سولتٷستٸك قازاقستان وبلىسىندا كوروناۆيرۋس ينفەكتسيياسىن جۇقتىرعاندار سانى ارتىپ كەلەدٸ, جاڭا جاعدايلار پەتروپاۆلدا جەنە ٶڭٸردٸڭ 10 اۋدانىندا تٸركەلدٸ, دەپ حابارلايدى "ۇلت اقپارات".
سقو سانيتارييالىق-ەپيدەميولوگييالىق باقىلاۋ دەپارتامەنتٸ باسپاسٶز قىزمەتٸنٸڭ مەلٸمەتٸنشە, ٶتكەن تەۋلٸكتە ٶڭٸردە كوروناۆيرۋس ينفەكتسيياسىن جۇقتىرۋدىڭ 107 جاعدايى تٸركەلدٸ.
ونىڭ تەك 58-ٸندە عانا اۋرۋ بەلگٸلەرٸ بولعان. كۆي-دٸڭ تارالۋى بويىنشا پەتروپاۆل الدا كەلەدٸ, مۇندا كەشە 44 سىرقات انىقتالعان.
ايىرتاۋ اۋدانىندا – 14, تايىنشا اۋدانىندا – 13, قىزىلجار اۋدانىندا – 9, ەسٸل اۋدانىندا – 7, مامليۋت اۋدانىندا – 6, م.جۇماباەۆ, جامبىل, اقجار, اققايىڭ, ۋەليحانوۆ اۋداندارىندا 1 مەن 5 ارالىعىندا جاڭا جاعدايلار تٸركەلدٸ.
سقو كٶپبەيٸندٸ اۋرۋحانانىڭ باس دەرٸگەرٸ يۋريي بەلونوگتىڭ ايتۋىنشا, ەمدەۋ مەكەمەسٸندە 20 ورىندىق كورونوۆيرۋس بٶلٸمٸ جۇمىس ٸستەپ جاتىر.
ەم الۋشىلاردىڭ باسىم بٶلٸگٸ – زەينەت جاسىنداعىلار.
«كوروناۆيرۋس بٶلٸمٸندە ٶكپەسٸ 90-95% زاقىمدالعان سىرقاتتار بار. ولار بٸر ايدان اسا ەم قابىلداپ جاتىر. دەنساۋلىعى ەلسٸز, سول سەبەپتٸ ۆيرۋسقا تٶتەپ بەرە الماي وتىر. قازٸر بٶلٸم تولىق», - دەيدٸ يۋريي بەلونوگ.
مامانداردىڭ ايتۋىنشا, سقو-دا كوروناۆيرۋس جۇقتىرعانداردىڭ باسىم بٶلٸگٸ - 60 جاستان اسقاندار. ولارعا بارلىق سىرقاتتاردىڭ 28% تيەسٸلٸ. ەكٸنشٸ ورىندا 19%-پەن 50-59 جاستاعىلار تۇرسا, 30-39 جاستاعىلار 16 % قۇرايدى.
بٷگٸندە ٶڭٸردە كۆي جۇقتىرعانداردىڭ سانى 10 214-كە جەتتٸ. سىرقاتتانعاندار سانى كٷن سايىن ٶسٸپ كەلەدٸ.
«ادامدار ساقتىق شارالارىن ۇمىتىپ بارادى. ەلەۋمەتتٸك ارا قاشىقتىقتى ۇستانۋ, مەديتسينالىق ماسكا تاعۋ - ۆيرۋستىڭ الدىن الۋ شارالارى. 1 اقپاننان باستاپ كۆي-گە قارسى ۆاكتسيناتسييالاۋ باستالادى. ول نە ٷشٸن جاسالادى? كورونوۆيرۋس ادام اعزاسىنداعى ٶزگە اۋرۋلاردى قوزدىرسا, ۆاكتسينا سول اۋرۋلاردىڭ ۋشىعىپ كەتپەۋٸ ٷشٸن قويىلادى. ٶكٸنٸشكە وراي ەلەمنٸڭ ەش مەملەكەتٸ ەزٸرگە ۆيرۋستى تولىعىمەن جوياتىن ۆاكتسينانى ويلاپ تاپقان جوق», - دەيدٸ باس دەرٸگەر.
