ۆەنگرييانىڭ سومباتحەي قالاسىندا سپورتتىق گيمناستيكادان ەلەم كۋبوگٸ كەزەڭٸ اياقتالدى, دەپ حابارلايدى "ۇلت اقپارات".
قر ۇلتتىق وليمپيادا كوميتەتٸنٸڭ مەلٸمەتٸنشە, ماجار ەلٸندە ٶتكەن بايراقتى دودا قازاقستان سپورتشىلارى ٷشٸن جەمٸستٸ ٶتتٸ. ەل گيمناستارى تٶرت مەدال ەنشٸلەسە, سونىڭ ٸشٸندە ناريمان قۇربانوۆ جەڭٸستٸڭ جوعارعى ساتىسىنان كٶرٸندٸ.
ۇلتتىق قۇرامانىڭ باس باپكەرٸ الەكساندر كيمنٸڭ ايتۋىنشا, ۆەنگريياداعى ەلەم كۋبوگٸ كەزەڭٸنە 14 ەلدٸڭ كٸل مىقتى سپورتشىلارى قاتىستى.
«ازييا قۇرلىعىنان تەك قازاقستان عانا باردىق. يزرايل, فرانتسييا, بەلارۋس, گرەكييا مەن سلوۆاكييا سپورتشىلارى ٶتٸنٸم بەرگەنٸمەن, ٸندەتكە بايلانىستى كەلە المادى. ەرلەر اراسىنداعى سىندا ەربٸر سناريادتا 10 مەن 20 ارالىعىندا گيمناستار باق سىنادى. ال فينالعا تەك 8 سپورتشى جولداما الاتىنى بەلگٸلٸ. جارىسقا قاتىسقان تانىمال سپورتشىلار قاتارىندا وليمپيادا, ەلەم جەنە ەۋروپا چەمپيوناتى مەن ەۋروپا ويىندارىنىڭ جەنە ەلەم كۋبوگٸ كەزەڭدەرٸنٸڭ جەڭٸمپازدارى مەن جٷلدەگەرلەرٸ بار. اتاپ ايتار بولساق, ماريان دراگۋلەسكۋ(رۋمىنييا), فيليپپ ۋدە (حورۆاتييا), تين سيربيچ (حورۆاتييا), پەترو پاحنيۋك (ۋكراينا), روبەرت سەليگمان (حورۆاتييا), روك كلاۆورا (سلوۆەنييا), ماكسيم دجەنكينس (بەلگييا) جەنە تاعى باسقالارى بٸزدٸڭ سپورتشىلارعا قارسىلاس اتاندى», - دەيدٸ باس باپكەر.
قازاقستان نامىسىن قورعاعان ناريمان قۇربانوۆ, ٸليياس ازيزوۆ پەن ميلاد كاريمي بٸرنەشە جاتتىعۋ بويىنشا فينالعا جولداما الدى.
ناريمان گيمناستيكالىق ات سناريادىندا ٸرٸكتەۋدە دە, فينالدا دا وزىق شىقتى. التىن جٷلدەگە تالاستا ول حورۆاتييا جەنە البانييا سپورتشىلارىنان باسىم تٷستٸ. تاعى بٸر جاس سپورتشى
ٸليياس ازيزوۆ ەركٸن جاتتىعۋدا بەسٸنشٸ نەتيجەمەن فينالعا ٶتٸپ, شەشۋشٸ سىندا كٷمٸس مەدالدٸ مٸسە تۇتتى.
ەركٸن جاتتىعۋداعى ٸرٸكتەۋ سىنىن بٸرٸنشٸ ورىنمەن اياقتاعان ميلاد كاريمي فينالدا قاتەلٸك جٸبەردٸ. ول بٸرٸنشٸ جەنە سوڭعى اكروباتيكالىق ەدٸستەردٸ ورىنداۋ كەزٸندە جٷلدەدەن قاعىلدى. الايدا ميلاد قوسسىرىق پەن كەرمەدەگٸ جاتتىعۋدا كٷمٸس مەدالعا قول سوزدى.
