فوتو: facebook.com/cpcpipe
پرەمەر-مينيستر ەليحان سمايىلوۆ قازاقستان مۇنايىن كاسپيي قۇبىر كونسورتسيۋمى (كقك) ارقىلى جٶنەلتۋگە قاتىستى جاعداي تۋرالى ايتتى, - دەپ حابارلايدى Tengrinews.kz.
"5 شٸلدەدە نوۆوروسسييسكتەگٸ پريمورسك اۋداندىق سوتى كقك جۇمىسىنا بٸر ايعا شەكتەۋ قويدى. 6 شٸلدەدە بٸز رەسەيلٸك ەرٸپتەسٸمٸز – ٷكٸمەت تٶراعاسىمەن بايلانىسىپ, سول كٷنٸ بۇل مەسەلەنٸ شەشتٸك. كقك قۇبىرىنىڭ جۇمىسى شتاتتىق رەجيمدە جٷرٸپ جاتىر. مۇناي ەكسپورتىنا ەشقانداي شەكتەۋ جوق", - دەدٸ ٷكٸمەت باسشىسى Qazaqstan تەلەارناسىنداعى "جاڭا قازاقستان" باعدارلاماسىندا.
ەسكە سالايىق, بۇعان دەيٸن نوۆوروسسييسك قالاسىنداعى اۋداندىق سوت كاسپيي قۇبىر كونسورتسيۋمىنىڭ قىزمەتٸن 30 كٷنگە توقتاتۋ تۋرالى شەشٸم قابىلداعان بولاتىن. كەيٸن رەسەي سوتى كقك جۇمىسىن توقتاتۋ تۋرالى شەشٸمدٸ 200 مىڭ رۋبل ايىپپۇل تٶلەۋگە ٶزگەرتتٸ.
