نۇر-سۇلتان قالاسىنىڭ مامانداندىرىلعان اۋدانارالىق تەرگەۋ سوتى بۇرىنعى دەنساۋلىق ساقتاۋ مينيسترٸ ەلجان بٸرتانوۆتى ٷيقاماقتا ۇستاۋ مەرزٸمٸن ۇزارتتى.
بۇل تۋرالى نۇر-سۇلتان قالاسىنىڭ مامانداندىرىلعان اۋدانارالىق تەرگەۋ سوتى حابارلادى.
«2021 جىلعى 21 سەۋٸردە نۇر-سۇلتان قالاسىنىڭ مامانداندىرىلعان اۋدانارالىق تەرگەۋ سوتى ە.بٸرتانوۆتىڭ ٷيدە قاماۋدا ۇستاۋ مەرزٸمٸن ۇزارتۋ تۋرالى تەرگەۋ ورگانىنىڭ ٶتٸنٸشٸن قارادى. سوتتا ە.بٸرتانوۆ وعان وتباسىن اسىراۋ ٷشٸن جۇمىس ٸستەۋگە مٷمكٸندٸك بەرۋدٸ سۇرادى», - دەپ جازىلعان رەسمي مەلٸمەتتە.
سايتتا جازىلعانداي, ەكس-ميينيستر 6 ايدان استام ۋاقىت بويى ٷيدەن شىقپاعانىن, وسى مەرزٸمدە قانداي دا بٸر زاڭسىزدىققا بارماعانىن العا تارتقان.
«زاڭنىڭ تالاپتارىنا سەيكەس, شەكتەۋلەر ادامنىڭ وتباسى مٷشەلەرٸمەن قارىم-قاتىناسىنا, قورعاۋشىمەن قارىم-قاتىناسىنا, ٶمٸرلٸك ماڭىزدى ەرەكەتتەردٸ جٷزەگە اسىرۋىنا, مىسالى, مەديتسينالىق كٶمەك الۋعا جەنە ت. ب. كەدەرگٸ كەلتٸرمەۋٸ كەرەك. سوت ٷيقاماق مەرزٸمٸن ۇزارتا وتىرىپ, ە.بٸرتانوۆقا ونىڭ اسىراۋىندا بەس ادام, ونىڭ ٷشەۋٸ جاس بالا جەنە قارت انا ەكەنٸن ەسكەرە وتىرىپ, ٶمٸرگە قاجەتتٸ ٸس-ەرەكەتتەردٸ جٷزەگە اسىرۋ ٷشٸن ٷيدەن ساعات 8-دەن 19-عا دەيٸن شىعۋعا رۇقسات بەردٸ. سونىمەن قاتار, سوت بۇعان دەيٸن بٸرتانوۆ ٶزٸنە سالىنعان تىيىمدى بۇزباعانىن نازارعا الدى», - دەپ جازىلعان رەسمي اقپاراتتا.
ەسكە سالساق, ٶتكەن جىلى بۇرىنعى دەنساۋلىق ساقتاۋ مينيسترٸ ەلجان بٸرتانوۆ قاماۋعا الىندى. وعان قاتىستى اسا ٸرٸ كٶلەمدە بيۋدجەت قاراجاتىن ىسىراپ ەتۋ فاكتٸسٸ بويىنشا قىلمىستىق ٸستٸ تەرگەلٸپ جاتىر.
سونىمەن قاتار, دەنساۋلىق ساقتاۋ مينيسترٸ الەكسەي تسوي بۇرىنعى مينيستر بٸرتانوۆتى قولداعان اشىق حاتقا پٸكٸر بٸلدٸردٸ.
