بٷگٸن لوندونداعى 20 مىڭدىق O2 ارەناسىندا WBA (Super), IBO, WBC جەنە IBF تۇجىرىمى بويىنشا ورتا سالماقتاعى ەلەم چەمپيونى, قازاقستاندىق گەنناديي گولوۆكين بريتاندىق كەلل برۋكتى بەسٸنشٸ راۋندتا تەحنيكالىق نوكاۋتپەن ۇتىپ, ٶز اتاعىن قورعاپ قالعان بولاتىن. وسى جەكپە-جەكتٸ جٷرگٸزگەن Sky Sports-تىڭ كوممەنتاتورى: «5 جىلدىق كارەرامدا لوندوندا مۇنداي كەسٸبي بوكس جەكپە-جەگٸن كٶرگەم جوق» دەپ ايتىپتى. بۇل تۋرالى جۋرناليست عالىم بوقاش ٶزٸنٸڭ فەيسبۋكتەگٸ پاراقشاسىندا جازدى.
«Sky Sports-تىڭ كوممەنتاتورى: «5 جىلدىق كارەرامدا لوندوندا مۇنداي كەسٸبي بوكس جەكپە-جەگٸن كٶرگەم جوق» دەپ سالدى. بۇعان دەيٸن جەڭٸلٸپ كٶرمەگەن كەلل برۋكتٸ بارلىق ۇلىبريتانييالىق كوممەنتاتورلار مەن ساراپشىلار العاشقى راۋندتاردا قارسى شابۋىل جاساپ, ەيگٸلٸ قارسىلاسىنا بٸرنەشە سوققى دارىتقانى ٷشٸن كٶتەرمەلەي سٶيلەپ جاتتى. بٸراق قازاقستاندىق پانچەردٸڭ تەڭدەسسٸز ەكەنٸن, ەشقاشان شەگٸنبەيتٸنٸن, اناۋ-مىناۋ سوققىعا باسىنىڭ قوزعالمايتىنىن, ديستانتسييانى جاقسى ۇستايتىنىن, ەسەپپەن ٶلشەپ جويقىن ۇراتىنىن ٷنەمٸ اۋديتورييانىڭ ەسٸنە سالۋمەن بولدى. ترانسلياتسييانىڭ سوڭىنا قاراي ساراپشىلار برۋك نوكاۋتقا كەتپەۋٸ ٷشٸن عانا باپكەرلەرٸ جەكپە-جەكتٸ ەرتە ٷزٸپ تاستاۋعا مەجبٷر بولعانىن مويىندادى:) Sky Sports - شوۋ ۇيىمداستىرۋدىڭ شەبەرٸ. ارتىق داڭعازا جوق. جٷرگٸزۋشٸلەر مٸنسٸز, تانىستىرۋ, رينگتەگٸ قيمىل-قوزعالىس, جارىق تٷسٸرۋ, ەفير رەجيسسۋراسى ٶتە ساۋاتتى تٷردە سەكۋندىنا دەيٸن ەسەپتەلگەن. ونىسىنا راقمەت», – دەپ جازادى عالىم بوقاش.
ايتا كەتەيٸك, گولوۆكين وسىمەن ٶزٸنٸڭ 36-شى كەزەسۋٸندە جەڭٸسكە جەتٸپ وتىر. ەرلەسٸمٸز وسى جەڭٸسٸ ٷشٸن 3 ميلليون فۋنت ستەرلينگ (4 ميلليون دوللار) گونورار الدى. سول سەكٸلدٸ برۋكتە دەل وسىنداي تابىسقا كەنەلەدٸ. بۇل رەكوردتىق سوما. بۇعان دەيٸن گولوۆكين ەڭ كٶپ تابىسىن دومينيك ۋەيد پەن داۆيد لەمەگە قارسى ٶتكٸزگەن جەكپە-جەكتەرٸندە العان. ول كەزدە گونورار كٶلەمٸ – 2 ميلليون دوللار بولعان ەدٸ.
جۋرناليست سونىمەن قاتار وسى كەزدەسۋگە قاتىستى ٶزٸنٸڭ جەكە پكٸرٸن بٸلدٸرٸپ, گەنناديي گولوۆكين ەلەم دەڭگەيٸندەگٸ كەسٸپقوي بوكستىڭ فەنومەنٸ ەكەنٸن تاعى دەلەلدەدٸ دەپ وتىر.
«ورتا سالماقتاعى IBF, IBO جەنە WBC چەمپيوندىعىن قورعاپ قالۋ بويىنشا ٶتكەن جەكپە-جەككە قاتىستى جەكە پٸكٸر ايتار بولسام, گەنناديي بەس-اق راۋندقا سوزىلعان بەسەكەنٸڭ باسىندا اۋىر قوزعالعانداي, دەنەسٸ اشىق قالعانداي كٶرٸندٸ. ٷشٸنشٸ راۋندتا اپپەركوت جٸبەرٸپ العاندا مازاسىزدانا باستادىم. بٸراق قايتالاۋدان كٶرگەندە كەلل برۋكتٸڭ سوققىسى تازا شىقپاعانىن, سول سەبەپتٸ گەننادييدٸ ەسەڭگٸرەتە الماعانىن بايقادىم. مەنٸڭشە, الدىڭعى قارسىلاستارىمەن سالىستىرعاندا برۋك گولوۆكينگە بٸرنەشە ٶتٸمدٸ سوققى جاساي الدى. بٸراق قۋاتى از سوققىلار ما دەيمٸن. گەنناديي جەكپە-جەكتٸڭ سوڭىندا بەرگەن سۇحباتىندا «سەزگەن دە جوقپىن» دەپ جاۋاپ بەردٸ. راسىندا دا سولاي سيياقتى. بەسٸنشٸ راۋندتا گولوۆكين دجەب پەن كروستى قويىپ, حۋك پەن سۆينگكە كٶشتٸ. سىرت كٶزگە قيمىلى باياۋ كٶرٸنۋٸ مٷمكٸن, بٸراق گەنناديي تەمٸر ماشينا سيياقتى بوكسشى. كٶز الدىڭىزعا اقىرىن عانا اينالىپ تۇرعان الىپ بولات كولەنۆالدى ەلەستەتٸڭٸزشٸ. الدىنا قويعان زاتتى باياۋ عانا سيپاپ ٶتكەندەي بولادى, بٸراق شىن مەنٸندە جانشىپ, مايىرىپ جٸبەرەدٸ. گولوۆكيننٸڭ قولدارى سونداي كولەنۆال سيياقتى. تيگەن جەرٸن ويىپ تٷسٸرەدٸ. وعان بٷگٸن لوندونداعى O2 ارەناعا جينالعان ھەم تٸكەلەي ەفيرگە كٶز تٸككەن جانكٷيەرلەر تاعى بٸر كۋە بولدى. "وڭ كٶزٸمنٸڭ استى جىرىلىپ كەتتٸ, ەيتپەسە 12 راۋند بوكستاسۋشى ەدٸم" دەپ جاتتى برۋك. وعان بٸز دە, جەرگٸلٸكتٸ جانكٷيەرلەر دە سەنگەندەي تٷر جاسادىق:) ەدٸلٸن ايتۋ ٷشٸن كەلل برۋكتٸڭ GGG-مەن جۇدىرىقتاسۋ ٷشٸن جارتىلاي ورتا سالماقتان ورتا سالماققا ٶتكەن جٷرەكتٸلٸگٸن اتاپ ٶتۋ كەرەك. ال گەنناديي گولوۆكين ەلەم دەڭگەيٸندەگٸ كەسٸپقوي بوكستىڭ فەنومەنٸ ەكەنٸن تاعى دەلەلدەدٸ. جەڭٸس قۇتتى بولسىن!», – دەپ جازادى جۋرناليست.
