باقىتگٷل حامەنوۆا, فوتو: azh.kz
بٷگٸن, 21 اقپاندا اتىراۋ وبلىستىق سوتىنىڭ اپەللياتسييا القاسى اباي قۇنانبايۇلىنا ەسكەرتكٸش ورناتۋ ٷشٸن 4,5 ملن تەڭگە پارا الدى دەپ ايىپتالىپ, 7 جىلعا سوتتالعان وبلىس ەكٸمٸنٸڭ بۇرىنعى ورىنباسارى, ەكس-دەپۋتات باقىتگٷل حامەنوۆاعا بٸرٸنشٸ ينستانتسييا سوتى شىعارعان ٷكٸمدٸ كٷشٸندە قالدىردى. حامەنوۆامەن بٸرگە ايىپتالعان اتىراۋ وبلىستىق مەدەنيەت باسقارماسىنىڭ بۇرىنعى جەتەكشٸسٸ اقىلبەك رىسقاليەۆ پەن "بالقىتۋ" كومپانيياسىنىڭ ديرەكتورى ٶمٸرتاي اداموۆقا بەرٸلگەن جازا مەرزٸمٸ ازايتىلدى, دەپ حابارلايدى "ۇلت اقپارات" ازاتتىق راديوسىنا سٸلتەمە جاساپ.
ٷشەۋٸنە ٷكٸم بىلتىر 15 قاراشادا شىققان. اتىراۋ قالالىق №2 سوتى حامەنوۆانى 7 جىلعا بوستاندىعىنان ايىرىپ, كەمەلەتكە تولماعان ەكٸ بالاسى بارىن ەسكەرٸپ, جازانى 3 جىلدان سوڭ ٶتەۋگە مٸندەتتەگەن. حامەنوۆاعا "پارا بەردٸ" دەلٸنگەن كەسٸپكەر اداموۆ 4 جىلعا, ەكەۋٸنٸڭ ورتاسىندا "دەلدال بولعان" مەدەنيەت باسقارماسىنىڭ بۇرىنعى جەتەكشٸسٸ رىسقاليەۆ 7 جىلعا سوتتالعان.
ٷشەۋٸ دە مەملەكەتتٸك لاۋازىمدى قىزمەت اتقارۋ قۇقىعىنان ٶمٸر بويىنا ايىرىلدى. سوت ٷكٸمٸندە باقىتگٷل حامەنوۆانىڭ مٷلكٸن تەركٸلەۋ, ٶزٸن "قۇرمەت" وردەنٸنەن ايىرۋ تۋرالى ۇسىنىس ەنگٸزٸلگەن. سوتتالعان ٷشەۋ ٷكٸمگە كەلٸسپەي, ٶزدەرٸن اقتاۋدى سۇراپ, اپەللياتسيياعا شاعىم تٷسٸرگەن.
بٷگٸن اتىراۋ وبلىستىق سوتى اپەللياتسييا القاسىنىڭ تٶراعاسى تەتتٸ ۋەليەۆا سوت قاۋلىسىن وقىپ بولعان سوڭ, حامەنوۆاعا شىعارىلعان ٷكٸمدٸ ٶزگەرتۋگە جەنە ونىڭ كٷشٸن جويۋعا ەشقانداي نەگٸز جوعىن تٷسٸندٸردٸ. ول اپەللياتسييا سوتى زەرتتەگەن دەلەلدەمەلەر رىسقاليەۆتٸڭ پارا الۋىنا حامەنوۆانىڭ (ول وعان باعىنىشتى بولعان) تاپسىرماسى ىقپال ەتكەنٸن انىقتاعانىن ايتتى. ودان بٶلەك, رىسقاليەۆ حامەنوۆانىڭ پارا الۋى ٷشٸن جاعداي جاساعانى دا ايتىلادى.
"ول اداموۆپەن تىعىز بايلانىستا بولىپ, ەسكەرتكٸشتٸ ورناتۋ ٷشٸن اقشالاي قاراجات بٶلۋ تۇرعىسىنان قالالىق مەدەنيەت بٶلٸمٸنٸڭ باسشىسىمەن جەنە بۋحگالتەرٸمەن كەلٸسسٶز جٷرگٸزٸپ, شارت جاساسۋ پروتسەسٸن جەدەلدەتۋ, ەسكەرتكٸشتٸ ورناتۋعا بيۋدجەتتەن قارجى الۋ, سونداي-اق بٶلٸنگەن قاراجاتتى جشس شوتىنا اۋدارۋ جٶنٸندە شارالار قابىلداعان" دەيدٸ ۋەليەۆا.
ونىڭ سٶزٸنشە, "4,5 ملن تەڭگە پارا حامەنوۆاعا ارنالعان, رىسقاليەۆتٸڭ اتالعان سومادان ٷلەس الۋى كەلٸسٸلمەگەن".
سول سەبەپتٸ رىسقاليەۆتٸڭ قىلمىستىق ەرەكەتتەرٸ "پارا الۋعا جەردەمدەسۋ" رەتٸندە قايتا سارالاندى. ونىڭ جاۋاپكەرشٸلٸگٸن ەدەۋٸر جەڭٸلدەتەتٸن ەرەكشە جاعدايلاردى ەسكەرە وتىرىپ, سوت القاسى "قىلمىستىق قۇقىقبۇزۋشىلىقتىڭ اشىلۋىنا ىقپال ەتتٸ, قىلمىستىق قۇقىقبۇزۋشىلىقتىڭ باسقا دا قاتىسۋشىلارىن ەشكەرەلەدٸ" دەگەن نەگٸزبەن جەنە اسىراۋىندا تٶرت جاس بالاسى بارىن ەسكەرٸپ, رىسقاليەۆتٸڭ جازاسىن 2 جىلعا بوستاندىعىنان ايىرۋ دەپ ٶزگەرتتٸ. ال اداموۆتىڭ زەينەت جاسىندا ەكەنٸ (65 جاستا) جەنە اسىراۋىندا بالا كەزٸنەن مٷگەدەكتٸگٸ بار ەكٸ ۇلى مەن كەلٸندەرٸ جەنە كەمەلەتكە تولماعان جەتٸ نەمەرەسٸ بارىن ەسكەرٸپ, ونى 1 جىل 6 ايعا سوتتادى. رىسقاليەۆ پەن اداموۆ جازاسىن قاماۋدا ٶتەيدٸ.
باقىتگٷل حامەنوۆا اپەللياتسييا سوتىنىڭ قاۋلىسىنا كەلٸسپەيتٸنٸن جەنە كاسساتسييالىق شاعىم تٷسٸرەتٸنٸن ايتتى.
"بٷگٸندە قارعا قارعانىڭ كٶزٸن شۇقىعان جوق. ٶڭٸردەگٸ سۋديالاردىڭ دەربەس شەشٸم, ەدٸل ٷكٸم شىعارۋدا ەشقانداي بيلٸگٸ جوق ەكەندٸگٸنە كٶز جەتتٸ. ٶڭٸردەگٸ قۇقىق قورعاۋ ورگاندارىنا سەنٸڭ اقيقاتىڭنىڭ قۇنى كٶك تيىن. مەنٸڭ ەش كٸنەم جوق. ونى بەرٸ بٸلەدٸ. ەندٸگٸ ٷمٸت تەك جوعارعى سوتتا. ادامنىڭ سوتىنان قۇتىلعانمەن, اللانىڭ سوتىنان ەشكٸم قۇتىلمايدى. مەن ٶزٸمنٸڭ شىندىعىمدى, اقتىعىمدى دەلەلدەۋ ٷشٸن بارلىق تەتٸكتٸ پايدالانىپ, سوڭىنا دەيٸن كٷرەسەمٸن", - دەدٸ باقىتگٷل حامەنوۆا جۋرناليستەرگە بەرگەن سۇحباتىندا.
ەسكە سالا كەتەيٸك, اتىراۋ وبلىسى ەكٸمٸنٸڭ ورىنباسارى قىزمەتٸن اتقارعان باقىتگٷل حامەنوۆا مەن اتىراۋ وبلىستىق مەدەنيەت باسقارماسىنىڭ بۇرىنعى باسشىسى اقىلبەك رىسقاليەۆ اتىراۋ قالاسىندا اباي ەسكەرتكٸشٸن ورناتۋ بويىنشا 145 ميلليون تەڭگە سوماسىنا "مەملەكەتتٸك ساتىپ الۋ شارتىن جاساعانى ٷشٸن ادامدار توبىمەن الدىن الا سٶز بايلاسۋ ارقىلى جشس باسشىسىنان 4,5 ميلليون تەڭگە پارا الدى" دەگەن كٷدٸككە ٸلٸنگەن ەدٸ.
Copyright (c) 2013. RFE/RL, Inc. Reprinted with the permission of Radio Free Europe/Radio Liberty, 1201 Connecticut Ave., N.W. Washington DC 20036.
ۆيدەو: halyq-uni.kz
