ٶسكەمەن قالاسىندا تٷرمە قىزمەتكەرلەرٸ جازاسىن ٶتەپ جاتقان ازاماتتى ازاپتاپ ٶلتٸرٸپ, قىلمىستى جاسىرۋ ٷشٸن ونى سۋيتسيد جاساعانداي كٶرسەتكەن, دەپ حابارلايدى قازاقپارات.
ٶسكەمەن قالالىق №2 سوتى باسپاسٶز قىزمەتٸنٸڭ مەلٸمەتٸنشە, شقو بويىنشا قىلمىستىق-اتقارۋ جٷيەسٸ دەپارتامەنتٸنٸڭ 6 قىزمەتكەرٸنە قاتىستى قر قك-نٸڭ 146-بابى 3-بٶلٸگٸنە (سوتتالعان ادامدى ازاپتاپ, ابايسىزدا ٶلتٸرۋ) سەيكەس ٸس قارالدى. سونداي-اق بوپسالاۋ, قىزمەت بابىن اسىرا پايدالانۋ ارقىلى پارا العان ا. ەسٸمدٸ ازامات سوتتالدى.
«2019 جىلدىڭ 18 ماۋسىمىندا وۆ-156/2 مەكەمەسٸنٸڭ قىزمەتكەرلەرٸ الدىن الا سٶز بايلاسىپ, جەبٸرلەنۋشٸ ك.-نى ۇرىپ-سوققان. اۋىر دەرەجەدەگٸ دەنە جاراقاتىن العان ەر ادام سول جەردە كٶز جۇمدى. ٶز قىلمىستارىن جاسىرۋ ٷشٸن ولار تاعى ەكٸ سوتتالعاندى مەجبٷرلەپ, مەيٸتتٸ تەرتٸپتٸك يزولياتور كامەراسىنا جەتكٸزدٸ. پوليتسييا قىزمەتكەرلەرٸنە ك-نىڭ ٶز-ٶزٸنە قول جۇمساعاندىعىن ايتقان», - دەلٸنگەن اقپاراتتا.
ال ا. ەسٸمدٸ تٷرمە قىزمەتكەرٸنٸڭ 2018 جىلدىڭ 14 ماۋسىمىندا سوتتالعان ادامنىڭ اناسىنان پارا رەتٸندە اۆتوكٶلٸكتٸڭ 76 000 تەڭگەلٸك جازعى شينالارىن العانى انىقتالدى. سونداي-اق ول سوتتالعاندى ٶز تۋىسىنىڭ ٷيٸندە باسپالداق جاساۋعا مەجبٷرلەگەن.
«سوت ٷكٸمٸمەن سوتتالعاندى ٶلتٸرگەن تٷرمەنٸڭ 6 قىزمەتكەرٸ 5, 7 جەنە 8 جىلعا باس بوستاندىقتارىنان ايىرىلدى. ال پارا العان ايىپتالۋشى 7 جىل مەرزٸمگە تەمٸر تورعا قاماۋعا الىندى. سوتتالۋشىلاردىڭ بارلىعى مەملەكەتتٸك قىزمەتتە جەنە قۇقىق قورعاۋ ورگاندارىندا جۇمىس ٸستەۋ قۇقىعىن 3 جىلعا جوعالتتى», - دەلٸنگەن حابارلامادا.
