فوتو: primeminister.kz
اباي وبلىسىندا جۇمىس ساپارىمەن بولعان قر پرەمەر-مينيسترٸ ەليحان سمايىلوۆ ابايدىڭ «جيدەباي-بٶرٸلٸ» مەملەكەتتٸك تاريحي-مەدەني جەنە ەدەبي-مەموريالدىق مۇراجاي-قورىعىنىڭ ەكسپوزيتسيياسىمەن تانىسىپ, ٶڭٸردٸڭ شىعارماشىل زييالى قاۋىم ٶكٸلدەرٸمەن كەزدەسۋ ٶتكٸزدٸ. سونداي-اق پرەمەر-مينيستر ساپار بارىسىندا بٸرقاتار ٸرگەلٸ مەديتسينالىق ورتالىقتاردى ارالادى, دەپ حابارلايدى "ۇلت اقپارات" primeminister.kz سايتىنا سٸلتەمە جاساپ.
ٷكٸمەت باسشىسى «جيدەباي-بٶرٸلٸ» اۋماعىندا «ۇلى اقىن اباي ۇلدارىمەن» ەسكەرتكٸشٸنە گٷل شوقتارىن قويىپ, سودان كەيٸن مۇراجاي-قورىقتىڭ ەكسپوزيتسيياسىمەن تانىستى.
جيدەباي قونىسى – اباي ەسٸمٸمەن بايلانىستى قاسيەتتٸ ورىنداردىڭ بٸرٸ. ۇلى ويشىلدىڭ ٶمٸرٸنٸڭ سوڭعى 10 جىلى وسىندا ٶتكەن, ول مۇندا 76 ليريكالىق ٶلەڭ, 45 «قارا سٶزدٸڭ» 27-سٸن جازعان, م. لەرمونتوۆ پەن ي. كرىلوۆتىڭ ەدەبي شىعارمالارىن اۋدارعان. ٶز كەزەگٸندە بٶرٸلٸ – ۇلى جازۋشى ەرٸ عالىم مۇحتار ەۋەزوۆتٸڭ بالالىق جەنە جاستىق شاعىنىڭ التىن بەسٸگٸ. قازٸرگٸ ۋاقىتتا «جيدەباي-بٶرٸلٸ» مۇراجاي-قورىعىنىڭ قورىندا شامامەن 21 600 جەدٸگەر بار, ال عىلىمي كٸتاپحانادا 14 500-دەن استام كٸتاپ ساقتالعان.
پرەمەر-مينيستردٸڭ وبلىس زييالىلارىمەن كەزدەسۋٸ بارىسىندا جاڭا بٸلٸم بەرۋ مەكەمەلەرٸن سالۋ جەنە جۇمىس ٸستەپ تۇرعان بٸلٸم وشاقتارىن دامىتۋ, مەدەنيەت جەنە ٶنەر سالاسىنداعى جوبالاردى جٷزەگە اسىرۋ, شەكەرٸم قۇدايبەردٸۇلىنىڭ 165 جىلدىعىنا وراي ٸس-شارالار ٶتكٸزۋ مەسەلەلەرٸ تالقىلاندى.
سۇراقتاردىڭ بٸرٸنە جاۋاپ بەرگەن ەليحان سمايىلوۆ اباي وبلىسىندا 300-گە جۋىق مەدەنيەت جەنە ٶنەر وشاعى بار ەكەنٸن, وندا 2 مىڭنان استام ادام جۇمىس ٸستەيتٸن اتاپ ٶتتٸ. بۇعان مۇراجايلار, مۇراعاتتار, كٸتاپحانالار, فيلارمونييالار, مەدەنيەت ٷيلەرٸ جەنە ت. ب. كٸرەدٸ.
«ٷكٸمەت مەدەنيەتتٸ دامىتۋعا ٷلەس قوسىپ جٷرگەن قىزمەتكەرلەردٸڭ ەلەۋمەتتٸك جاعدايىن جاقسارتۋ جٶنٸندە شارالار قابىلداۋدا. ٶتكەن جىلدان باستاپ رەسپۋبليكادا مەدەنيەت قىزمەتكەرلەرٸنٸڭ جالاقىسىن كەزەڭ-كەزەڭٸمەن كٶتەرۋ باستالدى. 2025 جىلعا قاراي جالاقى ەكٸ ەسەگە ارتۋى تيٸس», — دەدٸ ول.
سونىمەن قاتار پرەمەر-مينيستر الداعى ۋاقىتتا مەكتەپتەر سالۋدى جالعاستىرۋ, ستۋدەنتتەرگە ارنالعان بٸلٸم بەرۋ گرانتتارىنىڭ سانىن ارتتىرۋ, وبلىستىڭ جوعارى وقۋ ورىندارىن دامىتۋ جەنە ولاردا جاڭا جاتاقحانالار اشۋ جوسپارلارىن بەلگٸلەدٸ. ول بۇل قادامدار ٶڭٸردٸڭ مەدەني ەلەۋەتٸن كٶتەرۋگە ەلەۋلٸ ٷلەس قوساتىنىن اتاپ ٶتتٸ.
پرەمەر-مينيستر جۇمىس ساپارى اياسىندا وبلىس تۇرعىندارىنا مامانداندىرىلعان ونكولوگييالىق كٶمەك كٶرسەتەتٸن يادرولىق مەديتسينا جەنە ونكولوگييا ورتالىعىنىڭ جۇمىسىمەن تانىستى. مەديتسينالىق مەكەمەدە ەرتٷرلٸ بەيٸندەگٸ تەۋلٸك بويى جۇمىس ٸستەيتٸن ستاتسيوناردىڭ 165 تٶسەك-ورنى ورنالاستىرىلعان, مۇندا سەۋلەلٸك, كلينيكالىق جەنە راديونۋكليدتٸك دياگنوستيكا بٶلٸمشەلەرٸ, ەندوسكوپييا بٶلٸمشەسٸ جەنە ت. ب. جۇمىس ٸستەيدٸ.
«ەلٸمٸزدەگٸ جالعىز راديونۋكليدتٸ تەراپييا بٶلٸم وسى ورتالىقتا ورنالاسقان. اۋرۋلاردى دياگنوستيكالاۋدىڭ ماتەريالدىق-تەحنيكالىق بازاسى جاقساردى. ونىڭ ٸشٸندە قاتەرلٸ ٸسٸك اۋرۋىن ەرتە انىقتاۋ مەن جەدەل حيرۋرگييالىق ەمدەۋ دە بار. ورتالىققا جوعارى بٸلٸكتٸ قىزمەت كٶرسەتەتٸن زاماناۋي حيرۋرگييالىق كورپۋس قاجەت. دەنساۋلىق ساقتاۋ مينيسترلٸگٸ وسى مەسەلەنٸ پىسىقتاۋى تيٸس», — دەدٸ ەليحان سمايىلوۆ.
سونىمەن قاتار ٷكٸمەت باسشىسى وبلىستى دامىتۋدىڭ كەشەندٸ جوسپارىندا 400 ورىندىق كٶپبەيٸندٸ اۋرۋحانا, 300 ورىندىق بالالار اۋرۋحاناسى, وبلىستىق قان ورتالىعى مەن سەمەي قالاسىندا ەكٸ ەمحانا, سونداي-اق ٶڭٸردٸڭ اۋىلدىق جەرلەرٸندە 65 جاڭا العاشقى مەديتسينالىق-سانيتارلىق كٶمەك كٶرسەتۋ نىسانىن سالۋ كٶزدەلٸپ وتىرعانىن ايتتى.
بۇدان كەيٸن ٷكٸمەت باسشىسى بيۋدجەت ەسەبٸنەن سالىنىپ, جىل باسىندا پايدالانۋعا بەرٸلگەن 150 ورىندىق مٷگەدەكتەرگە ارنالعان وبلىستىق جاڭا ابيليتاتسييا جەنە وڭالتۋ ورتالىعىندا بولدى. وندا بٸرنەشە جٷزۋ باسسەينٸ, زاماناۋي سپورت زالى, ەمدٸك ۆاننا, ەڭبەك تەراپييا كابينەتتەرٸ, ارنايى مامانداندىرىلعان سىنىپتار, كٸتاپحانا, دەمالىس بٶلمەلەرٸ جەنە ت. ب. بار.
ورتالىقتا بالالار مەن ەرەسەكتەرگە جارتىلاي ستاتسيونارلىق جاعدايدا كەشەندٸ مەديتسينالىق-ەلەۋمەتتٸك, پسيحولوگييالىق-پەداگوگيكالىق وڭالتۋ جٷرگٸزٸلەدٸ. سىرتتان ەم الۋعا كەلگەندەرگە 1 ايدان 6 ايعا دەيٸن ۋاقىتشا تۇرۋ مٷمكٸندٸگٸ بار.
ەليحان سمايىلوۆ مەملەكەت باسشىسىنىڭ تاپسىرماسىمەن 2025 جىلعا قاراي ەلٸمٸزدٸڭ 12 وبلىسىندا ەرقايسىسى 150 ورىندىق جاڭا وڭالتۋ ورتالىقتارىن سالۋ جوسپارلانعانىن اتاپ ٶتتٸ. بۇل وڭالتۋ كەزەڭٸندە مٷگەدەك ازاماتتاردىڭ ورتالىقتا تەۋلٸك بويى قالۋىنا مٷمكٸندٸك بەرەدٸ.
«بۇل ورتالىقتاردىڭ اشىلۋى ارقىلى وبلىس تۇرعىندارىنا, ونىڭ ٸشٸندە شالعاي ەلدٸ مەكەندەردەگٸ حالىققا ارنايى مامانداندىرىلعان ەلەۋمەتتٸك قىزمەتتەر قولجەتٸمدٸ بولماق», — دەدٸ ول.
