سولتٷستٸك قازاقستان وبلىسىنداعى ەلدٸ مەكەندەردٸڭ بٸرٸندە سينتەتيكالىق ەسٸرتكٸ جاسايتىن زەرتحانا انىقتالدى, دەپ حابارلايدى "ۇلت اقپارات".
سقو پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸنشە, ەسٸرتكٸ قىلمىسىنا قارسى ٸس-قيمىل باسقارماسىنىڭ قىزمەتكەرلەرٸ سينتەتيكالىق ەسٸرتكٸنٸ جاساپ, ساتۋمەن اينالىستى دەگەن كٷدٸكپەن وتباسىنى ۇستادى.
جەدەل-تەرگەۋ ٸس-شاراسى بارىسىندا ەسٸرتكٸ زاتتارىنىڭ پەتروپاۆلدا قولدان-قولعا بەرٸلۋ ارقىلى ساتىلىپ, پسيحوبەلسەندٸ ەسٸرتكٸ پرەپاراتتارىنىڭ وبلىس ورتالىعىنان 120 شاقىرىم جەردە جاسالاتىندىعى انىقتالدى.
جامبىل اۋدانىنداعى ەلدٸ مەكەندەردٸڭ بٸرٸندە پوليتسەيلەر ارنايى جاراقتاندىرىلعان زەرتحانانى تاپتى. مۇندا سينتەتيكالىق «تۇز» جاساۋعا بارلىق جاعداي جاسالعان: نىسان جەلدەتٸلٸپ, تٷرلٸ قاجەتتٸ ىدىستار, تٸپتٸ قورعانىش كوستيۋمدەرٸ مەن رەسپيراتورلارعا دەيٸن بولعان. زاڭسىز كەسٸپتٸ ازاماتتىق نەكەدەگٸ ەرلٸ-زايىپتى جەنە ولاردىڭ جاقىن تۋىستارى قۇرىپتى.
وپەراتسييا بارىسىندا پوليتسەيلەر ساتۋعا بۋىپ-تٷيٸلٸپ ەزٸرلەنگەن 55 گر سينتەتيكالىق ەسٸرتكٸنٸ تاپتى. سونداي-اق زەرتحانادان وراۋعا ارنالعان زاتتار, ۇيالى تەلەفوندار, دەرٸحانا تارازىسى, ارنايى دەپتەر جەنە سينتەتيكالىق ەسٸرتكٸگە ۇقساس 700 گر ۇنتاق تابىلىپ, الىندى. بۇل اتتاردىڭ بارلىعى سوت-حيمييالىق زەرتتەۋگە جٸبەرٸلدٸ.
«بۇل توپتى ۇستاۋ ٷشٸن ٶتكەن جىلدىڭ قازان ايىنان باستاپ وراسان جۇمىس جٷرگٸزٸلدٸ. قازٸر بۇل دەرەك «ەسٸرتكٸ, پسيحوتروپتىق زاتتاردى, سول تەكتەستەردٸ ٶتكٸزۋ ماقساتىندا زاڭسىز دايىنداۋ, قايتا ٶڭدەۋ, يەمدەنۋ, ساقتاۋ, تاسىمالداۋ, جٶنەلتۋ نە ٶتكٸزۋ» بابى بويىنشا سوتقا دەيٸنگٸ تەرگەپ-تەكسەرۋلەردٸڭ بٸرىڭعاي تٸلٸمٸنە ەنگٸزٸلدٸ. تٶرت كٷدٸكتٸ – ەكٸ ەر ادام مەن ەكٸ ەيەل قاماۋعا الىندى. تەرگەۋ جٷرٸپ جاتىر», - دەيدٸ سقو پد باستىعىنىڭ ورىنباسارى رۋسلان نازاروۆ.
جىل باسىنان ەسٸرتكٸ قىلمىسىنا قارسى ٸس-قيمىل باسقارماسىنىڭ قىزمەتكەرلەرٸ زاڭسىز اينالىمنان 17 كگ تٷرلٸ ەسٸرتكٸ زاتىن الدى. 31 ەسٸرتكٸ قىلمىسى انىقتالدى. وسى قىلمىستارعا قاتىسى بار 42 ادام ۇستالدى.
