جوعارى اۋديتورلىق پالاتاسىنىڭ (جاپ) تٶراعاسى ەليحان سمايىلوۆ "قازاقستان تەمٸر جولى" ۇلتتىق كومپانيياسىنىڭ دەفولتقا ۇشىراۋى مٷمكٸن ەكەنٸن مەلٸمدەدٸ, دەپ حابارلايدى "ۇلت اقپارات" Tengrinews.kz-كە سٸلتەمە جاساپ.
سمايىلوۆ بٷگٸن مەجٸلٸستە سٶز سٶيلەدٸ: جاپ قازاقستاندا كٶلٸك قۇرالدارىن دامىتۋعا اقشا قالاي جۇمسالىپ جاتقانىن تەكسەردٸ. قتج جۇمىسىنا توقتالعان پالاتا تٶراعاسى كومپانييا ٶز مٸندەتتەمەلەرٸن تٶلەي المايتىنىن ايتتى.
"بٷگٸندە قتج ٶز مٸندەتتەمەلەرٸن تولىق تٶلەۋگە قابٸلەتٸ جوق جەنە كرەديتتٸك تەۋەكەلدٸڭ "قىزىل" ايماعىندا تۇر. ونىڭ 2024 جىلدىڭ باسىنداعى قارىزى 2,9 تريلليون تەڭگە بولعان جەنە ٶسٸپ جاتىر. جالپى قارىزدىڭ 45 پايىزى نەمەسە 1,3 تريلليون تەڭگەسٸ بۇرىن قابىلدانعان بورىشتىق مٸندەتتەمەلەردٸ قايتا قارجىلاندىرۋعا باعىتتالعان", - دەدٸ ەليحان سمايىلوۆ.
ول قارجىلىق جەنە تەحنيكالىق جاعدايىن جاقسارتۋدىڭ ناقتى مەرزٸمدەرٸن بەلگٸلەي وتىرىپ, قتج كومپانييالار توبىنىڭ شىعىندارىن وڭتايلاندىرۋ قاجەت ەكەنٸن مەلٸمدەدٸ.
"قارجىلىق جەنە تەحنيكالىق جاي-كٷيدٸ ساۋىقتىرۋدىڭ ناقتى مەرزٸمدەرٸن ايقىنداپ, قتج كومپانييالار توبىنىڭ شىعىندارىن وڭتايلاندىرۋ قاجەت. بۇل رەتتە "سامۇرىق-قازىنا" اق-نىڭ قازٸرگٸ كورپوراتيۆتٸك باسقارۋ ەدٸستەرٸ مەن دامۋ ستراتەگيياسى ەلٸمٸزدٸڭ ۇلتتىق تەمٸرجول كومپانيياسىنىڭ داعدارىسىن بولدىرماۋعا قابٸلەتسٸز. اكتيۆتەردٸڭ جاي-كٷيٸنٸڭ ناشارلاۋى, بورىشتاردىڭ ٶسۋٸ جەنە ولاردى ۋاقىتىلى قايتارۋ مٷمكٸندٸگٸنٸڭ بولماۋى باسقارۋداعى تٷبەگەيلٸ ٶزگەرٸستەرسٸز قتج-نى دەفولتقا ۇشىراتادى", - دەدٸ ەليحان سمايىلوۆ.
