بٷگٸن قر ٸشكٸ ٸستەر مينيسترلٸگٸ قىلمىستىق اتقارۋ جٷيەسٸ كوميتەتٸنٸڭ تٶراعاسى جانات ەشماعامبەتوۆ سوتتالۋشىلاردى جۇمىسپەن قامتۋ جايىندا ايتىپ بەردٸ, دەپ حابارلايدى قازاقپارات.
«تاياۋدا ادام قۇقىقتارى جٶنٸندەگٸ ۋەكٸلمەن بٸرگە الماتى وبلىسىنداعى بٸرنەشە مەكەمەگە, ونىڭ ٸشٸندە زارەچنىي ەلدٸ مەكەنٸندەگٸ مەكەمەگە باردىق. سوتالۋشىلاردىڭ بٸرٸ تابىستى بيزنەسٸن قۇرىپ, شامامەن 340 ادامدى جۇمىسقا ورنالاستىرعان ەتتٸ قايتا ٶڭدەۋ تسەحىندا بولدىق. ٶنٸمدەرٸن قالاداعى جەنە وبلىستاعى ساۋدا نٷكتەلەرٸندە ساتادى. ولار تابىستى جۇمىسپەن قامتىلعان, سالىقتارىن تٶلەيدٸ. مۇنداي مىسالدار كٶپ. شىعىس قازاقستان وبلىسىندا اعاش ٶڭدەۋ قارقىندى دامۋدا. تٸپتٸ سوتتالۋشىلاردىڭ بٸرٸ مۋزىكالىق اسپاپتار شىعاراتىن ٶندٸرٸسٸن اشىپ العان. قاراعاندى وبلىسىندا تيپوگرافيييالىق, پوليگرافييالىق ٶنٸمدەر شىعارۋعا, مەتالل ٶڭدەۋگە قاتىستى سەتتٸ مىسالدار جەتكٸلٸكتٸ. كەسٸپكەرلٸك داعدىلارىن ەسكەرە وتىرىپ, سوتتالۋشىلار مەكەمە اۋماعىندا تٷرلٸ بيزنەس اشىپ, جەكە كەسٸپكەرلٸك پەن جاۋاپكەرشٸلٸگٸ شەكتەۋلٸ سەرٸكتەستٸكتەردٸ تٸركەيدٸ», - دەدٸ كوميتەت تٶراعاسى ٸشكٸ ٸستەر مينيسترلٸگٸ الاڭىندا ٶتكەن باسپاسٶز مەسليحاتىندا.
ونىڭ اتاپ ٶتۋٸنشە, جالاقى ەلٸمٸزدٸڭ ەڭبەك زاڭناماسىنا سەيكەس تٶلەنەدٸ. جۇمىس بەرۋشٸمەن جۇمىسشى اراسىندا ەڭبەك كەلٸسٸمشارتى جاسالادى.
«جالاقى ورتاشا ەڭبەكاقىنىڭ تٶمەنگٸ كٶلەمٸنەن تٶمەن بولماۋىن عانا تالاپ ەتەمٸز. ەدەتتە ول دايىندالعان ٶنٸمنٸڭ ساپاسى مەن كٶلەمٸنە بايلانىستى. اۋدارىمدارعا قاتىستى ايتار بولسام, سوتتالۋشىلاردىڭ كٶپشٸلٸگٸنە سوت تالابى بار. سوعان وراي ولاردىڭ جالقىسىنىڭ 50 پايىزىنا دەيٸنگٸ مٶلشەرٸ بەرەشەكتەرٸن جابۋ ٷشٸن ۇستالىنادى. قالعان بٶلٸگٸن قالاۋىنشا جۇمسايدى نەمەسە بوستاندىققا شىعاتىن كەزٸنە ساقتاپ قويا الادى», - دەدٸ جانات ەشماعامبەتوۆ.
