قىزىلوردا وبلىسىندا سۋديا 12 ازاماتتىق ٸس بويىنشا وتىرىستاردى ٶتكٸزبەي, شەشٸم شىعارعان. ٸستەر باسپانا جەنە جەردٸ ساتۋ-ساتىپ الۋعا قاتىستى بولعان, دەپ حابارلايدى قازاقپارات قر سىبايلاس جەمقورلىققا قارسى ٸس-قيمىل اگەنتتٸگٸنە سٸلتەمە جاساپ.
«بيىلعى 10 جەلتوقساندا شيەلٸ اۋداندىق سوتىنىڭ سۋدياسى قۇرمانباي مەن ونىڭ حاتشىسى قىدىرەليەۆاعا قاتىستى ايىپتاۋ ٷكٸمٸ شىعارىلدى. ولارعا تيٸسٸنشە 2 جىل 6 ايعا جەنە 2 جىلعا باس بوستاندىعىنان ايىرۋ جازاسى تاعايىندالدى (قىدىرەليەۆانىڭ كەمەلەتتٸك جاسقا تولماعان 4 بالاسى, ونىڭ ٸشٸندە 1 ەمٸزۋلٸ بالاسى بولعاندىقتان, جازاسى كەيٸنگە قالدىرىلدى).
قۇرمانباي جالعان ەدٸلەتسٸز سوت اكتٸلەرٸن شىعارعانى (قك 369-بابى 3-بٶلٸگٸ) جەنە قىزمەتتٸك جالعاندىق جاساعانى ٷشٸن (قك 418-بابى 1-بٶلٸگٸ) كٸنەلٸ دەپ تانىلدى. قىدىرەليەۆا سىبايلاستىعى ٷشٸن قىلمىستىق جاۋاپكەرشٸلٸككە تارتىلدى», - دەلٸنگەن حابارلامادا.
اتاپ ايتقاندا, قۇرمانباي سوت وتىرىستارىن ناقتى ٶتكٸزبەستەن, سونداي-اق جالعان مەلٸمەتتەر ەنگٸزۋ ارقىلى 12 ازاماتتىق ٸس بويىنشا شەشٸم شىعارعان. ٸستەر تۇرعىن ٷيلەر مەن جەر تەلٸمدەرٸن ساتۋ- ساتىپ الۋ مەمٸلەلەرٸن جارامدى دەپ تانۋعا قاتىستى.
«سوتتالۋشىلاردىڭ جاس بالالارى بولعاندىقتان, سوت قۇرمانبايدىڭ جازاسىن 5-تەن 2,6 جىلعا دەيٸن, قىدىرەليەۆانىڭ جازاسىن 4-تەن 2 جىلعا دەيٸن جەڭٸلدەتەتٸن جاعداي دەپ تانىدى.
سونداي-اق, ولار ٶمٸر بويىنا مەملەكەتتٸك قىزمەتتە لاۋازىم اتقارۋ قۇقىعىنان ايىرىلدى.
قۇرمانباي سوت زالىندا قاماۋعا الىندى. ٷكٸم زاڭدى كٷشٸنە ەنگەن جوق», - دەدٸ اگەنتتٸكتەن.
