Qazaqstanda sońǵy eki aptada koronaviýrspen aýrýshańdyq 28% tómendegen. QR Densaýlyq saqtaý ministri Aleksei Tsoi Úkimet otyrysynda osyndai statistika keltirdi, dep habarlaidy QazAqparat.
«Álemde KVI-diń 267 mlillionnan astam jaǵdaiy, táýligine 500 myńnan astam jaǵdai tirkelýde. 5 millionnan astam adam qaitys boldy.
Dúniejúzilik densaýlyq saqtaý uiymy Eýropa aimaǵynyń málimetteri boiynsha, sońǵy eki aptada 54 eldiń 25 elinde aýrýdyń ósýi baiqalyp otyr.
Sońǵy 14 kúnde aýrýdyń eń kóp ósýi Frantsiiada baiqaldy. Onda aýrý 154%-dan astam, Portýgaliiada – 80%-dan astam, Shvetsiiada – 60%-dan astam, Italiiada – 50%-dan astam ósti», - dedi ministr.
Onyń málimeti boiynsha, Qazaqstanda sońǵy eki aptada aýrýshańdyq 28%-ǵa tómendedi.
«Álemdik reitingte Qazaqstan 1 mln turǵynǵa shaqqandaǵy syrqattanýshylyq deńgeii boiynsha 108-orynda, ólim-jitim boiynsha 222 eldiń ishinde 102-orynda tur.
Infektsiialyq tósekterdiń júktelimi 24%, reanimatsiialyq tósekterdiń júktelimi 21% bolyp tur.
Em qabyldap jatqandardyń azaiý dinamikasy baiqalady. Sońǵy úsh aida naýqastar sany 3,7 ese azaidy –84 268-den 22 353 naýqasqa deiin», - dedi Densaýlyq saqtaý ministri.
