سولتٷستٸك كورەيا ۇزاق قاشىقتىققا ۇشاتىن جاڭا قاناتتى زىمىرانىن سىناقتان ٶتكٸزدٸ. بۇل جٶنٸندە سولتٷستٸك كورەيانىڭ ورتالىق تەلەگراف اگەنتتٸگٸنە سٷيەنگەن "ريونحاپ" اگەنتتٸگٸ جازدى. ورتالىق تەلەگراف اگەنتتٸگٸ سىناقتىڭ سەتتٸ جٷرگٸزٸلگەنٸن, وعان جوعارى لاۋازىمدى شەنەۋنٸكتەر قاتىسقانىن حابارلاعان.
سولتٷستٸك كورەيانىڭ مەلٸمدەۋٸنشە, جاڭا زىمىراندى قۇراستىرۋعا ەكٸ جىل كەتكەن. 11-12 قىركٷيەك كٷنگٸ سىناق بارىسىندا زىمىراندار 1,5 مىڭ شاقىرىمعا ۇشىپ, نىساناعا دٶپ تيٸپ, سولتٷستٸك كورەيا اۋماعىنداعى تەڭٸزگە قۇلاعان.
ورتالىق تەلەگراف اگەنتتٸگٸ جاڭا زىمىرانداردى – "ماڭىزى بار ستراتەگييالىق قارۋ" رەتٸندە سيپاتتاعان. Reuters سۇحباتتاسقان ساراپشىلاردىڭ پٸكٸرٸنشە, پحەنياننىڭ زىمىرانداردى "ستراتەگييالىق" دەپ اتاۋىنا قاراعاندا ول اتوم وقتۇمسىقتارىنىڭ بٸر بٶلٸگٸ بولۋى مٷمكٸن.
ناۋرىز ايىندا سولتٷستٸك كورەيا جاڭا ٷلگٸدەگٸ ەكٸ تاكتيكالىق زىمىراندى سىناقتان ٶتكٸزگەنٸن حابارلاعان. ساراپشىلار سول كەزدە مۇنى اقش ەكٸمشٸلٸگٸ اۋىسقاننان كەيٸن ۆاشينگتونمەن كەلٸسسٶزگە دايىندىق رەتٸندە باعالاعان.
بۇعان دەيٸن سولتٷستٸك كورەيا باسشىسى كيم چەن ىن مەن اقش-تىڭ بۇرىنعى پرەزيدەنتٸ دونالد ترامپ اراسىنداعى كەلٸسسٶزدەر تىعىرىققا تٸرەلگەن. سولتٷستٸك كورەيا باسشىسى اقش-تان ەكونوميكالىق سانكتسييانىڭ كٷشٸن تولىق جويۋدى ۇسىنعان ەدٸ. ال اقش ودان باس تارتقان.
تامىز ايىنىڭ سوڭىندا اتوم ەنەرگيياسى جٶنٸندەگٸ حالىقارالىق اگەنتتٸك (ماگاتە) جىلدىق ەسەبٸندە پحەنيان يونبەن عىلىمي-زەرتتەۋ ورتالىعىنداعى يادرولىق رەاكتوردى قايتا ٸسكە قوسۋى مٷمكٸن دەپ حابارلاعان.
تامىزدا سولتٷستٸك كورەيا سەۋلدٸڭ ۆاشينگتونمەن بٸرٸگٸپ ٶتكٸزگەن ەسكەري جاتتىعۋىنا جاۋاپ رەتٸندە وڭتٷستٸك كورەيامەن قارىم-قاتىناستى ٷزگەن.
