15 قاراشادا اتىراۋدىڭ №2 سوتى وبلىس ەكٸمٸنٸڭ بۇرىنعى ورىنباسارى باقىتگٷل حامەنوۆاعا قاتىستى ٷكٸم شىعاردى, - دەپ حابارلايدى Tengrinews.kz.
بۇرىنعى لاۋازىمدى تۇلعا جەنە مەدەنيەت باسقارماسىنىڭ باسشىسى ازامات ر-عا قاتىستى قىلمىستىق ٸس الدىن الا سٶز بايلاسىپ بٸر توپ اداممەن اسا ٸرٸ مٶلشەردە پارا الدى دەگەن ايىپپەن قارالدى (قر قك-نىڭ 366-بابى 3-بٶلٸگٸنٸڭ 2-تارماعى). سونداي-اق, ايىپتالۋشى تاراپتا لاۋازىمدى تۇلعاعا قوماقتى سومادا پارا بەردٸ دەگەن ايىپپەن (قك-نىڭ 367-بابى 2-بٶلٸگٸ) جشس ديرەكتورى دا بولدى.
ٷكٸم جارييالانعاننان كەيٸن سوتتا قىلمىستىق ٸستٸڭ مەن-جايى تانىستىرىلدى. ٸس ماتەريالدارىندا 2021 جىلدىڭ قاراشاسىندا اتىراۋ قالالىق مەدەنيەت بٶلٸمٸ مەن جشس اراسىندا 145 000 001 تەڭگەگە مٷسٸن ساتىپ الۋعا كەلٸسٸمشارت جاسالعانى كٶرسەتٸلگەن.
"2021 جىلدىڭ 4 قاراشاسى مەن 2021 جىلدىڭ 11 قاراشاسىندا تاپسىرىس بەرۋشٸ جشس شوتىنا 72 500 000 تەڭگە سوماسىنداعى شارت سوماسىنىڭ جارتىسى اۋدارىلعان. جاۋاپكەر ح. (حامەنوۆا -ەسك.) وبلىس ەكٸمٸنٸڭ ورىنباسارى بولا تۇرا جەنە قۇرىلىس سالاسىنا جەتەكشٸلٸك ەتٸپ, مەدەنيەت باسقارماسىنىڭ باسشىسى ر.-عا جشس ديرەكتورىنان بەس ميلليون تەڭگە كٶلەمٸندە پارا تالاپ ەتۋدٸ تاپسىرعان, ال ول كەلٸسكەن. ا. ر-عا 4,5 ميلليون تەڭگە پارا بەرگەننەن كەيٸن ولاردى سىبايلاس جەمقورلىققا قارسى قىزمەت قىزمەتكەرلەرٸ ۇستادى. سونىمەن قاتار, ر., سوتالدى تەرگەۋ ورگاندارىمەن ٶز ەركٸمەن ىنتىماقتاسۋعا نيەت بٸلدٸردٸ. كەلەسٸ كٷنٸ ر. العان پارانى ح.-عا الىپ بارعان, ول اقشانى العان", - دەلٸنگەن اتىراۋ قالالىق №2 سوتىنىڭ باسپاسٶز قىزمەتٸ تاراتقان حابارلامادا.
سوت مەلٸمەتٸنشە, مەن-جايلار مەن سوتتالۋشىلاردىڭ كٸنەسٸ ر. مەن ا.-نىڭ تەرگەۋ بارىسىندا بەرگەن مويىنداۋلارى, كۋەلاردىڭ ايعاقتارى, تٸنتۋ حاتتامالارى, پارا بەرۋ كەزٸندە سوتتالۋشىلاردىڭ اراسىنداعى ەڭگٸمەنٸڭ جازبالارىمەن راستالعان.
سوت باقىتگٷل حامەنوۆاعا قاتىستى انتتىڭ بۇزىلۋىن اۋىرلاتاتىن مەن-جاي دەپ تانىدى. جاۋاپكەرشٸلٸكتٸ جەڭٸلدەتەتٸن جاعداي جاس بالالاردىڭ بولۋى. سوت شەشٸمٸ بويىنشا, باقىتگٷل حامەنوۆا جەتٸ جىلعا باس بوستاندىعىنان ايىرىلدى.
"ەكٸ جاس بالانىڭ بولۋىنا بايلانىستى قىلمىستىق كودەكستٸڭ 74-بابى 1-بٶلٸگٸن قولدانىپ, ٷكٸمدٸ ورىنداۋ ٷش جىلعا شەگەرٸلٸدٸ. سوتتالۋشى ر.-عا جەتٸ جىلعا, سوتتالۋشى ا.-عا تٶرت جىلعا باس بوستاندىعىنان ايىرۋ جازاسى تاعايىندالدى. بارلىق ايىپتالۋشى ٶمٸر بويىنا مەملەكەتتٸك قىزمەتتە قىزمەت اتقارۋ قۇقىعىنان ايىرىلدى", - دەپ ٸستٸ قاراعان سۋديا شەشٸمدٸ جارييا ەتتٸ.
سوت باقىتگٷل حامەنوۆانى "قۇرمەت" وردەنٸنەن ايىرۋ تۋرالى پرەزيدەنتكە ۇسىنىس جاسادى. سوتتىڭ ٷكٸمٸ زاڭدى كٷشٸنە ەنگەن جوق.
