سولتٷستٸك ٶڭٸرلەردە شاڭعى سپورتىن دامىتۋ تيٸستٸ دەڭگەيدە ەمەس. بۇل تۋرالى بەيجٸڭدەگٸ وليمپيادا ويىندارىنىڭ قورىتىندىسى بويىنشا باسپاسٶز مەسليحاتىندا ۇلتتىق وليمپيادا كوميتەتٸ سپورت ديرەكتسيياسىنىڭ ديرەكتورى ەلسييار قاناعاتوۆ ايتتى, دەپ حابارلايدى قازاقپارات.
«ٶزدەرٸڭٸز بٸلەسٸزدەر, 34 سپورتشى 87 جولدامامەن وسى وليمپياداعا باردى. ەرينە, جانكٷيەرلەر بٸزدەن مەدال كٷتتٸ. بەيجٸڭ وليمپياداسىندا 29 مەملەكەت تيٸستٸ نەتيجەگە قول جەتكٸزٸپ, مەدال الدى. بٸز ەگەمەندٸك العاننان بەرٸ قىسقى وليمپيادالارعا قاتىسقاندا 8 عانا مەدالعا يە بولىپپىز. ونىڭ تٶرتەۋٸن بٸر سپورتشى الىپ بەردٸ. وسى جولى العا باساتىنداي جاعداي بولدى. فريستايل-موگۋلدان يۋلييا گالىشەۆا قاتىستى جەنە شورت-ترەكتەن دە ٷمٸتٸمٸز جاقسى بولدى. الايدا مەدالعا يە بولا المادى», - دەدٸ قاناعاتوۆ ورتالىق كوممۋنيكاتسييالار قىزمەتٸندە
ونىڭ ايتۋىنشا, ەلٸمٸز سپورتشىلارى اراسىندا شورت-ترەكتەن بٸرشاما ٸلگەرٸلەۋ بولعانى بايقالدى.
«سايىستا ابزال ەجٸعاليەۆتٸڭ نەتيجەسٸن كٶردٸڭٸزدەر. ابزال ٶزٸنٸڭ سٶزٸندە دە شورت-ترەكتٸ ەلٸ دە دامىتۋ كەرەك ەكەنٸن ايتتى, بٸز دە بۇل ۋەجٸن قولدايمىز. كونكي سپورت تٷرٸنەن دە بٸزدە العا جىلجۋ بار دەپ ايتۋعا بولادى», - دەدٸ ۇوك سپورت ديرەكتسيياسىنىڭ ديرەكتورى.
سونىمەن قاتار ول ەڭ ناشار نەتيجە كٶرسەتكەن سپورت تٷرٸ شاڭعى جارىسىنا قاتىستى ەكەنٸن ايتتى.
«سوڭعى جىلدارى شاڭعى سپورتىنىڭ نەتيجەسٸ تٶمەندەپ كەتتٸ. بۇل باعىتتا بۇقارالىق سپورتتى دامىتۋ ناشار بولىپ تۇر. سولتٷستٸك ٶڭٸرلەردە شاڭعى سپورتىن دامىتۋ تيٸستٸ دەڭگەيدە ەمەس. سوندىقتان وسى وليمپيادانىڭ قورىتىندىسى بويىنشا شاڭعى, بياتلوننىڭ ناشار نەتيجەسٸنە, جالپى بەيجٸڭدەگٸ نەتيجەمٸزگە دۇرىستاپ ساراپتاما جاساپ, دۇرىس جاۋاپتارمەن العا جىلجۋ كەرەك. اتاپ ايتقاندا, بۇقارالىق سپورتتى دامىتۋعا كٶڭٸل بٶلگەن جٶن. اۋىلدى جەرلەرگە دە سپورت كەشەندەرٸن سالۋ ٶزەكتٸ», - دەدٸ قاناعاتوۆ.
