قازاقستاندىق جاس ەنشٸ, «سلاۆيان بازارى» حالىقارالىق بايقاۋىنىڭ گران-پري يەگەرٸ رۋحييا بايدٷكەن جەڭٸستەن كەيٸنگٸ ٶز ەسەرٸمەن بٶلٸستٸ, دەپ حابارلايدى قازاقپارات.
«سلاۆيان بازارى» بايقاۋىن بالا كٷنٸمنەن جٸبەرمەي قاراپ كەلەمٸن. جىل سايىن اسىعا كٷتەمٸن. اناما وسى بايقاۋعا بارىپ قاتىسىپ, جەڭٸسپەن كەلەمٸن دەپ ٷنەمٸ ايتاتىنمىن. جەنە بالا كٷنٸمدە وسى سايىسقا قازاقستاننىڭ اتىنان قاتىساتىن العاشقى قىز بالا بولامىن دەيتٸنمٸن. بايقاۋعا باراتىنىم بەلگٸلٸ بولعان سوڭ 3 اي بويى ٷزدٸكسٸز دايىندالدىم. تٸپتٸ وسى بايقاۋعا قاتىسۋىم ٷشٸن 23 كەلٸگە ارىقتادىم. جالپى ٶزٸم بالا كٷنٸمنەن الدىما ماقسات قويىپ, سوعان جەتٸپ كەلەمٸن», - دەدٸ ر. بايدٷكەن ZOOM الاڭىندا ٶتكەن باسپاسٶز مەسليحاتىندا.
سونداي-اق, جاس ەنشٸ الداعى ۋاقىتتا دا وتاندىق جەنە شەتەلدٸك مۋزىكالىق جوبالارعا قاتىسقىسى كەلەتٸنٸن ايتتى.
«بايقاۋعا جالعىز ٶزٸم باردىم. الدىمەن بەلارۋس استاناسى مينسكٸدە پرەزيدەنت وركەسترٸمەن دايىندىق ٶتكٸزدٸك, سوسىن ۆيتەبسكٸگە باردىق. بايقاۋ ەكٸ كٷنگە سوزىلدى, جەڭٸسكە جەتەتٸنٸمە العاشىندا كٷمەنداندىم, سەبەبٸ قارسىلاستارىم مىقتى بولدى. دەگەنمەن بارىنشا ٶزٸمە سەنٸمدٸلٸك تانىتتىم», - دەيدٸ ول.
ايتا كەتەيٸك, 14 مەملەكەتتەن كەلگەن قاتىسۋشى سلاۆيان ەلٸنەن شىققان كومپوزيتوردىڭ تۋىندىسىن سلاۆيان توبىنا جاتاتىن تٸلدٸڭ بٸرٸندە وركەستردٸڭ سٷيەمەلدەۋٸمەن ورىندادى. بايقاۋ نەتيجەسٸندە جەرلەسٸمٸز گران-پري يەگەرٸ اتانىپ, «التىن ليرا» مٷسٸنشەسٸمەن بٸرگە 20 مىڭ اقش دوللارىنا يە بولدى.
