قر پرەمەر-مينيسترٸنٸڭ مٸندەتٸن اتقارۋشى ەليحان سمايىلوۆتىڭ تٶراعالىعىمەن ٶتكەن كەڭەستە قر پرەزيدەنتٸ قاسىم-جومارت كەمەلۇلى توقاەۆتىڭ وسى جىلدىڭ باسىنان بەرگەن تاپسىرمالارىن ٸسكە اسىرۋ بارىسى قارالدى, دەپ حابارلايدى "ۇلت اقپارات" primeminister.kz-كە سٸلتەمە جاساپ.
كەڭەسكە ورتالىق مەملەكەتتٸك جەنە جەرگٸلٸكتٸ اتقارۋشى ورگانداردىڭ, «اتامەكەن» ۇكپ, ۇلتتىق كومپانييالار مەن حولدينگتەردٸڭ باسشىلارى قاتىستى.
كەڭەستٸ باستاماس بۇرىن ەلدە ورىن العان تەرتٸپسٸزدٸكتٸڭ قۇرباندارىن ەسكە الۋ ٷشٸن بٸر مينۋتتٸك ٷنسٸزدٸك جارييالاندى.
ە. سمايىلوۆ بيىلعى جىل ٶتە كٷردەلٸ جەنە قايعىلى وقيعالارمەن باستالعانىن ايتتى. قازاقستان بۇرىن بولماعان دەسترۋكتيۆتٸ كٷشتەردٸڭ اگرەسسيياسىنا تاپ بولدى. ەڭ ٷلكەن مەگاپوليس الماتى مەن كٶپتەگەن وبلىس ورتالىقتارى تەرروريستەر مەن بانديتتەردٸڭ سوققىسىنا ۇشىرادى.
ە.سمايىلوۆ قازا تاپقانداردىڭ وتباسىلارىنا كٶڭٸل ايتىپ, «پرەزيدەنت قاسىم-جومارت كەمەلۇلى توقاەۆتىڭ ۋاقىتىلى جەنە باتىل ٸس-قيمىلدارىنىڭ ارقاسىندا بٸز تەرتٸپسٸزدٸكتٸڭ, زاڭسىزدىقتىڭ تارالۋىن توقتاتىپ, قۇقىق تەرتٸبٸن قالپىنا كەلتٸرە الدىق. ٶكٸنٸشكە وراي, ادامدار زارداپ شەگٸپ, جارالاندى, تٷرلٸ جاراقاتتار الدى. بٸز ولارعا تەزٸرەك ساۋىعىپ كەتۋلەرٸنە تٸلەكتەسپٸز. ەڭ ٶكٸنٸشتٸسٸ, ازاماتتارىمىزدىڭ اراسىندا قازا بولۋ جاعدايلارى ورىن الدى. تەرتٸپ پەن زاڭدىلىقتى قالپىنا كەلتٸرۋ نەتيجەسٸندە پوليتسييا مەن ەسكەري قىزمەتشٸلەر مەرت بولدى. بٸز ولاردىڭ قازاقستان رەسپۋبليكاسىنىڭ كونستيتۋتسييالىق قۇرىلىسىن ساقتاۋ جولىنداعى ەرلٸكتەرٸن ماقتان تۇتامىز», — دەدٸ.
قازٸرگٸ جاعداي جەنە قابىلدانىپ جاتقان شارالار تۋرالى ۇلتتىق ەكونوميكا مينيسترٸنٸڭ مٸندەتٸن اتقارۋشى تيمۋر جاقسىلىقوۆ, ٸشكٸ ٸستەر مينيسترٸنٸڭ مٸندەتٸن اتقارۋشى ەرلان تۇرعىمباەۆ, يندۋسترييا جەنە ينفراقۇرىلىمدىق دامۋ مينيسترٸنٸڭ مٸندەتٸن اتقارۋشى بەيبٸت اتامقۇلوۆ, ساۋدا جەنە ينتەگراتسييا مينيسترٸنٸڭ مٸندەتٸن اتقارۋشى باقىت سۇلتانوۆ, تٶتەنشە جاعدايلار مينيسترٸنٸڭ مٸندەتٸن اتقارۋشى يۋريي يلين, دەنساۋلىق ساقتاۋ مينيسترٸنٸڭ مٸندەتٸن اتقارۋشى جاندوس بٷركٸتباەۆ, ەنەرگەتيكا مينيسترٸنٸڭ بٸرٸنشٸ ورىنباسارى مۇرات جٷرەبەكوۆ, بەسەكەلەستٸكتٸ قورعاۋ جەنە دامىتۋ اگەنتتٸگٸنٸڭ تٶراعاسى سەرٸك جۇمانعارين بايانداما جاسادى.
مەملەكەت باسشىسىنىڭ تاپسىرمالارىن ٸسكە اسىرۋ اياسىندا قۇرامىنا ارنايى پروكۋرورلاردى, ۇقك, ٸٸم, سىبايلاس جەمقورلىققا قارسى ٸس-قيمىل جەنە قارجىلىق مونيتورينگ اگەنتتٸكتەرٸنٸڭ قىزمەتكەرلەرٸن قوسا وتىرىپ, ۆەدومستۆوارالىق جەدەل تەرگەۋ توبى قۇرىلدى.
باس پروكۋراتۋرا تەرروريزم اكتٸلەرٸن جاساۋ, جاپپاي تەرتٸپسٸزدٸكتەردٸ ۇيىمداستىرۋ جەنە ولارعا قاتىسۋ فاكتٸلەرٸ بويىنشا سوتقا دەيٸنگٸ تەرگەۋ امالدارىن باستادى.
كٷشتٸك قۇرىلىمداردىڭ جەكە قۇرامى قىزمەت اتقارۋدىڭ جەنە جوعارى جاۋىنگەرلٸك دايىندىقتىڭ ەرەكشە رەجيمٸنە اۋىستىرىلدى. ٷكٸمەتتٸڭ تٶتەنشە رەزەرۆٸنەن ٸشكٸ ٸستەر ورگاندارى مەن ۇلتتىق ۇلاننىڭ ارنايى بٶلٸمشەلەرٸن جاراقتاندىرۋعا قاجەتتٸ قاراجات بٶلٸندٸ.
جاپپاي تەرتٸپسٸزدٸك كەزٸندە كٷشتٸك قۇرىلىمداردىڭ قازا تاپقان قىزمەتكەرلەرٸنٸڭ وتباسىلارىنا ماتەريالدىق كٶمەك كٶرسەتۋ بويىنشا شارالار قابىلدانۋدا.
ازاماتتارعا زارداپ شەككەندەر مەن حابار-وشارسىز كەتكەندەر تۋرالى اقپارات بەرۋ ٷشٸن 1414 بٸرىڭعاي بايلانىس ورتالىعى بازاسىندا تٸكەلەي جەلٸ ۇيىمداستىرىلدى. تەرتٸپسٸزدٸكتەر سالدارىنان كەلتٸرٸلگەن زالالدى باعالاۋ جٶنٸندەگٸ ٶڭٸرلٸك كوميسسييالار قۇرىلدى. «اتامەكەن» ۇكپ كەسٸپكەرلەردەن تيٸستٸ اقپاراتتى جيناۋدى جٷزەگە اسىرۋدا.
الماتى قالاسىن قوسپاعاندا, ٶڭٸرلەردەگٸ بارلىق كوممۋنالدىق قىزمەتتەر مەن تٸرشٸلٸكتٸ قامتاماسىز ەتۋ وبەكتٸلەرٸ شتاتتىق رەجيمدە جۇمىس ٸستەۋدە. شۇعىل كٶمەك كٶرسەتەتٸن مەديتسينالىق ۇيىمدار جۇمىس ٸستەپ تۇرعان الماتى قالاسىن قوسپاعاندا, رەسپۋبليكا بويىنشا بارلىق دەنساۋلىق ساقتاۋ نىساندارى شتاتتىق رەجيمدە جۇمىس ٸستەپ تۇر.
ەكٸنشٸ دەڭگەيلٸ ٸرٸ بانكتەردٸڭ ۇيالى بايلانىستىڭ بولۋىمەن جۇمىس ٸستەيتٸن ونلاين-سەرۆيستەرٸنە قولجەتٸمدٸلٸك قالپىنا كەلتٸرٸلدٸ. POS-تەرمينالدار مەن بانكوماتتار جەلٸسٸنٸڭ جۇمىسى قامتاماسىز ەتٸلدٸ. قازاقستان قور بيرجاسىنىڭ, ۇلتتىق بانكتٸڭ قازاقستاندىق بانكارالىق ەسەپ ايىرىسۋ ورتالىعىنىڭ ساۋدا جٷيەلەرٸنٸڭ جەنە ەلدٸڭ قارجى جٷيەسٸنٸڭ باسقا دا ينفراقۇرىلىمىنىڭ شتاتتىق رەجيمدە جۇمىس ٸستەۋٸ قامتاماسىز ەتٸلدٸ.
ەلٸمٸزدەگٸ ديپلوماتييالىق ميسسييالاردىڭ نىساندارىن كٷزەتۋ كٷشەيتٸلدٸ. شەت مەملەكەتتەرمەن جەنە حالىقارالىق ۇيىمدارمەن تۇراقتى بايلانىس قامتاماسىز ەتٸلگەن.
قر پرەمەر-مينيسترٸنٸڭ م.ا. ە. سمايىلوۆ مەملەكەت باسشىسى قويعان مٸندەتتەردٸ ساپالى ەرٸ جەدەل ٸسكە اسىرۋدى قامتاماسىز ەتۋدٸ تاپسىردى.
ە. سمايىلوۆ سونداي-اق ەلەۋمەتتٸك ماڭىزى بار ازىق-تٷلٸك تاۋارلارىنىڭ باعاسىنىڭ تۇراقتىلىعىن قامتاماسىز ەتۋ, «قازاقستان حالقىنا» قوعامدىق قورىن قۇرۋ مەسەلەلەرٸن پىسىقتاۋ, حالىقتىڭ ەلەۋمەتتٸك وسال توپتارى ٷشٸن قايتالاما تۇرعىن ٷيدٸ جالداۋ اقىسىنىڭ بٸر بٶلٸگٸن سۋبسيدييالاۋ تەرتٸبٸ مەن تەتٸگٸن ەزٸرلەۋ جٶنٸندە تاپسىرما بەردٸ.
«ازاماتتاردىڭ بارلىق سىندارلى ٶتٸنٸشتەرٸن مۇقييات زەردەلەپ, ولار بويىنشا قاجەتتٸ شەشٸمدەر ەزٸرلەۋ كەرەك. بارلىق ورتالىق جەنە جەرگٸلٸكتٸ اتقارۋشى ورگاندار, «اتامەكەن« ۇكپ ەكٸ اپتا مەرزٸمدە حالىق كٶتەرگەن مەسەلەلەردٸ شەشۋ بويىنشا ۇسىنىستاردى ۇلتتىق ەكونوميكا مينيسترلٸگٸنە جٸبەرۋٸ تيٸس», — دەدٸ ە. سمايىلوۆ.
