمٸن. QazVac ەرەكشە ٶندٸرٸستٸك جاعدايدى قاجەت ەتەتٸندٸكتەن, ايىنا 50 مىڭ دوزا عانا الىپ وتىرمىز. ال بٸزگە حالىقتىڭ كٶپ بٶلٸگٸن نەعۇرلىم جىلدام ۆاكتسينالاۋ كەرەك. زاۋىت ٸسكە قوسىلعانشا ايىنا 50 مىڭ دوزا سالىپ وتىرساق, كٶپ كٷتەمٸز. بٸزگە ۆاكتسينالاۋ ناۋقانىن بارىنشا جىلدام اياقتاۋ كەرەك. بۇل جەردەگٸ مەسەلە وسىعان عانا تٸرەلٸپ تۇر. قازٸر بٸز ٷشٸن ەڭ قۇندى نەرسە - ۋاقىت. ەرينە, كٷتە تۇرىپ, جىل سوڭىندا عانا بەرٸنە QazVac ەگۋگە بولادى. بٸراق قازٸر ۆاكينالاپ بٸتٸرمەسەك, كٷزدە ۆيرۋستىڭ تاعى بٸر تولقىنى كەلەدٸ دەگەن قاۋٸپ بار», - دەدٸ مينيستر.
الەكسەي تسوي ۆيرۋستىڭ ٷشٸنشٸ تولقىنى كەلسە, قايتادان ەكونوميكا توقتايتىنىن ايتادى.
«دەل قازٸر بەرٸمٸز ۆاكتسينا الىپ, ماسكانى شەشەتٸن كٷنگە جەتۋٸمٸز كەرەك. بٷكٸل ەلەم قازٸر مەيٸلٸنشە كٶپ ۆاكتسينا الىپ, حالىقتى قامتاماسىز ەتۋگە كٷش سالىپ جاتىر. بۇعان دەيٸن رەسەيدەن ۆاكتسينانىڭ بٸر دوزاسىن 26 دوللارعا ساتىپ العان بولاتىنبىز. «سپۋتنيك V»-دٸڭ تاعى 3 ملن دوزاسىن ساتىپ الۋ تۋرالى كەلٸسٸمشارت بار. بٸراق ونىڭ باعاسى 21,9 دوللار بولادى. بٸز جەڭٸلدٸك الدىق. قالعان كٶلەم وسى باعامەن ەكەلٸنەدٸ», -دەدٸ الەكسەي تسوي.
