سوڭعى اپتادا كوروناۆيرۋستىڭ سيمپتومسىز جاعدايلارى 65 پايىزعا ارتتى. بۇل تۋرالى ٷكٸمەت وتىرىسىندا قر دەنساۋلىق ساقتاۋ مينيسترٸنٸڭ مٸندەتٸن اتقارۋشى لەززات اقتاەۆا ايتتى, دەپ حابارلايدى قازاقپارات.
«قازاقستاندا كوروناۆيرۋسپەن اۋىرعان 23 960 ناۋقاس تٸركەلگەن. ونىڭ ٸشٸندە 16 351-ٸ سيمپتوممەن جەنە 7 609-ى سيمپتومسىز. 13 716 ناۋقاس ەمٸن جالعاستىرۋدا. 10 139 ناۋقاس ساۋىعىپ شىقتى, 105 ناۋقاس قايتىس بولدى. بٷگٸنگٸ كٷنٸ تەستٸلەۋ قۋاتى 28 مىڭعا دەيٸن جەتكٸزٸلدٸ. بارلىعى كۆي-عا 1 271 471 تەست جٷرگٸزٸلدٸ. قازاقستاندا 1 كۆي جاعدايىنا 78 تەستتەن كەلەدٸ. بۇل رەسەي, اقش, يتالييا, كانادا, اۋستريياداعى تەستٸلەۋ دەڭگەيٸنەن جوعارى, 100 مىڭ تۇرعىنعا شاققاندا تەست سانى 6824-تٸ قۇرايدى», - دەدٸ ول.
ونىڭ اتاپ ٶتۋٸنشە, قازٸرگٸ ۋاقىتتا تەستٸلەۋ ەپيدەميولوگييالىق كٶرسەتٸلٸمدەر بويىنشا, پروفيلاكتيكالىق ماقساتتا جەنە ەپيدەميولوگييالىق قاداعالاۋ اياسىندا جٷرگٸزٸلەدٸ. باس مەملەكەتتٸك سانيتارييالىق دەرٸگەردٸڭ قاۋلىسىنا سەيكەس زەرتحانالىق تەكسەرۋگە: ناۋقاستار مەن ۆيرۋس تاسىمالداۋشىلار, جرۆي, تۇماۋ, پنەۆمونييامەن اۋىراتىن ناۋقاستار, ناۋقاستارمەن بايلانىستا بولعان ادامدار, ستاتسيونارلار مەن مەديتسينالىق-ەلەۋمەتتٸك مەكەمەلەرگە جاتقىزىلعان ادامدار, مەديتسينا قىزمەتكەرلەرٸ, ەسكەرگە شاقىرىلۋشىلار, قر اۋماعىنا كەلەتٸن ادامدار جاتادى.
«COVID-19-عا پتر-تەستٸلەۋ ٷشٸن 56 زەرتحانا جۇمىس ٸستەيدٸ, تەستٸلەۋ قۋاتى تەۋلٸگٸنە 28 000-عا دەيٸن جەتكٸزٸلدٸ. باس مەملەكەتتٸك سانيتارييالىق دەرٸگەردٸڭ قاۋلىسىمەن ايقىندالعان تەستٸلەۋگە جاتاتىن حالىقتى تەستٸلەۋمەن قامتۋدى قامتاماسىز ەتۋ ماقساتىندا بيۋدجەت ەسەبٸنەن قۋاتتى تەۋلٸگٸنە 30 000 تەستكە دەيٸن, ال مەملەكەتتٸك جەنە جەكە سەكتور زەرتحانالار قۋاتى ەسەبٸمەن جالپى ەل بويىنشا تەۋلٸككە 35 مىڭعا دەيٸن ارتتىرۋ جوسپارلانۋدا»,- دەدٸ لەززات اقتاەۆا.
ونىڭ دەرەگٸنشە, سوڭعى اپتادا رەسپۋبليكادا 5 485 جاعداي تٸركەلدٸ. ٶتكەن اپتامەن سالىستىرعاندا سىرقاتتانۋشىلىق 1,9 ەسە ٶسكەن. اۋرۋ جاعدايلارىنىڭ جالپى سانىنىڭ 44 پايىزى بايلانىستا بولعان ادامدار اراسىندا تٸركەلگەن, 36 پايىزى كەسٸپتٸك تەكسەرۋ جٷرگٸزۋ كەزٸندە انىقتالدى, 19 پايىزى جرۆي-مەن اۋىرعان پاتسيەنتتەر اراسىندا, ەكەلٸنگەن جاعداي – 1 پايىز.
«بۇل رەتتە, اۋرۋ سيمپتومدارى بار جاعدايلاردىڭ سانى 1,3 ەسە ٶسكەن جەنە اۋرۋ جۇقتىرۋدىڭ جالپى سانىنىڭ 35,5 پايىزىن, ال سيمپتومسىز جاعداي 65 پايىزىن قۇرادى»,- دەدٸ ول.
