سلوۆەنييادا الاپات ٶرتتٸڭ تارالۋ ايماعىندا بولعان ٷش اۋىلدىڭ حالقى ەۆاكۋاتسييالاندى. ەل بيلٸگٸ ونى تەۋەلسٸز رەسپۋبليكا بولعان 30 جىلدان استام ۋاقىت ٸشٸندە بولعان ەڭ ٸرٸ ٶرت ەكەنٸن ايتتى, دەپ حابارلايدى قازاقپارات Euronews-كە سٸلتەمە جاساپ.
جالىن 2 مىڭ گەكتاردان استام اۋماقتى شارپىدى. جوعارى تەمپەراتۋرا سالدارىنان بٸرٸنشٸ دٷنيەجٷزٸلٸك سوعىس كەزٸندەگٸ شايقاستاردان بەرٸ جەردە جاتقان وق-دەرٸلەر جارىلعان. سلوۆەنييالىق ٶرت سٶندٸرۋشٸلەرگە تۇرعىندار بەلسەندٸ تٷردە كٶمەكتەسۋدە.
فرانتسييادا سوڭعى كٷندەرٸ اۋا تەمپەراتۋراسى بٸرشاما تٶمەندەدٸ. بۇل ٶرت سٶندٸرۋشٸلەرگە جيروندتا جالىننىڭ تارالۋىن باقىلاۋعا كٶمەكتەستٸ. بۇل ايماقتا ٶرت 20 مىڭ گەكتاردان استام ورماندى جويىپ, 36 مىڭ ادامدى ەۆاكۋاتسييالاۋعا مەجبٷر ەتتٸ. بٸراق سينوپتيكتەر دەمالىس كٷندەرٸ ەلدٸڭ باتىسىندا تاعى دا ىستىق بولاتىنىن ەسكەرتەدٸ.
يسپانييادا ەلدٸڭ سولتٷستٸگٸ مەن باتىسىنداعى ورمان ٶرتتەرٸن باقىلاۋ الۋ ەلٸ دە مٷمكٸن بولماي جاتىر. تاعى توعىز ٸرٸ وشاق بار. ۆيگو پروۆينتسيياسىندا ەسكەري قىزمەتكەرلەر ٶرت سٶندٸرۋشٸلەرگە كٶمەككە كەلدٸ. كٷشتٸ جەل مەن اپتاپ ىستىق ٶرتتٸ ٶشٸرۋگە ەلٸ دە كەدەرگٸ كەلتٸرٸپ جاتىر. بٷكٸل كورولدٸك اۋماعىندا ٶرت قاۋپٸنٸڭ دەڭگەيٸ ٶتە جوعارى.
