فوتو: primeminister.kz
قازاقستان پرەمەر-مينيسترٸ ەليحان سمايىلوۆ پەن گەرمانييانىڭ فەدەرالدى پرەزيدەنتٸ فرانك-ۆالتەر شتاينمايەر اقتاۋداعى قازاق-نەمٸس تۇراقتى ينجەنەرييا ينستيتۋتى عيماراتىنىڭ قۇرىلىسى بارىسىندا «ۋاقىت كاپسۋلاسىن» سالۋ رەسٸمٸنە قاتىستى, دەپ حابارلايدى "ۇلت اقپارات" ٷكٸمەت باسشىسىنىڭ باسپاسٶز قىزمەتٸنە سٸلتەمە جاساپ.
جاڭا بٸلٸم ورداسى مەملەكەت باسشىسى قاسىم-جومارت توقاەۆتىڭ رەسپۋبليكادا شەتەلدٸك جەتەكشٸ جوعارى وقۋ ورىندارىنىڭ فيليالدارىن اشۋ جەنە ٶنەركەسٸپ ينجەنەرلەرٸنٸڭ جاڭا بۋىنىن قالىپتاستىرۋ جٶنٸندەگٸ تاپسىرماسىن ورىنداۋ ماقساتىندا قۇرىلدى. ول ش. ەسەنوۆ اتىنداعى كاسپيي مەملەكەتتٸك تەحنولوگييالار جەنە ينجينيرينگ ۋنيۆەرسيتەتٸنٸڭ بازاسىندا جٷزەگە اسادى.
قازٸرگٸ تاڭدا ماڭعىستاۋ وبلىسىندا ەنەرگەتيكا سالاسىندا بٸرقاتار ٸرٸ جوبالار ٸسكە اسىرىلىپ كەلەدٸ, سونىڭ بٸرٸ – «جاسىل» سۋتەگٸن ٶندٸرەتٸن زاۋىت. وسىعان وراي, جاڭا قازاق-نەمٸس ينستيتۋتى ينجەنەرييا سالاسىنداعى وزىق تەجٸريبە نەگٸزٸندە جەرگٸلٸكتٸ جاستار مەن ەلٸمٸزدٸڭ ٶزگە ٶڭٸرلەرٸنٸڭ تۇرعىندارى اراسىنان سۇرانىسقا يە تەحنيكالىق مامانداردى دايىندايتىن بولادى.
باكالاۆرياتتىڭ العاشقى ستۋدەنتتەرٸن وقىتۋ وسى جىلدىڭ قىركٷيەك ايىندا باستالادى. 2029 جىلى ۋاقىت كاپسۋلاسىن اشۋ مەرتەبەسٸ سولاردىڭ ەنشٸسٸنە بۇيىرادى, وندا ەليحان سمايىلوۆ پەن فرانك-ۆالتەر شتاينمايەردٸڭ جاڭا ۋنيۆەرسيتەتتٸڭ العاشقى تٷلەكتەرٸنە ارناپ ٷندەۋ حاتى ورنالاستىرىلدى.
2023-2024 جىلدارى دايىندىق ەكٸ باكالاۆريات باعدارلاماسى: گامبۋرگ تەحنيكالىق ۋنيۆەرسيتەتٸنٸڭ «ەنەرگەتيكا جەنە ەكولوگييا ينجەنەريياسى» جەنە ۆيلداۋ تەحنيكالىق ۋنيۆەرسيتەتٸنٸڭ «لوگيستيكاسى» بويىنشا جٷزەگە اسىرىلادى. كەشەندٸ وقۋ باعدارلاماسى ش. ەسەنوۆ اتىنداعى ۋنيۆەرسيتەتتە ٷش جىل جەنە گەرمانيياداعى سەرٸكتەس ۋنيۆەرسيتەتتە بٸر جارىم جىل وقۋ مەرزٸمٸن قامتيدى. وسىعان بايلانىستى جاڭا جوو-دا نەمٸس تٸلٸن ٷيرەنۋگە كٶپ كٶڭٸل بٶلٸنەتٸن بولادى.
بٸلٸم بەرۋ باعدارلاماسى بولاشاقتا ٶنەركەسٸپتٸ اۆتوماتتاندىرۋ جەنە روبوتوتەحنيكا, سۋ رەسۋرستارى مەن قالدىقتاردى باسقارۋ, جاڭارتىلاتىن ەنەرگييا كٶزدەرٸن ەزٸرلەۋ, تەحنولوگييالىق ينجينيرينگ, زاتتار ينتەرنەتٸ, دەرەكتەر عىلىمى جەنە جاساندى ينتەللەكت سيياقتى سالالارداعى 8 باكالاۆريات جەنە 6 ماگيستراتۋرا باعدارلامالارىنا دەيٸن كەڭەيتٸلەدٸ. ينجەنەرلٸك ماماندىقتار بويىنشا قازاقستاندىق ستۋدەنتتەر گەرمانييانىڭ جەتەكشٸ جوعارى وقۋ ورىندارىندا, سونىڭ ٸشٸندە ۆيلداۋ تەحنيكالىق ۋنيۆەرسيتەتٸندە, گامبۋرگ تەحنيكالىق ۋنيۆەرسيتەتٸندە, انحالت قولدانبالى عىلىمدار ۋنيۆەرسيتەتٸندە, بەرلين تەحنيكالىق ۋنيۆەرسيتەتٸندە, دارمشتادت تەحنيكالىق ۋنيۆەرسيتەتٸندە جەنە ت. ب. بٸلٸم الادى.
گەرمانييانىڭ فەدەرالدى پرەزيدەنتٸ فرانك-ۆالتەر شتاينمايەر ٶز سٶزٸندە جوعارى بٸلٸكتٸ ينجەنەرلەردٸ دايارلاۋ قازاقستاندىق جەنە نەمٸس كومپانييالارى ٷشٸن دە تيٸمدٸ ەكەنٸن اتاپ ٶتتٸ.
«بٷگٸندە ەكٸ ەلدە دە بٸلٸكتٸ ماماندارعا سۇرانىس جوعارى. مەن وسى ينستيتۋت پەن ونىڭ تٷلەكتەرٸنٸڭ بولاشاعى جارقىن بولاتىنىنا سەنٸمدٸمٸن. بۇل – بٸلٸم سالاسىنداعى ٶتە ماڭىزدى جوبا. ەكٸ ەل اراسىنداعى وسى سالاداعى جەنە عىلىمي زەرتتەۋلەر سالاسىنداعى ىنتىماقتاستىق ودان ەرٸ دامي بەرمەك. وسى جىلدىڭ قىركٷيەك ايىندا وقۋدىڭ سەتتٸ باستالۋىنا تٸلەكتەسپٸن», — دەدٸ فرانك-ۆالتەر شتاينمايەر.
ٶز سٶزٸندە قر پرەمەر-مينيسترٸ كٶپ جىلدار بويى قازاقستان مەن گەرمانييانى ٶزارا تيٸمدٸ ستراتەگييالىق سەرٸكتەستٸك بايلانىستىرىپ كەلە جاتقانىن, ونىڭ ماڭىزدى بٶلٸگٸ, جوعارى بٸلٸم مەن عىلىم سالاسى ەكەنٸن اتاپ ٶتتٸ. قازٸرگٸ ۋاقىتتا ەكٸ ەلدٸڭ ۋنيۆەرسيتەتتەرٸ اراسىندا 178 كەلٸسٸم جاسالىپ, وننان استام قوس ديپلومدىق باعدارلامالار جٷزەگە اسىرىلۋدا. وسىعان بايلانىستى قازاق-نەمٸس تۇراقتى ينجەنەرييا ينستيتۋتىن قۇرۋ دا ٶتە ٶزەكتٸ بولىپ وتىر.
«ينستيتۋت سۇرانىسقا يە كادرلاردى دايارلاۋعا, عىلىمي زەرتتەۋلەرگە جەنە جاڭا تەحنولوگييالاردى دامىتۋعا, سونىڭ ٸشٸندە «جاسىل» سۋتەگٸ ٶندٸرٸسٸ سالاسىنا ٶز ٷلەسٸن قوساتىن بولادى», — دەدٸ ەليحان سمايىلوۆ.
ول «جاسىل» ەكونوميكانى دامىتۋ تابيعي رەسۋرستاردى ساقتاۋعا جەنە تۇراقتى دامۋدى قامتاماسىز ەتۋگە باعىتتالعان ەلەمدەگٸ نەگٸزگٸ ترەندتەردٸڭ بٸرٸ ەكەنٸن ايتتى. اتاپ ايتقاندا, ساراپشىلاردىڭ پٸكٸرٸنشە, الداعى جىلدارى سۋتەگٸگە ەلەمدٸك سۇرانىس مەتالل ٶڭدەۋ, حيمييا ٶندٸرٸسٸ جەنە كٶلٸك تاسىمالى سيياقتى كٶپتەگەن سالالاردا ايتارلىقتاي ارتادى.
«بٸز ەلەمدٸك ٷردٸستەردەن قالىسپاي, «تازا» تەحنولوگييالاردى ەنگٸزۋگە ۇمتىلامىز. ماڭعىستاۋ وبلىسىنداعى «جاسىل» ەكونوميكا ٶڭٸردٸڭ مۇناي-گاز سالاسىنا تەۋەلدٸلٸگٸن ازايتىپ, جاڭا جۇمىس ورىندارىنىڭ اشىلۋىنا جەنە حالىقتىڭ ٶمٸر سٷرۋ ساپاسىن ارتتىرۋعا مٷمكٸندٸك بەرەدٸ. ينستيتۋت بۇعان ٶز ٷلەسٸن قوسىپ, ەلٸمٸزدٸڭ باتىسىنداعى عانا ەمەس, بٷكٸل ورتالىق ازيياداعى جەتەكشٸ بٸلٸم وردالارىنىڭ بٸرٸنە اينالادى دەپ سەنەمٸن», — دەپ اتاپ ٶتتٸ ەليحان سمايىلوۆ.
ٸس-شاراعا قر عىلىم جەنە جوعارى بٸلٸم مينيسترٸ ساياسات نۇربەك, ماڭعىستاۋ وبلىسىنىڭ ەكٸمٸ نۇرلان نوعاەۆ, قازاقستان-نەمٸس ۋنيۆەرسيتەتٸنٸڭ پرەزيدەنتٸ ۆولراد روممەل, ەسەنوۆ اتىنداعى ۋنيۆەرسيتەتتٸڭ پرەزيدەنتٸ بەرٸك احمەتوۆ قاتىستى.
