2022 جىلى دەنساۋلىق ساقتاۋ سالاسىنا بٶلٸنەتٸن قاراجات 50 پايىزعا ارتادى. بۇل تۋرالى قر پرەمەر-مينيسترٸنٸڭ بٸرٸنشٸ ورىنباسارى ەليحان سمايىلوۆ ايتتى, دەپ حابارلايدى قازاقپارات.
سەناتتىڭ جالپى وتىرىسىندا دەپۋتات سۇلتانبەك مەكەجانوۆ مٸندەتتٸ ەلەۋمەتتٸك مەديتسينالىق ساقتاندىرۋ جٷيەسٸن ەنگٸزۋ حالىق ٷشٸن بازالىق مەديتسينالىق قىزمەتتەردٸڭ قولجەتٸمدٸلٸگٸن كەزەڭ-كەزەڭٸمەن ارتتىرۋعا مٷمكٸندٸك بەرگەندٸگٸن ايتتى.
ونىڭ ايتۋىنشا, قارالىپ وتىرعان «2022-2024 جىلدارعا ارنالعان رەسپۋبليكالىق بيۋدجەت تۋرالى» زاڭ جوباسىندا وسى سالاعا ارنالعان 3 جىلدىق بيۋدجەت 537 ملرد 888 ملن تەڭگەگە ازايتىلعان. سونىمەن قاتار سەناتور 3 جىلدىق بيۋدجەتتە مەديتسينالىق كٶمەكتٸڭ كەپٸلدٸك بەرٸلگەن كٶلەمٸنە ارنالعان شىعىستار سوماسى دا ازايتىلىپ قاراستىرىلعانىن جەتكٸزدٸ. مىسالى ول شىعىستار 2021 جىلى – 1 ملرد 333 ملن تەڭگە بولسا, 2022 جىلى – 1 ملرد 211 ملن تەڭگە.
«وسىعان وراي سالانى قارجىلاندىرۋدىڭ تٶمەندەۋٸ, حالىقتىڭ جەڭٸلدٸك ساناتى بار ادامدار بٶلٸگٸنە قالاي ەسەر ەتەدٸ? مەملەكەت باسشىسىنىڭ مەديتسينا قىزمەتكەرلەرٸنٸڭ جالاقىسىن كەزەڭ-كەزەڭٸمەن ارتتىرۋ جٶنٸندەگٸ تاپسىرماسى قالاي ٸسكە اسىرىلادى?», - دەپ سۇرادى ول ٷكٸمەت باسشىسىنىڭ بٸرٸنشٸ ورىنباسارى ەليحان سمايىلوۆتان.
سۇراققا جاۋاپ بەرگەن بٸرٸنشٸ ۆيتسە-پرەمەر دەنساۋلىق ساقتاۋ جٷيەسٸن قارجىلاندىرۋ ٶتە ماڭىزدى مەسەلە ەكەندٸگٸن اتاپ ٶتتٸ.
«پاندەمييانىڭ الدىندا, 2019 جىلى دەنساۋلىق ساقتاۋ سالاسىنا 1,2 ترلن تەڭگە بٶلٸنسە, كەلەسٸ جىلى بۇل سالاعا 1,8 ترلن تەڭگە بٶلٸنەدٸ. ياعني, 2 جىلدىڭ ٸشٸندە دەنساۋلىق ساقتاۋ سالاسىنا بٶلٸنەتٸن قارجى 50 پايىزعا ٶسٸپ وتىر. بۇل ٶسٸم وسى سالاداعى مەملەكەتتٸڭ بارلىق مٸندەتتەمەلەرٸن تولىق ورىنداۋعا مٷمكٸندٸك بەرەدٸ. ونىڭ ٸشٸندە مەديتسينا قىزمەتكەرلەرٸنٸڭ جالاقىسىن 2,5 ەسەگە كٶتەرۋ, مەديتسينا سالاسىندا جاڭا نىساندار سالۋ, باستالعاندارىن اياقتاۋ, مەديتسينالىق-سانيتارلىق العاشقى كٶمەك پەن مٸندەتتٸ ەلەۋمەتتٸك مەديتسينالىق ساقتاندىرۋ جٷيەسٸن قارجىلاندىرۋ, سانيتارلىق-ەپيدەميولوگييالىق ٸس-شارالاردى ٸسكە اسىرۋعا مٷمكٸندٸك بەرەدٸ. سونىمەن بٸرگە مەملەكەتتٸڭ ەلەۋمەتتٸك سالاداعى مٸندەتتەمەلەرٸن كٷرت ٶسٸرۋگە جول بەرمەۋ كەرەك دەپ ويلايمىز. سوندىقتان 3 جىلدىق بيۋدجەت جوسپارلانعان كەزدە حالىقتىڭ 15 ساناتى بويىنشا ەلەۋمەتتٸك مەديتسينالىق ساقتاندىرۋ قورىنا بٶلٸنەتٸن قاراجاتى ەسەپتەگەندە حالىقتىڭ مەديان جالاقىسىن ەسەپكە الدىق. بۇل كٶرسەتكٸش حالىقتىڭ ناقتى ورتاشا تابىسى كٶرسەتەدٸ», - دەدٸ ەليحان سمايىلوۆ.
