ٶرلٸتٶبە (پاۆلودار وبلىسى) شەكارالىق باقىلاۋ-ٶتكٸزۋ پۋنكتٸنٸڭ اۋماعىندا ٶتكەن رەسمي ٸس-شارا بارىسىندا قازاقستاننىڭ ومبى قالاسىنداعى باس كونسۋلدىعىنىڭ قىزمەتكەرلەرٸ قازاق ساربازى ەمبەرگەن اساينوۆتىڭ سٷيەگٸن پاۆلودار وبلىسى ەكٸمدٸگٸنٸڭ ٶكٸلدەرٸنە تاپسىردى. بۇل تۋرالى سٸم حابارلادى.
جاقىن ارادا ساربازدىڭ سٷيەگٸ قىزىلوردا وبلىسىندا تۇراتىن تۋىستارىنا جەتكٸزٸلٸپ, تۋعان ٶلكەسٸندە جەرلەنەدٸ.
جاۋىنگەر ەمبەرگەن اساينوۆ 1900 جىلى كىزىلوردا وبلىسىندا دٷنيەگە كەلگەن. 1942 جىلدىڭ اقپان ايىندا ارال اۋدانىنان ەسكەر قاتارىنا شاقىرىلىپ, لەنينگراد تٷبٸندەگٸ كەسكٸلەسكەن قاندى شايقاستا ەرلٸكپەن قازا تاپقان.
كەڭەس ساربازىنىڭ سٷيەكتەرٸن رەسەيلٸك ٸزدەۋشٸلەر 2019 جىلدىڭ كٷزٸندە لەنينگراد وبلىسى كيروۆ اۋدىنىنىڭ ماڭىندا تاپقان. 2021 جىلعى 18 ماۋسىمدا ومبى قالاسىندا ورنالاسقان ەسكەري داڭك مۇراجاي كومپلەكسٸنٸڭ اۋلاسىندا «قازاق ۇلتتىق-مەدەني ورتالىعى» ٶڭٸرلٸك قوعامدىق بٸرلەستٸگٸ ۇيىمداستىرعان سالتاناتتى ميتينگ ٶتتٸ. اتالعان ٸس-شارا بارىسىندا ومبى وبلىسى ٷكٸمەتٸنٸڭ رەسمي ٶكٸلدەرٸ مەن جەرگٸلٸكتٸ ارداگەرلەر كەڭەسٸ قازاق ساربازىنىڭ سٷيەگٸ سالىنعان تابىت پەن ونىڭ جەكە زاتتارىن قازاقستاننىڭ باس كونسۋلدىعىنىڭ ٶكٸلدەرٸنە ەسكەري قۇرمەتپەن تاپسىردى.
قازاق ساربازى ەمبەرگەن اساينوۆتىڭ سٷيەگٸن تاۋىپ, ونى تۋعان ەلگە جەتكٸزۋگە قولداۋ كٶرسەتكەن ٷشٸن باس كونسۋلدىق بارلىعىنا ٶزٸنٸڭ زور العىسىن بٸلدٸرەدٸ.
