سولتٷستٸك قازاقستان وبلىسىندا شاعىن ٶزەندەردٸڭ سۋى مولايىپ, تاسي باستادى. ۆوزۆىشەنكا ەلدٸمەكەنٸ ماڭىنداعى اقانبۇرلىق ٶزەنٸنٸڭ دەڭگەيٸ بٸر تەۋلٸكتە 273 سم دەيٸن كٶتەرٸلدٸ, دەپ حابارلايدى "ۇلت اقپارات".
سقو تٶتەنشە جاعدايلار دەپارتامەنتٸنٸڭ مەلٸمەتٸنشە, ع.مٷسٸرەپوۆ اتىنداعى جەنە ايىرتاۋ اۋداندارىنداعى شاعىن ٶزەندەردە سۋ دەڭگەيٸ كٶتەرٸلٸپ جاتىر. ەسٸل ٶزەنٸندە دە ٶزگەرٸس بار. الايدا ەزٸرگە قاۋٸپتٸ دەڭگەيگە جەتكەن جوق.
«كٷننٸڭ جىلىنۋىنا بايلانىستى اعىن سۋلار پايدا بولىپ, ٶزەن-كٶلدەرگە قۇيىلىپ جاتىر. سۋ قويمالارىنا كٷندەلٸكتٸ مونيتورينگ جٷرگٸزەمٸز. ەلدٸمەكەندەردٸ سۋ باسۋ جاعدايلارى تٸركەلگەن جوق. تەك ەكٸ اۆتوجولدىڭ ٷستٸنەن سۋ كەتتٸ», - دەيدٸ سقو تجد باسقارماسىنىڭ باستىعى رٷستەم جۇماعاليەۆ.
يمانتاۋ ەلدٸمەكەنٸندەگٸ زمەيكا ٶزەنٸ ەرٸگەن قار سۋىمەن تولىعىپ, ارناسىنان شىقتى. ديامەترٸ 500 مم قۇبىر سۋدى ٶتكٸزە الماعان. سالدارىنان سۋ جولىنداعى بٸر جىلىجايدى شايىپ كەتتٸ.
«قازٸر يمانتاۋ اۋىلىندا سۋ جوق. جاعداي تۇراقتالدى. ارىقتار قازىلىپ, سۋ القاپقا جٸبەرٸلدٸ. جالپى بارلىق اۋدانداردا سۋ باسۋ قاۋپٸ بار. باقىلاۋدا ۇستاپ وتىرمىز. وسى اپتادا اۋا تەمپەراتۋراسى +15 گرادۋسكە دەيٸن جوعارىلايدى. قازٸر وبلىس اۋماعىنىڭ 80 %-ىندا قار جاتىر», - دەيدٸ رٷستەم جۇماعاليەۆ.
سٸلەتٸ سۋ قويماسى قازٸرگٸ ۋاقىتتا 90 %-عا تولعان. ەرنەۋٸنەن اسۋ ٷشٸن 59 سم جەتپەيدٸ. سەرگەەۆ سۋ قويماسى 91 %-عا تولعان. ەسٸل ٶزەنٸندەگٸ مۇز جارىلعان جوق. وسى اپتادا اۋا تەمپەراتۋراسىنىڭ جىلىنۋىنا بايلانىستى مۇز جٷرە باستايدى دەگەن بولجام بار.
قازٸر وبلىستىڭ ەكٸ اۋدانىندا قۇتقارۋشىلاردىڭ ارنايى توبى جۇمىس ٸستەپ جاتىر. بٷگٸن ۋەليحانوۆ اۋدانىنا كٶكتەمگٸ سۋ تاسقىنىمەن كٷرەسكە وسىنداي ارنايى جاراقتاندىرىلعان توپ جٸبەرٸلەدٸ.
«قازگيدرومەت» رمك سقو فيليالىنىڭ مەلٸمەتٸنشە, ٶڭٸردٸڭ شاعىن ٶزەندەرٸندە – يمانبۇرلىق, اقانبۇرلىق, مۇقىر, شارىقتا سۋ دەڭگەيٸ كٷننەن-كٷنگە كٶتەرٸلٸپ كەلەدٸ. بٸر تەۋلٸكتٸڭ ٸشٸندە ۆوزۆىشەنكا ەلدٸمەكەنٸ ماڭىنداعى اقانبۇرلىق ٶزەنٸندە سۋ دەڭگەيٸ 273 سم دەيٸن كٶتەرٸلگەن.
