2021 جىلى اليمەنت تٶلەمەگەنٸ ٷشٸن 316 بورىشكەر قىلمىستىق جاۋاپكەرشٸلٸككە تارتىلدى. بۇل تۋرالى بٷگٸن مەجٸلٸستەگٸ ٷكٸمەت ساعاتىندا ەدٸلەت مينيسترٸ قانات مۋسين ايتتى, دەپ حابارلايدى قازاقپارات تٸلشٸسٸ.
«مينيسترلٸك بورىشكەرلەردٸڭ دە, ٶندٸرٸپ الۋشىلاردىڭ دا قۇقىقتارىن قورعاۋ ٷشٸن جٷيەلٸ جۇمىس جٷرگٸزۋدە. «اتقارۋشىلىق ٸس جٷرگٸزۋ تۋرالى» زاڭعا 2020 جىلى ماڭىزدى ٶزگەرٸستەر ەنگٸزٸلدٸ. ولار بورىشكەر مەن ٶندٸرٸپ الۋشىنىڭ قۇقىقتارىن قورعاۋعا, جەكە سوت ورىنداۋشىنىڭ جاۋاپكەرشٸلٸگٸن كٷشەيتۋگە باعىتتالعان. ەندٸ بٸر اي ٸشٸندە اليمەنت ٶندٸرۋ جەنە باسقا دا ەلەۋمەتتٸك ٸستەر بويىنشا بەلسەندٸ جۇمىس بولماعان جاعدايدا سوت ورىنداۋشىسى ليتسەنزيياسىنان ايىرىلادى. 2021 جىلى وسىنداي نەگٸزدەر بويىنشا 19 جەكە سوت ورىنداۋشىسى ليتسەنزيياسىنان ايىرىلدى», - دەدٸ ول.
مينيستردٸڭ ايتۋىنشا, جەكە سوت ورىنداۋشى مٷلٸكتٸ ساتقاننان كەيٸن باسقا سوت ورىنداۋشىلاردىڭ دا شەكتەۋلەرٸن شەشۋگە مٸندەتتٸ بولدى. سونىمەن قاتار ەندٸ سوت ورىنداۋشىسى بورىشكەردٸڭ ەلدەن شىعۋىن شەكتەۋگە مٸندەتتٸ. بۇرىن ول مۇنى ٶز قالاۋى بويىنشا جاساي الاتىن.
«جۇمىس ٸستەيتٸن مٷگەدەك بورىشكەردەن اليمەنت ٶندٸرٸپ الۋ تەك ونىڭ جالاقىسىنان عانا جٷزەگە اسىرىلادى. 2020 جىلعى جەلتوقساندا جوعارعى سوتتىڭ «سوت اكتٸلەرٸن ورىنداماعانى ٷشٸن جاۋاپتىلىق تۋرالى« نورماتيۆتٸك قاۋلىسىنا تٷزەتۋلەر ەنگٸزٸلدٸ. بۇل ٶزگەرٸستەر قاساقانا تٶلەمەۋشٸلەردٸ قىلمىستىق جاۋاپكەرشٸلٸككە تارتۋدى ايتارلىقتاي جەڭٸلدەتتٸ. ٶتكەن جىلى اليمەنت تٶلەمەگەنٸ ٷشٸن 316 بورىشكەر قىلمىستىق جاۋاپكەرشٸلٸككە تارتىلدى. ال 2019 جىلى 62 بورىشكەر جاۋاپقا تارتىلعان ەدٸ. 2021 جىلى 6 مىڭنان استام بورىشكەر ەكٸمشٸلٸك جاۋاپكەرشٸلٸككە تارتىلىپ وتىر», - دەدٸ قانات مۋسين.
