پرەمەر-مينيستردٸڭ بٸرٸنشٸ ورىنباسارى – قارجى مينيسترٸ ەليحان سمايىلوۆ قازاقستان ەكونوميكاسىنا كوروناۆيرۋس سالدارىنىڭ تەرٸس ەسەرٸنە قاتىستى پٸكٸر بٸلدٸردٸ, دەپ حابارلايدى "ۇلت اقپارات".
«قازٸرگٸ كەزدە كوروناۆيرۋس قازاقستانعا زالالىن تيگٸزبەس ٷشٸن تيٸستٸ شارالاردى قابىلداپ جاتىرمىز. ەگەر دە بٸزدٸڭ قادامدار تابىستى بولسا, سونداي-اق وسى پروبلەمالاردان قۇتىلساق, وندا ەكونوميكاعا سالماق تٷسپەيدٸ. دەگەنمەن دە كٶرشٸ ەلدەرمەن اراداعى قارىم-قاتىناستار تۇرعىسىندا راديكالدى شارالاردى قابىلداۋعا مەجبٷر بولساق (قىتايمەن قاتىناستار بويىنشا), بۇل قادامداردىڭ بەلگٸلٸ بٸر دەڭگەيدە ەسەرٸ بايقالۋى ىقتيمال», - دەدٸ سمايىلوۆ پارلامەنت مەجٸلٸسٸندە تٸلشٸلەر ساۋالىنا جاۋاپ بەرە وتىرىپ.
سونىمەن قاتار ول ۆيرۋسقا بايلانىستى تۋريزم سالاسىندا تيٸستٸ دەڭگەيدە شەكتەۋلەر ورىن العانىن ەسكە سالدى.
«بەلگٸلٸ بٸر دەرەجەدە تۋريستٸك ساپارلار شەكتەلگەن, وسى ورايدا اتالعان ەلگە ساپارعا بارۋدان ۋاقىتشا باس تارتۋعا كەڭەس بەردٸك. مەنٸڭ ويىمشا, بۇل ۆيرۋستى جۇقتىرىپ الۋ قاۋپٸنەن ساق بولۋ ٷشٸن بٸزدٸڭ ازاماتتار وسى كەڭەسٸمٸزگە نازار اۋداراتىن بولادى. قىتايداعى تۋريزمنەن تارتىلعان تابىس وسى ەلدٸڭ ەكونوميكاسىنا تٷسەدٸ. ەگەر بٸزدٸڭ ازامات وندا بارماسا, اقشا ەلٸمٸزدە قالادى. كەرٸسٸنشە, بۇل ٷردٸس قازاقستان ٷشٸن جاقسى», - دەدٸ ول.
بۇدان بۇرىن حابارلانعانداي, بٷگٸن مەجٸلٸستە ە. سمايىلوۆ ەل اۋماعىندا كوروناۆيرۋستىڭ تارالۋىنا جول بەرمەۋگە بٶلٸنگەن قارجى تۋرالى ايتىپ بەردٸ.
