ٸشكٸ ٸستەر مينيسترلٸگٸ سوتتالعاندارعا راقىمشىلىق جاساۋ تۋرالى شەشٸم قالاي قابىلداناتىنى تۋرالى تٷسٸنٸكتەمە بەردٸ, دەپ حابارلايدى قازاقپارات.
مينيسترلٸكتٸڭ قازاقپارات ساۋالىنا بەرگەن جاۋابىنا سٷيەنسەك, سوڭعى رەت راقىمشىلىق جاساۋ تۋرالى زاڭ 2016 جىلدىڭ 13 جەلتوقسانىندا, تەۋەلسٸزدٸكتٸڭ 25 جىلدىعىنا وراي قابىلدانعان.
«قر قىلمىستىق كودەكسٸنٸڭ 78 -بابىنىڭ 1 جەنە 2-بٶلٸمدەرٸنە سەيكەس, راقىمشىلىق جاساۋ تۋرالى اكتٸنٸ قازاقستان رەسپۋبليكاسىنىڭ پارلامەنتٸ جەكە انىقتالماعان ادامدار توبىنا قاتىستى شىعارادى», - دەپ جازىلعان ۆەدومستۆو جاۋابىندا.
قىلمىستىق ٸس جٷرگٸزۋ كودەكسٸنٸڭ 476-بابىنىڭ 15-تارماقشاسى بويىنشا سوت راقىمشىلىق جاساۋ تۋرالى ٷكٸم-اكتٸنٸ ورىنداۋعا بايلانىستى مەسەلەلەردٸ قارايدى. سونىڭ نەگٸزٸندە قىلمىستىق تەرٸس قىلىق, ونشا اۋىر ەمەس نەمەسە اۋىرلىعى ورتاشا قىلمىس جاساعان ادامدار قىلمىستىق جاۋاپتىلىقتان بوساتىلۋى مٷمكٸن.
«راقىمشىلىق شارالارىنا جازادان بوساتۋ, مەرزٸمدٸ قىسقارتۋ, جازانىڭ نەعۇرلىم جەڭٸل تٷرٸمەن اۋىستىرۋ نەمەسە جازانىڭ قوسىمشا تٷرٸنەن بوساتۋ كٸرەدٸ», - دەيدٸ مينيسترلٸك ماماندارى.
