سوتتالعانداردىڭ باسىم بٶلٸگٸ جازاسىن ٶتەگەننەن كەيٸن تٷرمەگە قايتىپ ورالمايدى. مۇنداي پٸكٸردٸ قر ۇلتتىق ۇلانى «باتىس» ٶڭٸرلٸك قولباسشىلىعىنىڭ قولباسشىسى ارمان جۇماعاليەۆ بٸلدٸردٸ, دەپ حابارلايدى قازاقپارات.
«بٷگٸندە ۇلتتىق گۆاردييا بەرٸ ٷشٸن دە اشىق. تٸپتٸ ەسكەري قىزمەتتە بولماعان تانىستارىمنىڭ كٶپشٸلٸگٸ ول جايىندا كٶپ جايتتان قۇلاعدار. ياعني, ولاردىڭ نەمەن اينالىساتىنىن, قوعامدىق تەرتٸپتٸ قاداعالاۋدا قانداي ٸس اتقارعانىن, ونىڭ ٸشٸندە تٷزەتۋ مەكەمەلەرٸن كٷزەتەتٸندٸگٸن جاقسى بٸلەدٸ. ولار تٷزەتۋ مەكەمەلەرٸندە قايتا تەربيەلەۋدٸ قاجەت ەتەتٸن ادامداردىڭ ۇستالاتىندىعىن تٷسٸنەدٸ», - دەدٸ ول قازاقپارات تٸلشٸسٸمەن تەلەفون ارقىلى تٸلدەسۋ بارىسىندا.
سونىمەن قاتار ول تٷزەتۋ مەكەمەلەرٸنٸڭ جۇمىس تيٸمدٸلٸگٸنە قاتىستى دا ويىمەن بٶلٸسٸپ ٶتتٸ.
«قوعامىمىزدا تٷرلٸ ادامدار بار. ولاردىڭ پسيحولوگيياسى, دٷنيەتانىمى, كٶزقاراسى ەرتٷرلٸ بولىپ كەلەدٸ. تٷزەتۋ مەكەمەلەرٸ سوتتالعانداردى 100 پايىز دۇرىس جولعا تٷسٸرەدٸ دەپ ايتا المايمىن. شامامەن 82 پايىزى قالىپتى ٶمٸرگە ورالاتىندىعى راس. سوڭعى ۋاقىتتا تٷزەتۋ مەكەمەسٸنە قايتادان كەلەتٸن ادامداردىڭ سانى كٷرت ازايدى. مەسەلەن, كەڭەس وداعى زاماندا تٷرمەگە قايتادان تٷسەتٸن سوتتالۋشىلاردىڭ سانى كٶبٸرەك بولاتىن. قازٸر ولار بوستاندىققا شىققاننان كەيٸن جۇمىسقا ورنالاسىپ, قوعامعا سٸڭٸسٸپ كەتٸپ جاتىر. سوندىقتان سوتتالعانداردىڭ باسىم بٶلٸگٸ كوللونيياعا قايتىپ تٷسپەيدٸ», - دەدٸ ارمان جۇماعاليەۆ.
«باتىس» ٶڭٸرلٸك قولباسشىلىعىنىڭ قولباسشىسى سٶز سوڭىندا ەسكەري قىزمەتتٸ تاڭداۋىنا ەكەسٸ سەبەپكەر بولعانىن ايتتى.
«ەكەم ەسكەري قىزمەتشٸ بولعاننان كەيٸن وسى ماماندىقتى تاڭدادىم. ەكٸ اتام سوعىستا مەرت بولدى. وسى سەبەپتەر ماماندىق تاڭداۋىما تٷرتكٸ بولىپ, ەسكەري قىزمەتتٸ تاڭداعان ەدٸم», - دەدٸ ول.
