سۋرەت اشىق دەرەككٶزدەن الىندى
سوت «ارحيتەكتورى بۋدۋششەگو» قورىن قۇرۋشىعا قاتىستى ٷكٸم شىعاردى, دەپ حابارلايدى "ۇلت اقپارات".
"21 تامىزدا استانا قالاسىنىڭ قىلمىستىق ٸستەر جٶنٸندەگٸ اۋدانارالىق سوتى «ارحيتەكتورى بۋدۋششەگو» زاڭسىز قورىنىڭ نەگٸزٸن قالاۋشى ا.-عا قاتىستى ٷكٸم شىعاردى.
ا. قىزمەتٸ ازاماتتاردى قۇقىققا قايشى ەرەكەتتەر جاساۋعا ىنتالاندىرۋمەن ۇشتاساتىن قوعامدىق بٸرلەستٸكتٸ (قك 404-بابىنىڭ 1-بٶلٸگٸ), سونداي-اق قوعامدىق شارالاردى ٶتكٸزۋ كەزٸندە قوعامدىق تەرتٸپتٸ بۇزۋ قاۋپٸن تۋدىراتىن جالعان اقپارات تاراتۋمەن اينالىسقان قوعامدىق بٸرلەستٸكتٸ قۇردى جەنە وعان باسشىلىق جاسادى (قك 274-بابى 4-بٶلٸگٸنٸڭ 2) تارماعى) دەپ ايىپتالدى" - دەلٸنگەن حابارلامادا.
سوت مەلٸمەتٸنشە, 2019 جىلى ا. اۋىل شارۋاشىلىعىن دامىتۋ, دەندٸ-بۇرشاقتى جەنە مايلى داقىلداردى, ونىڭ ٸشٸندە تۇقىم شارۋاشىلىعىن ٶسٸرۋمەن اينالىساتىن كومپانييا قۇرعان. 2020 جىلدىڭ مامىر-ماۋسىم ايلارىندا ول كانادادان اقمولا جەنە سولتٷستٸك قازاقستان وبلىستارىنىڭ ەگٸستٸكتەرٸنە ەگٸلگەن اۋىل شارۋاشىلىعى داقىلدارىنىڭ تۇقىمىن ەكەلگەن.
ال 2020 جىلدىڭ تامىز ايىندا ناقتى ٶنٸمدٸلٸكتٸ بٸلمەي تۇرىپ, ەگٸن جيناۋعا دەيٸن, ونىڭ كومپانيياسىنىڭ تيٸمدٸلٸگٸ تۋرالى ازاماتتاردا جالعان تٷسٸنٸك قالىپتاستىرۋ ماقساتىندا ا. «ارحيتەكتورى بۋدۋششەگو» فيلمٸن تٷسٸرگەن.
بۇل فيلمدە 35-50 تس/گا كٶلەمٸندە بيداي ەگٸنٸنٸڭ وراسان زور نەتيجەلەرٸن الۋ تۋرالى كٶرٸنەۋ جالعان اقپارات ايتىلعان, بۇل قازاقستان بويىنشا ٶنٸمدٸلٸكتەن 400 پايىزعا جوعارى. الايدا 2020 جىلى ناقتى جينالعان بيداي ٶنٸمٸ تەك 11,44-تەن 20,4 تس/گا-عا دەيٸن بولعان.
"2020 جىلدىڭ قىركٷيەگٸندە ا. اتالعان فيلمدە تاراتىلاتىن اقپاراتتىڭ جالعان ەكەنٸن تٷسٸنە وتىرىپ, ونى «YouTube»-تە جارييالادى.
سونىمەن قاتار 2020 جىلدىڭ قازان ايىندا ول ٶز كومپانيياسىنىڭ جوباسىن جٷزەگە اسىرۋ ٷشٸن مەملەكەتتٸك ورگانداردان ەگٸستٸك جەرلەردٸ بەرۋدٸ تالاپ ەتكەن. وسى ٶتٸنٸشتەردە ول سونداي-اق سولتٷستٸك قازاقستان بويىنشا كٶرسەتكٸشتەن 4 ەسە اساتىن كانادادان الىنعان تۇقىمدار نەگٸزٸندە قول جەتكٸزگەن ٶنٸمدٸلٸگٸ تۋرالى كٶرٸنەۋ جالعان اقپاراتتى كٶرسەتتٸ.
بۇدان ەرٸ ا. 2021 جىلعى قاڭتاردا قر بويىنشا 15-تەن استام فيليال اشا وتىرىپ, «Genezis» قاۋىمداستىعىن («ارحيتەكتورى بۋدۋششەگو» قورى) زاڭدى تٸركەۋسٸز قۇردى. وسى بٸرلەستٸكتٸڭ قىزمەتٸ اياسىندا ا. ٷكٸمەتتەن 5 ملن. گەكتار جەر بەرۋدٸ تالاپ ەتٸپ, پەتيتسيياعا قول جيناۋدى ۇيىمداستىرعان. بارلىعى 300 مىڭعا جۋىق ادام اداستىرىلىپ, پەتيتسيياعا قول قويعان.
2022 جىلعى 8 مامىردا تەگٸن كونتسەرت تٷرٸندەگٸ ميتينگ ٶتكٸزۋ ماقساتىندا قازاقستاننىڭ تٷكپٸر-تٷكپٸرٸنەن «Genezis» بٸرلەستٸگٸنٸڭ قاتىسۋشىلارىن استانا قالاسىنا شاقىرعان. الايدا, ٸس-شارا ٶتكٸزٸلگەن جوق" - دەلٸنگەن سوت حابارلاماسىندا.
ەرٸ قاراي, 2022 جىلدىڭ 26 قاراشاسىندا ا. استانا قالاسىنداعى تٷنگٸ كلۋبتا 300-دەن استام ادامدى جيناپ, وندا «ارحيتەكتورى بۋدۋششەگو» فيلمٸن كٶپشٸلٸك الدىندا كٶرسەتٸپ, ونىڭ جوباسىن ماقۇلداۋدى تالاپ ەتۋ ماقساتىندا جينالعانداردى «اقوردا» باعىتىندا ميتينگكە شىعۋعا شاقىردى. ال زاڭسىز اكتسيياعا قاتىسۋشىلار قۇقىق قورعاۋ ورگاندارىمەن ۇستالدى.
"سوتتالۋشىنىڭ كٸنەسٸ كۋەگەرلەردٸڭ ايعاقتارىمەن, مامانداردىڭ قورىتىندىلارىمەن, جٷرگٸزٸلگەن ساراپتامالارمەن, زاتتاي دەلەلدەمەلەرمەن جەنە قىلمىستىق ٸستٸڭ باسقا دا ماتەريالدارىمەن دەلەلدەندٸ.
سوت ٷكٸمٸمەن ا. قك-نٸڭ 274-بابى 4-بٶلٸگٸنٸڭ 2) تارماعىندا, 404-بابىنىڭ 1-بٶلٸگٸندە كٶزدەلگەن قىلمىستار جاساعانى ٷشٸن كٸنەلٸ دەپ تانىلدى جەنە قىلمىستىق قۇقىق بۇزۋشىلىقتار جيىنتىعى بويىنشا 5 جىل مەرزٸمگە قوعامدىق بٸرلەستٸكتەردٸ قۇرۋعا جەنە باسقارۋعا بايلانىستى قىزمەتپەن اينالىسۋ قۇقىعىنان ايىرىلا وتىرىپ, 7 جىلعا باس بوستاندىعىنان ايىرىلدى.
سوت قىلمىستىق جاۋاپتىلىق پەن جازانى جەڭٸلدەتەتٸن مەن-جايلار رەتٸندە جاس بالالارىنىڭ بولۋى مەن سوتتىلىعىنىڭ جوقتىعىن تانىدى. اۋىرلاتاتىن مەن-جايلار انىقتاعان جوق" - دەلٸنگەن حابارلامادا.
ٷكٸم زاڭدى كٷشٸنە ەنگەن جوق.
