قازاقستاندا سوڭعى ەكٸ اپتادا كوروناۆيۋرسپەن اۋرۋشاڭدىق 28% تٶمەندەگەن. قر دەنساۋلىق ساقتاۋ مينيسترٸ الەكسەي تسوي ٷكٸمەت وتىرىسىندا وسىنداي ستاتيستيكا كەلتٸردٸ, دەپ حابارلايدى قازاقپارات.
«ەلەمدە كۆي-دٸڭ 267 مليلليوننان استام جاعدايى, تەۋلٸگٸنە 500 مىڭنان استام جاعداي تٸركەلۋدە. 5 ميلليوننان استام ادام قايتىس بولدى.
دٷنيەجٷزٸلٸك دەنساۋلىق ساقتاۋ ۇيىمى ەۋروپا ايماعىنىڭ مەلٸمەتتەرٸ بويىنشا, سوڭعى ەكٸ اپتادا 54 ەلدٸڭ 25 ەلٸندە اۋرۋدىڭ ٶسۋٸ بايقالىپ وتىر.
سوڭعى 14 كٷندە اۋرۋدىڭ ەڭ كٶپ ٶسۋٸ فرانتسييادا بايقالدى. وندا اۋرۋ 154%-دان استام, پورتۋگالييادا – 80%-دان استام, شۆەتسييادا – 60%-دان استام, يتالييادا – 50%-دان استام ٶستٸ», - دەدٸ مينيستر.
ونىڭ مەلٸمەتٸ بويىنشا, قازاقستاندا سوڭعى ەكٸ اپتادا اۋرۋشاڭدىق 28%-عا تٶمەندەدٸ.
«ەلەمدٸك رەيتينگتە قازاقستان 1 ملن تۇرعىنعا شاققانداعى سىرقاتتانۋشىلىق دەڭگەيٸ بويىنشا 108-ورىندا, ٶلٸم-جٸتٸم بويىنشا 222 ەلدٸڭ ٸشٸندە 102-ورىندا تۇر.
ينفەكتسييالىق تٶسەكتەردٸڭ جٷكتەلٸمٸ 24%, رەانيماتسييالىق تٶسەكتەردٸڭ جٷكتەلٸمٸ 21% بولىپ تۇر.
ەم قابىلداپ جاتقانداردىڭ ازايۋ ديناميكاسى بايقالادى. سوڭعى ٷش ايدا ناۋقاستار سانى 3,7 ەسە ازايدى –84 268-دەن 22 353 ناۋقاسقا دەيٸن», - دەدٸ دەنساۋلىق ساقتاۋ مينيسترٸ.
