قازاقستاندىق مەملەكەتتٸك جوعارى وقۋ ورىندارىنىڭ 800-دەن استام ستۋدەنتٸ سوڭعى 2 جىلدا حالىقارالىق وليمپيادالار مەن كونكۋرستاردىڭ جەڭٸمپازى اتاندى, دەپ حابارلايدى "ۇلت اقپارات" قر بٸلٸم جەنە عىلىم مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
ۇلتتىق جەنە مەملەكەتتٸك جوعارى وقۋ ورىندارىنىڭ 800-دەن استام ستۋدەنتٸ سوڭعى ەكٸ جىلدا حالىقارالىق وليمپيادالار مەن كونكۋرستاردىڭ جەڭٸمپازدارى اتاندى. ستۋدەنتتەردٸڭ جەتٸستٸكتەرٸ بويىنشا ٷزدٸك 5 مەملەكەتتٸك جوعارى وقۋ ورىندارىنىڭ قاتارىنا ل.ن.گۋميلەۆ اتىنداعى ەۇۋ, اباي اتىنداعى قازۇپۋ, ەل-فارابي اتىنداعى قازۇۋ, قاراعاندى تەحنيكالىق ۋنيۆەرسيتەتٸ, م. ٶتەمٸسوۆ اتىنداعى باتىس قازاقستان ۋنيۆەرسيتەتٸ كٸردٸ.
مىسالى, ٶتكەن وقۋ جىلىندا ل. ن. گۋميلەۆ اتىنداعى ەۇۋ-دٸڭ 87 ستۋدەنتٸ IV بٷكٸلرەسەيلٸك وليمپيادادا, «CISCO STARS-2019» جەلٸلٸك تەحنولوگييالار بويىنشا حالىقارالىق وليمپيادادا, حالىقارالىق پەندٸك وليمپيادادا, Regional Final of Huawei ICT Competition in Eurasia 2019-2020 جەنە باسقا دا جارىستاردا جٷلدەلٸ ورىندارعا يە بولدى.
سونداي-اق ەۇۋ ستۋدەنتتەرٸ پەندٸك وليمپيادالاردا عانا ەمەس, تٷرلٸ شىعارماشىلىق جەنە سپورتتىق جارىستاردا جوعارى نەتيجەلەرگە قول جەتكٸزدٸ. مەسەلەن, «E-STUDIO» ۆوكاليستەرٸ ۋكراينا مەن ٶزبەكستانداعى حالىقارالىق بايقاۋلاردىڭ جەڭٸمپازدارى اتاندى. دومبىراشى-ستۋدەنتتەردەن قۇرالعان «دالا سازى» وركەسترٸ «DUBAI MUSIC FESTIVAL-CONTEST» حالىقارالىق بايقاۋىندا جەڭٸسكە جەتتٸ. ەل-فارابي اتىنداعى قازۇۋ ستۋدەنتتەرٸ حالىقارالىق وليمپيادالاردا بٸلٸم دەڭگەيلەرٸنٸڭ جاقسى ەكەنٸن كٶرسەتتٸ. جوعارى وقۋ ورنىنىڭ ستۋدەنتتەرٸ POSCO حالىقارالىق قورىنىڭ (كورەيا), Heiwa Nakajima Foundation (جاپونييا), «MOPGA» (فرانتسييا) ستيپەندياتتارى, سونداي-اق «Erasmus», DORA حالىقارالىق گرانتتارىنىڭ يەگەرلەرٸ اتاندى.
اباي اتىنداعى قازۇپۋ ستۋدەنتتەرٸ دە كٶزگە تٷستٸ. 2020 جىلى بۇل وقۋ ورنى پەداگوگيكالىق جوو ستۋدەنتتەرٸ اراسىندا جاراتىلىستانۋ-عىلىمي پەندەر بويىنشا ٶتكەن حالىقارالىق وليمپيادادا جٷلدەلٸ ورىنعا يە بولدى. سونىمەن قاتار 18 ستۋدەنت پەن ماگيسترانت قر بٸلٸم جەنە عىلىم مينيسترلٸگٸنٸڭ I, II, III دەرەجەلٸ ديپلومدارىنا يە بولدى. سونىمەن بٸرگە قازۇپۋ بٸلٸم الۋشىلارى ستۋدەنتتەر مەن ماگيسترانتتار اراسىندا رەسپۋبليكالىق پەندٸك وليمپيادالار مەن عىلىمي-زەرتتەۋ جۇمىستارى كونكۋرستارىنىڭ جەڭٸمپازدارى اتاندى.
ٶڭٸرلٸك جوعارى وقۋ ورىندارىنىڭ وقۋشىلارى دا جوعارى نەتيجە كٶرسەتتٸ. مەسەلەن, قاراعاندى تەحنيكالىق ۋنيۆەرسيتەتٸنٸڭ ستۋدەنتتەرٸ «Terricone valley IT-WEEK.KZ 2019» حالىقارالىق فورۋمىنىڭ حاكاتونىندا بٸرٸنشٸ ورىنعا يە بولىپ, باسقا دا حالىقارالىق ستۋدەنتتٸك كونكۋرستار مەن عىلىمي-زەرتتەۋ جوبالارىندا جوعارى نەتيجەگە قول جەتكٸزدٸ.
ستۋدەنتتەردٸڭ جەتٸستٸكتەرٸ بويىنشا ٷزدٸك بەستٸكتٸ م.ٶتەمٸسوۆ اتىنداعى باتىس قازاقستان ۋنيۆەرسيتەتٸ قورتىندىلادى. جوو-نىڭ 50-دەن استام ستۋدەنتٸ حالىقارالىق عىلىمي-زەرتتەۋ كونكۋرستارى مەن وليمپيادالاردىڭ جەڭٸمپازدارى اتاندى.
