سوڭعى تٶرت جىلدا ەلٸمٸزدە تٶتەنشە جاعداي, تابيعي جەنە تەحنوگەندٸك سيپاتتاعى وقيعالار سالدارىنان 9 047 ادام زارداپ شەكتٸ. بۇل تۋرالى مەجٸلٸس تٶراعاسىنىڭ ورىنباسارى, دەپۋتات بالايم كەسەباەۆا مەلٸم ەتتٸ, دەپ حابارلايدى قازاقپارات تٸلشٸسٸ.
«ٶكٸنٸشكە قاراي, دٷلەي اپاتتار جىل سايىن ەلەمدە قانشاما ادامىڭ ٶمٸرٸن الىپ, دەنساۋلىقتارى مەن كٷندەلٸكتٸ تٸرلٸگٸنە ەسەر ەتۋدە. قازاقستان دا تٶتەنشە جاعدايلاردىڭ تۋىنداۋىنىڭ, ولاردىڭ ەلەۋمەتتٸك سالاعا جەنە قورشاعان ورتاعا تەرٸس ەسەرٸنٸڭ جالپى ەلەمدٸك زاڭدىلىقتارىنان تىس قالا المايدى. قورشاعان ورتاعا انتروپوگەندٸك ەسەردٸڭ جوعارىلاۋى جەنە ەلدٸڭ بەلسەندٸ يندۋسترييالىق دامۋىنا بايلانىستى تەرٸس فاكتورلار تەحنوگەندٸك تٶتەنشە جاعدايلاردىڭ تۋىنداۋىنا الىپ كەلەدٸ. تەك سوڭعى 4 جىلدا رەسپۋبليكا اۋماعىندا 56 783 تٶتەنشە جاعداي مەن تابيعي جەنە تەحنوگەندٸك سيپاتتاعى وقيعالار تٸركەلدٸ. ولاردىڭ سالدارىنان 9 047 ادام زارداپ شەكتٸ, ونىڭ ٸشٸندە 2 875 ادام قازا تاپتى. ماتەريالدىق زالال 19,4 ملرد تەڭگەنٸ قۇرادى», - دەدٸ ب. كەسەباەۆا مەجٸلٸستەگٸ «ازاماتتىق قورعاۋ جٷيەسٸن دامىتۋ تۋرالى» تاقىرىبىنداعى ٷكٸمەت ساعاتىندا.
ونىڭ ايتۋىنشا, اتالعان جاعدايلاردا ازاماتتارىمىز ٶز قايعى-قاسٸرەتٸمەن جالعىز قالعان جوق. مەملەكەت زارداپ شەككەن حالىققا قولداۋ كٶرسەتۋ جەنە تٶتەنشە جاعدايلاردىڭ سالدارىن جويۋ مەسەلەلەرٸنە ەرەكشە كٶڭٸل بٶلەدٸ. بۇل ٷشٸن ٷكٸمەت پەن جەرگٸلٸكتٸ اتقارۋشى ورگانداردىڭ رەزەرۆتەرٸندە جىل سايىن قارجىلاي قاراجات كٶزدەلٸپ, مەملەكەتتٸك ماتەريالدىق رەزەرۆتٸڭ رەسۋرستارى پايدالانىلادى.
«مۇنداي جاعدايلاردا ازاماتتىق قورعاۋ جٷيەسٸن ودان ەرٸ دامىتۋ حالىقتىڭ قاۋٸپسٸزدٸگٸن جەنە ەلدٸڭ ەكونوميكالىق ەلەۋەتٸن قامتاماسىز ەتۋدٸڭ اسا ماڭىزدى شارتى بولىپ سانالادى. سونىمەن بٸرگە, پلانەتامىزداعى كليماتتىڭ جاھاندىق ٶزگەرۋٸ ازاماتتىق قورعاۋدىڭ مەملەكەتتٸك جٷيەسٸنٸڭ جۇمىس ٸستەۋ قاعيداتتارى مەن تەتٸكتەرٸن زامان تالابىنا سەيكەس قايتا قاراۋ قاجەتتٸلٸگٸن تۋدىرادى. بۇدان باسقا, ازاماتتىق قورعاۋ سالاسىنداعى پروبلەمالار تٶتەنشە جاعدايلاردىڭ الدىن الۋ جەنە ولاردىڭ سالدارىن جويۋ جٶنٸندەگٸ تيٸمدٸ قىزمەتتٸ قيىنداتادى», - دەدٸ دەپۋتات.
