«قازاق ستيلٸ» ورتا سالماقتا ٷلكەن قاۋٸپكە ۇقسايدى. «Sky Sports Boxing» بٷگٸن جەنٸبەك ەلٸمحانۇلىنىڭ جەڭٸسٸنەن كەيٸن Twitter-دە وسىلاي جازدى, دەپ حابارلايدى "ۇلت اقپارات".
تانىمال بريتاندىق تەلەفرانشيزا «Sky Sports Boxing»-نٸڭ Twitter-اككاۋنتى ورتا سالماقتاعى قازاقستاندىق بوكسشى جەنٸبەك ەلٸمحانۇلىنىڭ (10-0, 6كو) امەريكالىق روب برانتپەن (26-3, 18كو) جەكپە-جەگٸنە باعا بەردٸ.
«ەلٸمحانۇلى برانتتى ويسىراتا جەڭدٸ. روب برانتتى التىنشى راۋندتا «وتىرعىزىپ», سەگٸز راۋندتان كەيٸن جەكپە-جەكتەن باس تارتۋعا مەجبٷر ەتكەن سوڭ, «قازاق ستيلٸ» ورتا سالماقتا ٷلكەن قاۋٸپكە ۇقسايدى», – دەپ كەلتٸرەدٸ Sky Sports Boxing جازباسىن kazproboxing Instagram-اككاۋنتى.
بۇدان بٶلەك, vRINGe.com سايتى قازاق بوكسشىسىنىڭ ايقاسىنا جوعارى باعا بەردٸ.
«Virgin Hotels, لاس-ۆەگاس, اقش. ورتاشا سالماق ليميتٸندە (72,6 كگ-عا دەيٸن) قازاقستاننان كەلگەن جەنٸبەك ەلٸمحانۇلى (10-0, 6 KO) بۇرىنعى ەلەم چەمپيونى امەريكالىق روب برانتتى (26-3, 18 KO) وپ-وڭاي جەڭٸپ كەتتٸ.
«قارسىلاستار بٸرازعا دەيٸن بٸر-بٸرٸنٸڭ قيمىلىن اڭدىپ جٷرٸپ الدى. برەندتٸڭ دايىندىقسىز شابۋىلى سول جاق بٷيٸردەن تيگەن سوققىمەن اياقتالدى. امەريكالىق قارقىن مەن قاشىقتىقتى سەزٸنە المادى: دجەب سوققىلارى دۇرىس تيمەدٸ, شابۋىلدارى دا دارىماي, كەرٸسٸنشە سوققىنىڭ استىندا قالدى.
برانتتىڭ جاتتىقتىرۋشىسى برايان ماكينتاير برانتتان جەكپە-جەكتٸ كٷشەيتٸپ, قاشىقتىقتى قىسقارتۋدى, بٸرٸنشٸ نٶمٸرمەن جۇمىس ٸستەۋدٸ تالاپ ەتتٸ. الايدا ول بەرٸن كەرٸسٸنشە جاسادى – قارسىلاسىنان قاشقاقتاپ, ارالارىن ۇزارتىپ الدى. جەكپە-جەكتٸڭ بٸر جاقتى بولعانى سونشا, ونى جالعاستىرۋدىڭ مەنٸ قالمادى. وسىلايشا قازاقستاندا ورتا سالماقتاعى توپ-10 ەكٸنشٸ بوكسشى بار. بٸزدٸڭ قۇتتىقتاۋلارىمىزدى قابىل الىڭىزدار!», - دەلٸنگەن حابارلامادا.
