مولدوۆانىڭ ٸزدەۋشٸلەرٸ ۇلى وتان سوعىسى جىلدارى مايدان دالاسىندا قازا تاپقان قازاقستاندىق جاۋىنگەر يۆان رومانوۆيچ چەرەدنيكتٸڭ سٷيەگٸن تاپتى. ساربازدىڭ نەمەرەسٸ پەتروپاۆلدا تۇرادى, دەپ حابارلايدى "ۇلت اقپارات".
مولدوۆانىڭ ٸزدەۋشٸلەرٸ پاۆلودارداعى «مايدان جولى» ٸزدەۋ-زەرتتەۋ وتريادىنا حابارلاسىپ, ۇلى وتان سوعىسى جىلدارى قازا تاپقان جاۋىنگەردٸڭ تۋىستارىن تابۋعا كٶمەك سۇراعان.
بۇل جايىندا ەلەۋمەتتٸك جەلٸدە وترياد كومانديرٸ الەكساندر شيتوۆ جازدى.
الەكساندر شيتوۆتىڭ ايتۋىنشا, مولدوۆانىڭ ٸزدەۋشٸلەرٸ ياسسكو-كيشينەۆ مايدان دالاسىندا كەزەكتٸ قازبا جۇمىستارىن جٷرگٸزگەن.
بيىل اقپان ايىندا حىنچەشتسك اۋدانى ۆوينەسكۋ ەلدٸ مەكەنٸنٸڭ ماڭىندا بٸرنەشە جاۋىنگەردٸڭ سٷيەگٸ تابىلعان.
1944 جىلى تامىزدا بۇل جەردە ٷش گۆاردييالىق ديۆيزييانىڭ بٶلٸمشەلەرٸ شايقاسقان ەكەن.
ورىس تاريحي-پاتريوتتىق كلۋبىنىڭ جەنە «اۆگۋست» ٸزدەۋ وتريادىنىڭ مٷشەلەرٸ سوعىس ۋاقىتىندا جەرلەنگەن جاۋىنگەرلەردٸڭ زيراتىن تاۋىپ, سٷيەكتەرٸن الىپ شىقتى.
«بٸرنەشە جاۋىنگەردٸڭ سٷيەگٸن تاپتىق. بٸراق ولارعا قاتىستى ەش اقپارات بولمادى. جاۋىنگەرلەردٸ شىعارىپ جاتقان كەزدە قاعازعا ورالعان زاتتى تاپتىق. كەيٸن دۇرىستاپ قاراۋ ٷشٸن ونى الىپ قويدىق. ال سوڭعى جاۋىنگەردٸ كٶتەرٸپ جاتقان كەزدە گيمناستەركانىڭ قالدىعى مەن گۆاردييالىق بەلگٸ كٶزگە تٷستٸ. تابىلعان زاتتار بۇل جەردە گۆاردييالىقتاردىڭ سوعىسقانىن دەلەلدەي تٷستٸ. بٸراق, ولارمەن جاۋىنگەرلەردٸڭ اتى-جٶنٸن انىقتاۋ مٷمكٸن ەمەس», - دەيدٸ مولدوۆالىق ٸزدەۋشٸلەر.
ولاردىڭ بار ٷمٸتٸ گازەتكە ورالعان تٷيٸنشەك بولدى. قابات-قابات ورالعان تٷيٸنشەكتەن الدىمەن تاعى بٸر گۆاردييالىق بەلگٸ شىققان.
كەيٸن «وزات پۋلەمەتشٸ» تٶسبەلگٸسٸ مەن نٶمٸرٸ جوق «ستالينگرادتى قورعاعانى ٷشٸن» مەدالٸ تابىلدى. ال سوڭعى ورامادان «ەرلٸگٸ ٷشٸن» كٷمٸس مەدالٸ شىقتى. ونىڭ سىرتىندا التى تاڭبالى نٶمٸرٸ بولعان.
ارحيۆتە مەدالداردىڭ يەسٸ انىقتالدى. يۆان رومانوۆيچ چەرەدنيك, ەسكەري شەنٸ – سەرجانت. سولتٷستٸك قازاقستان وبلىسى, پەشكوۆسكيي اۋدانى, ترويتسكوە ەلدٸ مەكەنٸندە تۋعان.
ەسكەر قاتارىنا پرەسنوۆ ەسكەري كوميسسارياتىنان شاقىرتىلىپتى. ال تۋىستارى دەگەن جەردە فيوكلا يۆانوۆنا چەرەدنيك دەپ كٶرسەتٸلگەن.
«يۆان رومانوۆيچتٸڭ نەمەرەسٸن ەكٸ كٷننٸڭ ٸشٸندە تاپتىق. وتباسى 1970 جىلدارى ترويتسكوە ەلدٸ مەكەنٸنەن كٶشٸپ كەتكەن ەكەن. قازٸرگٸ تاڭدا پەتروپاۆلدا تۇرادى. قازٸر بٸز جاۋىنگەردٸڭ سٷيەگٸن ەلگە قايتارۋ مەسەلەسٸن شەشۋٸمٸز قاجەت. جاۋىنگەردٸڭ تۋعان-تۋىستارىن ٸزدەۋگە كٶمەكتەسكەن بارشا جاندارعا – جامبىل اۋدانى ترويتسكوە ەلدٸ مەكەننٸڭ تۇرعىندارىنا, جامبىل اۋداندىق پوليتسييا بٶلٸمٸنٸڭ باستىعى اسان مەيراموۆقا, جۋرناليستەرگە العىس ايتامىز», - دەيدٸ الەكساندر شيتوۆ.
