نۇر-سۇلتان قالالىق سوتىنىڭ قىلمىستىق ٸستەر جٶنٸندەگٸ سوت القاسى ەلجان بٸرتانوۆتى ٷيقاماقتا ۇستاۋ بۇلتارتپاۋ شاراسىن كٷشٸندە قالدىردى, دەپ حابارلايدى "ۇلت اقپارات".
«بٷگٸن نۇر-سۇلتان قالالىق سوتىنىڭ قىلمىستىق ٸستەر جٶنٸندەگٸ سوت القاسى تەرگەۋ سوتىنىڭ 2021 جىلعى 6 مامىرداعى ە.بٸرتانوۆتى ٷيقاماقتا ۇستاۋ مەرزٸمٸن 8 ايعا, ياعني 2021 جىلدىڭ 14 ماۋسىمىنا دەيٸن ۇزارتۋ تۋرالى سانكتسييا بەرٸلگەن قاۋلىسىنا ونىڭ قورعاۋشىلارىنىڭ جەكە شاعىمدارىن قارادى. ادۆوكاتتار بۇلتارتپاۋ شاراسىن ۇزارتۋدان باس تارتۋدى سۇرادى. سوت القاسى تەرگەۋ سوتىنىڭ قاۋلىسىمەن كەلٸسٸپ, ونى ٶزگەرٸسسٸز قالدىردى», - دەلٸنگەن نۇر-سۇلتان قالالىق سوتىنىڭ باسپاسٶز قىزمەتٸ تاراتقان اقپاراتتا.
ايتا كەتەيٸك, سوت ٷيقاماقتا وتىرعان ە.بٸرتانوۆقا ونىڭ اسىراۋىندا بەس ادام, ونىڭ ٷشەۋٸ جاس بالا جەنە قارت انا ەكەنٸن ەسكەرە وتىرىپ, ٶمٸرگە قاجەتتٸ ٸس-ەرەكەتتەردٸ جٷزەگە اسىرۋ ٷشٸن ٷيدەن ساعات 8-دەن 19-عا دەيٸن شىعۋعا رۇقسات بەرگەن ەدٸ.
ٶتكەن جىلى بۇرىنعى دەنساۋلىق ساقتاۋ مينيسترٸ ەلجان بٸرتانوۆ قاماۋعا الىندى. وعان قاتىستى اسا ٸرٸ كٶلەمدە بيۋدجەت قاراجاتىن ىسىراپ ەتۋ فاكتٸسٸ بويىنشا قىلمىستىق ٸستٸ تەرگەلٸپ جاتىر.
